Cantares 3

₁Quiyi pe quena' ñinantañi quiyi ỹoma',

sedaantaque quen só'maq lqo'itaxat da ñachaalataxac.

Sedaantaque quen, qam se sanata.

₂Ca na'le, ca ñi'laxashiguim,

ca' shigougui yi na'a' lodegaxat,

sedaantaque só'maq lqo'itaxat da ñachaalataxac

quenaua nayico chaqai quena nco'matqa' na qom.

Sedaantaque, qam se sanata.

₃Senate' saua nouaataxanaq lase',

sauá'maq reloqosa'a yi na'a' queso pe:

¿Sqai huañiỹo' qamiri cá'maq lqo'itaxat da ñachaalataxac?

₄Ỹaatqajam chi sqosha'ahi saua'maxare,

ca ñachiñi'chiguit só'maq lqo'itaxat da ñachaalataxac.

Ca' secona da lqai'laxat, ca sqai saxanec,

ca sauega'a yi la'a' añi ỹate'e.

₅'Ỹaañiuec da ra'qaachiguii, qamiri 'aallipi quena Jerusalén,

quena naueenec chaqai quena peele quena no'ueenaxa,

ca' sqai qaicchiỹa'guit da lelaxac yí'maq iqo'itqate,

chi ỹovireto'o' ma' chi neme ca lelaxac.