Da no'ueenaxanaxac taỹalec ca nashi quiyim 'on
1Chalego loyaague' naua ỹa'deenataxanaxaco;
ñi ỹo'legaxanaxat 'ec ca leraxanaxac
cá'maq no'uen neraxanaq.
¡Ca so'ueene'uegue dá'maq ỹa'qaatec quiñi nashi!
2¡Qami' ná'maq paguec lo'yaxanec quena ỹalliripi!
¡Da qouagaxa hueetauguilo naua ra'qaataxahi'!
Vichiguiño' ñi qota'olec qaica lqodoc quiyim no'ueenaxat qami'.
3¡Qami' nalauataxai, nishichiriñi ca lecachi'!
¡Ca' chaqaica cá'maq lemaqatet qami'!
4Da recaiqui' re'oq quiyim queeta da rauegaxanaxaqui',
loquiseguelec dá'maq lliqueta
chaqai qoshi'seguelec na 'xoraiquipi.
¡Chalego lecaic dá'maq ỹo'uet da ra'ñaxaqui'!
5Qami' nashi, qadoxonqui' na 'xoic qomyipi;
na roviqui' shitaxarai,
taachigui añi le'taxanata na npa'guenaxaua'e'ipi.
6Qami' qota'olec, quiyim 'viiquiñi'sac najo sqaica lqodoc,
qaica ca liỹa taỹa'gue, qaidaata da ỹa'maqachiguiñi.
7Qami' nashi, ỹaatqajam rqo'chita ná'maq no'uen chaqai se rqo'chita na se no'uen.
Vichiguiño' nca'au'a qami' ñi qota'olec ñí'maq qota'olec caqami',
Ca' 'xoic nqai'en da netoonaxaqui',
ỹapacauec nqai'en qami' quena riỹachi'ipi.
8Ná'ogue na qatooỹaqui' no'qaachigui quena coraxat lo'daxaraic lahita leenaxat mirra, áloe chaqai canela;
ỹo'uet da netoonaxaqui' quiñi qauochi' lodegaxat lo'ueetqate ana ladocoloue
quena' qaiviiguigui ana niviigue 'vii naua lequeete'.
9Cana 'aalo quiyim qami' nashi 'ue ana nashi llaale;
ca' queda qatoiqui' pa'aata'gue añi roua'e' nashi,
no'ueetaxat ná'maq paguec loyac 'oro.
10Ñaq na'xaỹaxañi', qami' ỹaalo'lli';
ỹaatqajam na'ijñitetegue dá'maq sham shinac caqami':
Totaxan o'lliinchirapega na rqaỹachi'ipi chaqai ná'maq chi qauochi',
11ma' ñi nashi nqo'teu'a dá'maq royaaqui';
ñi'maxare chaqaiñi ñi ra'gaxalachi', ca' qaiñiita na'xaỹaxañita.
12Llaale ñi nashi quiyi na'a' lodegaxat Tiro,
yí'maq paguec nesallaxanec quena qomyipi
ỹahotaque na lame, sha'apiguito' rqouaquitegue.
13¡Nagui, ca' nenoxono aná'maq nashi llaale ỹaatqajam lo'yaxana no'ueeteta!
¡Naua neloxoqui' 'vii naua lemaqatete' 'oro!
14Ỹaatqajam no'ueeteta nqohin, ca' qaỹauega'a ñi nashi,
qaicoỹaretalec queso nequetegaxaipi só'maq queloltapega aso'maxare,
qaicoỹa' quesaua nauochaxaua'.
15Chalego da netoonaxac quiyim queeta;
'xoic da laỹaac na' inoxono quiñi lauo' lodegaxat so nashi.
16Qami' nashi, na qachaalaxai'ipi
nqa'xanñigui ma'le añi nqa'xanaxaqui so 'auaxaic qata'alli'ipi nashillipi,
ma'le, ca' nashi nqai'ñi' quená'ogue na 'laua ñiitalec.
17Najo ỹo'ueenec ỹo'uet ma'le quiyim no'leentaxat da qadeenaxachi'
quena dalaxaic qomyipi,
chaqai quiyim na qomyipi se neme remaqachiñi'sac.
