So llaalqaipi so Noé
1Ca' chaqaina najo na llaalqaipi so Sem, Cam chaqai so Jafet, llaalqa so Noé sauá'maq co'na' ime'uegue so huaxaỹaq lodegaxat, ca 'vii sauá'maq chi lalamaxarete' llaalqa.
2Ca' saua llaalqa so Jafet: Gomer, Magog, Madai, Javán, Tubal, Mesec chaqai so Tiras. 3Ca' saua llaalqa so Gomer: saua Askenaz, Rifat chaqai so Togarma. 4Ca' saua llaalqa so Javán: saua Elisa, Tarsis, Quitim chaqai so Rodanim. 5Ca nauajo' nauá'maq llaalqa so Jafet nauá'maq neeso'oto' naua lahil aso huaaxai; quiñi 'óna ỹaatqajam chi lalamaxaret llaalqaipi la'qaachaxauaripi chaqai chi nayijnaxat nauá'maq neetalgoto 'lauari.
6Ca' saua llaalqa so Cam: Cus, Mizraim, Fut chaqai so Canaán. 7Chaqai sauá'maq llaalqa so Cus: saua Seba, Havila, Sabta, Raama chaqai so Sabteca. Ca' saua llaalqa so Raama: so Seba chaqai so Dedán. 8Ca' so Cus llaalec so Nimrod só'maq 'auaxaic qom 'ñaaxaic quena 'laua. 9Ca' so Nimrod ỹaatqajam ima'guit da leparaxanaxac, ma' chicqo'ot ñi qara'gaxala' ỹaatqajam paraxanaxai. Ca' chaqaida dá'maq chicqochigui da na'qaatec quen: 'Nejem ca Nimrod ima'guit da neparaxanaxac chicqo'ot ñi qara'gaxala'. 10Só'maq 'auaxaic na'aateripi reloqota'a so Nimrod: leenaxat Babel, Erec, Acad chaqai Calne hueetaugui yi 'laua leenaxat Sinar. 11Ca' chaqaiyi yijo 'laua chicqochi'ñi so Asur, ca' no'xoñishiguim yaua na'aate' quiyi Nínive, Rehobot-Ir, Cala, 12chaqai yi chalego lecaic na'a' leenaxat Resén hueetañiguilo na lavinñi' yaua Nínive chaqai yi Cala.
13So Mizraim chaqaiso so leta'a na ludeo laseripi, chaqai na anameo laseripi, chaqai na lehabita laseripi, chaqai na naftuhita laseripi, 14chaqai na patruseo laseripi, chaqai na casluhita laseripi, chaqai na caftorita laseripi ná'maq chigoxougui na filisteo laseripi.
15Ca' so Canaán 'auaxaic llaalec so Sidón chaqai so Het. 16So Canaán leta'a na jebuseo laseripi, chaqai na amorreo laseripi, chaqai na gergeseo laseripi, 17chaqai na heveo laseripi, araceo laseripi, sineo laseripi, 18arvadeo laseripi, zemareo laseripi, chaqai na hamateo laseripi. Ime, ca' ná'ogue na cananeo laseripi neuagaxatac. 19So na'laua so cananeo laseripi noquiiquetauec, chi ỹovireta'oga yi 'laua leenaxat Gerar, chicqochi'ñi yi Sidón, chi ỹovireta'a yi 'laua leenaxat Gaza; naloote'ogalo yaua na'aate' leenaxate' Sodoma chaqai yi Gomorra, Adma chaqai yi Zeboim, chi ỹovireta'a yi na'a' leenaxat Lasa. 20Ca' 'ena na llaalqaipi so Cam, quiñi 'oonoqui' ỹaatqata ná'maq chi lalamaxaret llaalqaipi na'qaachaxauaripi. Ca' chi nayijnaxat ná'maq neetalgoto 'lauari.
21So Sem só'maq lopiichi so Jafet qai'neeta 'ue so llaalqaipi. Sá'ogue so llaalqaipi so Heber chaqaiso só'maq chigoxougui so Sem. 22Ca' saua llaalqa so Sem: saua Elam, Asur, Arfacsad, Lud chaqai so Aram. 23Ca' saua llaalqa so Aram: saua Uz, Hul, Geter chaqai so Mas. 24Ca' so Arfacsad chaqaiso so leta'a so Sala, chaqai so Sala leta'a so Heber. 25Ca na' ime, ca' so Heber 'vii saua dos llaalqa: ca 'óna so leenaxat nqai'en Peleg, ma' na' ne'qaañi hueetougui so na'xa'a na' neuagaxat na qom quena 'laua. Ca' so lqaỹa so Peleg leenaxat Joctán. 26Ca' so Joctán chaqaiso so leta'a' saua Almodad, Selef, Hazar-mavet, Jera, 27Adoram, Uzal, Dicla, 28Obal, Abimael, Seba, 29Ofir, Havila chaqai so Jobab. Ná'ogue najo llaalqaipi so Joctán. 30Ca' neetalec yi 'laua chicqochi'ñi yi leenaxat Mesa, ca nqo'neetauec, chi ỹovireta'a yi Sefar. Quiyijo 'laua 'xoic ana quemaralec qa' ladocai pa'ỹa'gue da lqodoigue. 31Ca' 'ena na llaalqaipi so Sem; quiñi 'óna ỹaatqata ná'maq lalamaxaret llaalqaipi na'qaachaxauaripi, ca' chi nayijnaxat nauá'maq 'lauari neetalgoto.
32Ca' ná'ogue najo ná'maq llaalqaipi sauá'maq llaalqa so Noé, ná'ogue ỹaatqajam neuo' laseripi, qam ỹaatqate' nauá'maq chi la'aate'. Co'na' mashic ime'uegue so nqodoc, ca' neuagaxajlec na 'laua, ca' ỹaatqate' nauá'maq chi la'aate'.
