Ester 10

₁Ca' so nashi Asuero 'naac quiyim rishiuetenaxan ná'ogue ná'maq reloqota'alo naua 'lauari chaqai ná'maq neetalgoto naua delecolli'. ₂Dá'ogue dá'maq ỹo'uet ỹaatqajam 'ue nqai 'negue chaqai da lquesaxanaxa, chaqai dá'maq 'neeto' na' ỹa'ue yi loma' lodegaxat so Mardoqueo, qoỹeretalec asó'maq lere asó'maq hueetalec ná'ogue ná'maq qaỹo'uet queso nashillipi quiyi Media chaqai yi Persia. ₃So Mardoqueo só'maq judío le'ec, pa'aata'guit yi loma' so lashi na nashillipi. Ỹaatqajam chalego lecaic nqohin quena judioipi, nqo'itaxat quesá'ogue so lauo' laseripi, ma' ỹo'uet dá'maq ỹa'maqachiguiñi quesó'maq chi lauo' laseripi, chaqai reloquilec, qaiyi ỹa'maxañi so'maxare.