1 Crónicas 2

₁'Ena na le'enaxatpi som llalaqpi co'ollaxa so Israel: Rubén, Simeón, Leví, Judá, Isacar, Zabulón, ₂Dan, José, Benjamín, Neftalí, Gad qataq so Aser.

₃Soua llalqa so Judá le'enaxa't Er, Onán qataq so Selá. Qaq se'esoua tres nache llalqa asom Canaán lashe maye llale co'ollaxa so Súa. Qalaxaye so Er, som llalec ỹe so Judá, ỹo'ot co'ollaxa nam ỹataqta saỹaỹamaxaren Ñim Nataxala', ỹoqo'oye Ñim Nataxala' nqat da nachaalataxac somaye. ₄Qaq co'ollaq ime de'era, nache so Judá qaltaq huo'oi soua dos llalqa, maye llalqa aso Tamar, asom late co'ollaxa so Judá, qaq soomaye le'enaxa't, Fares qataq so Zeraj. Qaq da ỹalega't soua llalqa so Judá, nache ivi' cinco.

₅Qaq soua llalqa so Fares: Jesrón qataq so Hamul. ₆Qaq so Zeraj, cinco soua llalqa: Zimri, Etán, Hemán, Calcol qataq so Dara.

₇Qaq so llalec so Carmi le'enaxat Acar, som talec naqa'en nam qauemsat so Israel le'ecpi, souaxat da huo'o so ỹaconapi som damaxasoxoolec co'ollaxa Ñim Lo'onatac 'Enauacna, da 'enauac qailaxachigui. ₈Qaq so llalec so Etán le'enaxat Azarías.

₉Qaq soua llalqa so Jesrón le'enaxa't Yeramel, Ram qataq so Quelubay.

₁₀Qaq so Ram nacheso so lta'a so Aminadab, qaq so Aminadab, nacheso so lta'a so Nasón, som lataxala' co'ollaxa som chegoxoguetpi so Judá ₁₁Qaq so Nasón nacheso so lta'a so Salmá. Qaq so Salmá nacheso so lta'a so Booz. ₁₂Qaq so Booz nacheso so lta'a so Obed, qaq so Obed nacheso so lta'a so Yesé, ₁₃Qaq so hua'auchiguiñi llalec so Yesé le'enaxat Eliab, qaq so dalaxaic le'enaxat Abinadab, qaq so ca'atalec somaye le'enaxat Simea. ₁₄Qaq so lỹa Natanael, qaq so lỹa Raday, ₁₅qaq so lỹa Osén qaq so lỹa David. ₁₆Qaq soua 'alol maye lqaỹa't soomaye le'enaxa't Seruyá qataq aso Abigaíl. Qaq aso Seruyá tres soua llalqa: Abisay, Joab qataq so Asael. ₁₇Qaq aso Abigaíl qalaq 'oonolec so llalec le'enaxat Amasa, qaq so lta'a somaye le'enaxat Jéter, som ismaeliita.

₁₈Qaq so Caleb maye llalec so Jesrón, huo'o so llalec co'ollaq deco'oiguet aso Azuba le'enaxat Jeriot. Qaq asomaye nache llalqa soua Jeser, Sobab, qataq so Ardón. ₁₉Qaq co'ollaq ileu aso Azuba, nache so Caleb qaltaq huaroneguet aso Efrata, nache huo'o so llalec le'enaxat Hur. ₂₀Qaq so Hur nacheso so lta'a so Uri, qaq so Uri nacheso so lta'a so Besalel.

₂₁Qaq so Jesrón co'ollaq mashe ivi' soua sesenta vi'iye da nachaalataxac, nache huaroneguet aso llale so Maquir, som lta'a so Galaad, nache huo'o so llalec le'enaxat Segub. ₂₂Qaq so Segub nacheso so lta'a so Yaír, som ilotague' co'ollaxa so veintitrés huaqta'a't nỹecpi maye ỹotta'a't naua nañalo ye Galaad. ₂₃Qalaxaye so Gesur qataq so Aram, deuotaxaarec co'ollaxa som nanataqa'pi, qataq so huaqta'a't nỹecpi ye Yaír qataq ye Quenat, lỹaueegue' som lauoreuapi nma'piolec, qaq da ima'a't somayepi nache ivi' sesenta se'eso huaqta'a't nỹecpi maye ỹotta'a't naua nañalo. Qaq 'enauac se'esopi, lalamaxat co'ollaxa som llalaqpi so Maquir, som lta'a so Galaad.

₂₄Qaq co'ollaq mashe ileu so Jesrón, nache so Caleb huaroneguet aso Efrata, maye lhua co'ollaxa so Jesrón, som lta'a somaye, nache huo'o so llalec le'enaxat Asjur, som lta'a co'ollaxa so Tecoa.

₂₅Qaq soua llalqa so Yeramel, maye ỹe llalec so Jesrón, som hua'auchiguiñi le'enaxat Ram, qaq soua lỹa't Buna, Oren, Osén qataq so Ajías. ₂₆Qaq so Yeramel qaltaq huo'o co'ollaxa aso dalaxai lhua le'enaxat Atara. Qaq asomaye nache late'e so Onam.

