Dá'maq 'neeta da nachitaxanataxanaxac
1Ca' nagui qamiri qarqaỹa', sahoqotaque sa'xataq da lqouagaxa ñi qota'a re'oq quená'maq icoñiguit da na'qaatec na'ñi na 'laua Macedonia. 2Ca ỹaatqajam 'ue da lqalaic, ma' 'xoic da ne'guenaxac, qam qaiyiita ỹa'maqatajlec. Ca 'eno'm 'xoratem', qam ỹaatqajam rachitaxanataxan, 'nejem ca nesallaxanqaipi. 3Ca ỹim sa'xat ma' ỹaatqajam seuanchigui yi'maxare, quiyim ỹahotaque rotaanaxan quená'ogue ná'maq nalootau'a, chaqai vire'ta quiyim ỹapacauec nqai'en ana lachitaxanataxanqate. 4Chaqai ỹaatqajam ipaca'alo qomi' quiyim seconaxaguit aca lotaanaxanqate quiyim qaỹotauan ca qarqaỹaripi. 5Ma' yi'maxare ỹo'uet dá'maq sqai huapigui qouel, ma' yi'maxare 'au nañaanot so qara'gaxala', ime, ca' qomi'. Ca' dajo ỹaatqajam chicqo'tot ñi qota'a. 6Ca' vichiguiño' qarepaca'a so Tito quiyim queetalec aná'maq lapoontac caqamiri, caná'maq notaanaxanqate shi'gue lapoontac so'maxare. 7Ma' qamiri qaica nqalañigui quená'ogue: queda rpi'ỹaxaguii, queda ra'maxahi quiyim paxaguinataxañii, chaqai 'ue da ra'deenaxanaxahi, chaqai da na'ñaaqataxaguii, queda re'xorenataxanaxahi coqomi'. Ca' vichiguiño' paguiỹauec quet queda 'ñiitari' queda re'naxanaxariguii.
8Shinac dajo, qam se ilaataxanaxac. Ta'ta'a quiyim sahotaque 'yiiñii ca na'ñaaqataxac cá'maq riỹahi, qaiyi re'oq dá'maq re'xorenataxanaxahi ỹaatqajam 'chichiguiñi. 9Ma' shi'gue 'yiiñii da lqouagaxa so qara'gaxala' Jesucristo. Ma' so'maxare ỹaatqajam nesallaxanec, qam ne'xoresentam, ma' paguec da le'xorenataxanaxa caqamiri, qaiyi qamiri nesallaxanqa, chicqochigui dá'maq le'xoric so'maxare.
10Saanec dajo ỹa'deenataxanaxac, qaiyi qaicanqaida caqamiri. Quiyim quedá'maq 'ñiitari' queso 'auaxaic ñaaxa, mesqaidaata quiyim 'viichii dajo, qam qai'neeta 'ue da reuogoxohi. 11Ca' nagui, ca' quiitalec da'maxare, chi ỹovireta'a quiyim machii. Ỹaatqajam se naqaguiñi nqai'ñii dá'maq 'ñiitari', quiyim 'ỹaañitac acá'maq ralohitau'a. 12Ma' ca qom no'm lliqueta da lamiaqnaxac, ca' ñi qota'a nqo'ta aca lame, qam acá'maq nalootau'a. Ma' ñi'maxare se roỹaxantaque acá'maq se qanalou'a.
13Qam mesqaida quiyim viriỹau'a quet ca rouenaxanaxahi quiyim tauañitac ca riỹahi. 14Ca' dajo 'neeta quiyim na qomyipi dá'ogue da 'neetari' qaican ỹapaguec. Ca' nagui qamiri 'viichii cá'maq ỹouentaque na'maxare. Ca' ma'le sqoue quiyim ỹo'uet cá'maq viñitaque, qaiyi qamiá'ogue ralohi'ijta', qaica ca ỹapacauec. 15Ma' chaqaida dá'maq 'neete' yaua naneresañi la'qaatqa ñi qota'a: “Quecá'maq 'xoic ca lapoonecsec, qam sqaica ca naauec; chaqai quecá'maq cocho'qui' ca lapoonecsec, qaica ca ỹouentaque.”
So Tito chaqai saua nauegaxaua'
16Qam ña'aachic quiñi qota'a, ma' ñi'maxare viichigui nqai'en añi le'taxanata so Tito quiyim dá'ogue dá'maq shinta quiyim sotauane' qamiri. 17Ma' so'maxare ỹaatqajam icoñi'chiguit dá'maq ỹaqataxac, chaqai so'maxare ỹaatqajam 'ue da 'neeta caqamiri, ca' nagui, ca chi nanoiquentac quepegueto qamiri.
18Liỹaatac nqaishinaq so Tito na 'óna qarqaỹa ná'maq no'uen da na'qaataxac quená'ogue na qarqaỹaripi queda no'uen lo'ueenataxanaxac queda na'qaatec chicqaugui da nca'laxa. 19Qam mesqaidaata dajo, ma' qai'neeta ná'maq qarqaỹaripi nca'au'a da'maxare quiyim qariỹaatac. Ca' qarotauan queda qarotaanaxanaxac quiyim semaqachinqatac so qara'gaxala' chaqai quiyim sichoxotaq dá'maq na'ñaaqataxaguii qamiri. 20Ma' sahoqotaque quiyim qaica ca qana'qaataxac se no'uen caná'maq llapoonqatac notaanaxanqate. 21Ma' qomi' sahoqotaque quiyim no'uen ca qana'qaataxac quedá'maq so'ueetaq, mesqaiñiita quiñí'maq qara'gaxala', qam qai'neeta quena qomyipi.
22Ca' quedajo, ca' 'ue na liỹa qarqaỹa selaraq, quená'maq re'qoota da 'neeta, paguec nagui quiyim noquiiguec da 'neeta da lotaanaxanaxac caqamiri, ca pe'e'tegue. 23No'm 'ue ca renataxan queso Tito, ca 'ñiỹaco' quiyim ỹo'ueenataxanaxaua, qareuocqoteguelgoto qamiri; chaqai no'm 'ue ca renataxanque naua liỹa', ca 'ñiỹaco' quiyim qailate' quena qarqaỹaripi, chaqai imaqachinsac so Cristo. 24Ca vichiguiño', qaiyi ỹa'yiinchigui na qarqaỹaripi, ca' qamiri re'qoota nqai'ñii da re'xorenataxanaxahi quenaua'maxare, ca' ỹaatqajam 'chichiguiñi quiyim sa'maxarenqate' qamiri.
