Salmos 67

₁Qami' qota'olec,

rqouaquiteguelo qomi' chaqai qaro'ueenaxachi';

qami' huagaxaraic quiyim qara'ajñisac,

₂qaiyi ná'ogue na ỹoreta'oguit qomyipi quena 'laua

ỹa'den dá'maq vi'saque chaqai da nca'laxa.

₃Qami' qota'olec,

imaqachin qami' na ỹoreta'oguit qomyipi;

¡quiyim ná'ogue na ỹoreta'oguit qomyipi imaqachin qami'!

₄Quiyim ná'ogue na ỹoreta'oguit qomyipi ỹaualqagui queda netoonaxac,

ma' qami' 'viiquiñi'sac na qomyipi queda ỹa'maqachiguiñi;

¡qami' shaxañisac ná'ogue na qomyipi quena 'laua!

₅Qami' qota'olec,

imaqachin qami' na ỹoreta'oguit qomyipi;

¡quiyim ná'ogue na ỹoreta'oguit qomyipi imaqachin qami'!

₆Na nanecsec quena 'laua 'ue na la;

¡ñi qota'olec no'ueenaxate' qomi'!

₇¡Ca' ñi qota'olec no'ueenaxate' qomi'!

¡Ca' qaimaqachin quená'ogue na 'laua!