Salmos 122

₁¡Ỹaatqajam ñitoon quena' qohinapiguiỹa':

Qolaq, qolaxapegue' ñi no'ueenaxanaxaqui quiñi qara'gaxala' qota'olec!

₂Jerusalén,

¡mashic seuqatauguilo naua lasomi' caqami'!

₃Jerusalén, qami' na'a' qano'xonshiguim,

qaiyi qami' lapooqo' na qomyipi.

₄Ca' chaqana nau'a na ni'ic,

ná'maq ni'ic lauo' laseripi ñi qara'gaxala',

ỹahotaque imaqachin ñi'maxare,

ma' chaqaida dá'maq 'naac na'le queso Israel.

₅Chaqaiyi huaugui yí'maq na'maqataxanqa' quenanchaqaina,

na'maqataxanaxaqui ñi lauo' so nashi David.

₆Raualaxahi cañi re'taxanatahi, ca 'ñiỹac:

Paguec la'maxa quiyim 'ue ca no'daxa caqami', Jerusalén;

qaiyi qaicanqaida i'maqajlem ná'maq nqo'ta qami'.

₇Quiyim 'ue ca no'daxa quena napoxonaxat,

qaiyi qaica canchaqaica quena qauochi' lodegaxat.

₈Nagui, ca' shinac quena ñauochaxauaripi chaqai quena ỹaqaỹaripi:

Quiyim 'ue ca no'daxa caqami' Jerusalén.

₉Ñí'maq no'ueenaxanaxaqui quiñi qara'gaxala' ñí'maq qota'olec coqomi',

ỹim sahotaque ma'le quiyim ra'maqairiñi.