Cantares 7

₆Qami' iqo'itqate, qami' 'aalo maqachaqai,

¡chalego royaaqui', ỹaatqajam qami' lo'yaxana!

₇Da no'ueenataxaqui' 'ec ana chaavic

chaqai naua ro'viichi' 'ec caua dos laxale chaavic la.

₈Ỹim sahotaque shicshi'megue ada chaavic,

qaiyi ỹalamaxarete' ñaua laxale cana la.

Ca' naua ro'viichi' 'nejme' ma'le

caua 'uva laxale;

na racachi' 'ec manzana lahita;

₉na noquiaqe' 'ec ná'maq no'uen lataxa

quiyim chi resaullichi'ñigui

quena naapi' chaqai quenaua nouee.

₁₀Ỹim lalamaxarete só'maq iqo'itaxat:

ma' yaueca'guit dá'maq lquesaxanaxa da lqo'iichi.