Ezequiel 10
(10.1-17 So Ezequiel 'ue da leuanaxanaxac huaugui ñi no'ueenaxanaxaqui.)
Da lauaq ñi qota'olec ca'e ñi no'ueenaxanaxaqui
18Ca na'le, ca' so lauaq ñi qara'gaxala' qota'olec taashiguim, ca' quelec ñi no'ueenaxanaxaqui, ca' hua'e hueetalgoto saua ise' 'vii laua'. 19Ca saua'maxare nanochishiguim naua laua', ca' ne'laxachishiguim quena 'laua. Ca' ỹim seuanalo na' ne'laxachishiguim, huaqata'guita saua laviol, chaqai na' huere'e quiñi lasom pa'a'gue da lqodoigue quiñi no'ueenaxanaxaqui quiñi qara'gaxala'. Ca' da lauaq ñi qota'olec queso Israel pa'aatashiguim quesaua'maxare. 20Ca' chaqaisaua sauá'maq ise' 'vii laua' seuanalo na'le caso lachiugue Quebar pa'aasañi quiñi qota'olec queso Israel. Ca na'le, ca' yitan negue' saua'maxare. 21Cuatro naua lashiigo' quiñi 'óna quesaua'maxare, chaqai cuatro naua laua'. Ca' quena pa'aasañi quenaua laua' 'ue na seuane'ta 'ec qom lqai'laqate'. 22Ca' naua lashiigo' ỹaatqajam 'nejme' sauá'maq ise' 'vii laua' seuanalo na'le caso lachiugue Quebar. Chaqai quena' eec, ỹalamqate'.
Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.