₂₇Qaq soua llalqa so Ram, som llalec ỹe so Yeramel, le'enaxa't Magás, Jamín qataq so Equer. ₂₈Qaq soua llalqa so Onam: Samay qataq so Yadá.

Qaq soua llalqa so Samay: Nadab qataq so Abisur.

₂₉Qaq aso lhua so Abisur le'enaxat Abijail, qaq asomaye nache late'e so Ajbán qataq so Molid.

₃₀Qaq soua llalqa so Nadab le'enaxa't Seled qataq so Apayin. Qaq so Seled choche ivitta'a da ileu da qaica ca llalec. ₃₁Qaq so Apayin nacheso so lta'a so Isí. Qaq so Isí nacheso so lta'a so Sesán. Qaq so Sesán nacheso so lta'a so Ajlay.

₃₂Qaq soua llalqa so Jadá, maye lqaỹa so Samay, le'enaxa't Jéter qataq so Jonatán, qaq so Jéter choche ivitta'a da ileu da qaica ca llalec. ₃₃Qaq soua llalqa so Jonatán le'enaxa't Pelet qataq so Zaza. Qaq soomaye nache chegoxogueta so Yeramel. ₃₄Qaq so Sesán qalaq qaica ca llalec, nda'a't soua llalel. Qalaxaye huo'o co'ollaxa so l-latac Egipto le'ec maye le'enaxat Jarhá, ₃₅qaq nacheso so ỹanem co'ollaxa da ỹauo'o lhua, aso 'oonole soua llalel somaye, qaq nachaso aso late'e so Atay. ₃₆Qaq so Atay nacheso so lta'a so Natán, qaq so Natán nacheso so lta'a so Zabad. ₃₇Qaq so Zabad nacheso so lta'a so Eflal, qaq so Eflal nacheso so lta'a so Obed, ₃₈qaq so Obed nacheso so lta'a so Jehú, qaq so Jehú nacheso so lta'a so Azarías, ₃₉qaq so Azarías nacheso so lta'a so Heles, qaq so Heles nacheso so lta'a so Elasa, ₄₀qaq so Elasa nacheso so lta'a so Sismay, qaq so Sismay nacheso so lta'a so Salún, ₄₁qaq so Salún nacheso so lta'a so Jecamías, qaq so Jecamías nacheso so lta'a so Elisama.

₄₂Soua llalqa so Caleb, maye lqaỹa so Yeramel, som ỹe le'enaxa't Mesa, maye nacheso so lta'a so Zif, qaq so na'asa le'enaxat Meresá maye nacheso so lta'a so Hebrón. ₄₃Qaq soua llalqa so Hebrón le'enaxa't Coré, Tapuaj, Requén qataq so Semá. ₄₄Qaq so Semá nacheso so lta'a so Raján, qaq so Raján nacheso lta'a so Jorcoán, qaq so Requén nacheso so lta'a so Samay. ₄₅Qaq so Samay nacheso so lta'a so Maón, qaq so Maón nacheso so lta'a so Betsur.

₄₆Qaq aso Efa, maye ỹaqauga lhua so Caleb, nachaso aso late'e so Jarán, Mosá, qataq so Gazez. Qaq so Jarán nacheso so lta'a so Gazez.

₄₇Qaq soua llalqa so Yaday le'enaxa't Reguén, Yotán, Guesán, Pelet, Efa qataq so Sáaf.

₄₈Qaq aso Macá, maye ỹaqauga lhua so Caleb, nachaso aso late'e so Seber qataq so Tirjaná. ₄₉Qataq nataqa'en nache late'e asomaye so Sáaf, som lta'a so Madmana, qataq so Sebá, som lta'a so Macbena qataq so Gabaa. Qaq so Caleb nataqa'en huo'o co'ollaxa aso 'oonole llale le'enaxat Acsa. ₅₀Qaq 'eso som chegoxoguetpi co'ollaxa so Caleb.

Qaq soua llalqa so Hur, maye llalec ỹe so Efrata, Sobal, som lta'a so Quiriat Yearin, ₅₁Salmá, som lta'a so Belén, qataq so Jaref, som lta'a so Bet Gader.

₅₂Qaq soua llalqa so Sobal, som lta'a so Quiriat Yearin, le'enaxat Reaía, maye tachiguingui na laiñi so manajatiitapi, ₅₃qataq som lauo' le'ecpi so Quiriat Yearin, itriitapi, futiitapi, sumatiitapi, qataq so misraiitapi, maye nacheso som chegoxoguetpi so soratiitapi qataq som estaoliitapi.

₅₄Qaq so llalaqpi so Salmá le'enaxat, Belén, netofatiitapi, Aterot Bet Joab, qataq som laỹepi maye tachiguingui na laiñi so manajatiitapi, soreiitapi, ₅₅qataq som lauo' le'ecpi som soferiitapi maye netaña co'ollaxa ye Jabés, som le'enaxat tirateopi, simateopi qataq som sucateopi. Qaq somayepi nacheso som queniitapi maye chegoxoguet so Jamat, som lta'a so Bet Recab.