1 Crónicas 4

₁Soua llalqa so Judá le'enaxa't Fares, Jesrón, Carmi, Hur qataq so Sobal. ₂Qaq so Reaía, som llalec so Sobal, nacheso so lta'a so Yajat, qaq so Yajat nacheso so lta'a so Ajumay qataq so Lajad. Qaq soomaye nache lauo' lashe' som soratiitapi.

₃Qaq soua llalqa so Hur le'enaxa't Etam, Jesreel, Isma qataq Ibdas. Qaq aso lqaỹa't soomaye le'enaxat Jaslelponí. ₄Qaq so Peniel nacheso so lta'a so Gedor, qaq so Ezer nacheso so lta'a so Jusá. Qaq soomaye nache chegoxoreguet so Hur, som llalec ỹe so Efrata, maye lta'a so Belén.

₅Qaq so Asjur, som lta'a so Tecoa, dos co'ollaxa soua lhua't maye le'enaxa't. Hela qataq aso Nará. ₆Qaq aso Nará nachaso aso late'e' so Ajusán, Jéfer, Temeni qataq so Ajastarí. Qaq 'esoua soua llalqa aso Nará. ₇Qaq soua llalqa so Hela le'enaxa't Séret, Jesohar qataq so Etnán.

₈Qaq so Cos nacheso so lta'a so Anub qataq so Sobebá, qataq nache chegoxoguet somaye som lauo' le'ecpi so Ajarjel, som llalec so Harún.

₉Qaq so Jabés ỹataqta ỹaquitcheguem co'ollaxa da la'amaqchec, napacalec so lqaỹañecpi, qaq aso late'e ỹanagui de'era ne'enaxat souaxato' da ỹataqta lta'araic da nqui'ic co'ollaq ñiguiñi somaye. ₁₀Qaq so Jabés nachoxonnot co'ollaxa Ñim Natamnaxala' na Israel le'ecpi, 'eeta': «Ñaq aỹem 'auchoxoren, qataq aỹem 'aỹa'anem ca qalochiguiñi 'alhua, aỹem 'autauan qataq aỹem 'ausoueeguesop na qauemsat, yaqto' saishet da nache queta da ñeque'eenaxac.» Qaq Ñim Lo'onatac 'Enauacna ỹanem som iỹaxanaique co'ollaxa somaye. ₁₁Qaq so Quelub, maye lqaỹa so Súa, nacheso so lta'a so Mehír, qaq so Mehír nacheso so lta'a so Estón. ₁₂Qaq so Estón nacheso so lta'a so Bet Rafa, so Paseaj qataq so Tejiná, som ỹa'areñi co'ollaxa so huaqta'a't nỹecpi maye naña ye Najás. Qaq 'esopi som netalec co'ollaxa ye Reca. ₁₃Qaq soua llalqa so Quenás le'enaxa't Otoniel, qataq Seraías. Qaq soua llalqa so Otoniel le'enaxa't Jatat, ₁₄qataq so Meonotay, som lta'a so Ofrá. Qaq so Seraías nacheso so lta'a so Joab, som chegoxoguet co'ollaxa so shiỹaxauapi maye netalec ye ca'amapega't 'alhua ye Jarasín, maye lcat lo'opi. ₁₅Qaq soua llalqa so Caleb, maye llalec so Yefune le'enaxa't Ir, Elá qataq so Noam. Qaq so Elá nacheso so lta'a so Quenáz ₁₆Qaq soua llalqa so Jahaleel le'enaxa't Zif, Zifá, Tirías qataq so Asareel.

₁₇Qaq soua llalqa so Esdras le'enaxa't Jéter, Mered, Efer qataq so Jalón. Qaq so Mered huaroneguet co'ollaxa aso Bitía, asom llale so faraón, qaq soua llalqa le'enaxa't María, Samay qataq so Isbaj, maye lta'a so Estemoa. ₁₈Qaq so Mered nataqa'en huo'o co'ollaxa aso lhua lỹa, maye chegoxoguet som lauo' le'ecpi so Judá, qaq nachaso aso late'e so Yared, som lta'a so Gedor, so Jéber, som lta'a so Soco qataq so Jecutiel, som lta'a so Zanoaj.

₁₉Qaq aso lhua so Hodías, asom lqaỹa so Naján, som lta'a so Keila, soua llalqa asomaye le'enaxa't Daliá som garmiita, qataq so Estemoa som maacateo.

₂₀Qaq soua llalqa so Simón le'enaxa't Amnón, Rina, Ben Janán qataq so Tilón. Qaq soua llalqa so Isí le'enaxa't Zojet qataq so Ben Zojet.

₂₁Qaq som chegoxoguetpi so Selá, som llalec so Judá, le'enaxat Er, som lta'a so Leca, so Ladá som lta'a, so Maresa, qataq so nhuo' le'ecpi maye ỹo'ottac co'ollaxa na lino huaña ye Bet Asbea, ₂₂qaq so Joacín nataqa'en nache chegoxoguet so Selá, qataq som netralec co'ollaxa ye Cozeba, Joás, qataq so Saraf, som huaronegueta co'ollaxa so 'alpi Moab lashepi ime, nache ỹe'eguelaxara ye Belén, qaq 'era dam huetalec asom togoshaapec nereguishe. ₂₃Qaq somayepi nacheso so 'alhua lo'opi co'ollaxa maye netalec ye Netaim qataq ye Gedera, qataq nache do'onataxaatacot so nta'a.

₂₄Soua llalqa so Simeón le'enaxa't Nemuel, Jamín, Jarib, Zeraj qataq so Saúl. ₂₅Qaq so Saúl nacheso so lta'a so Salún, qaq so Salún nacheso so lta'a so Mibsán, qaq so Mibsán nacheso so lta'a so Misma.

₂₆Qaq so Misma nacheso so lta'a so Jamuel, qaq so llalec so Jamuel le'enaxat Zacur, qaq so llalec so Zacur le'enaxat Simea. ₂₇Qaq so Simea ivi' dieciséis so llalaqpi, qataq seis soua llalel 'alo, qalaxaye som lqaỹañecpi soomaye, saishet co'ollaxa da qalota so llalaqpi, qaq ỹoqo'oye saishet da 'eeta'am som chegoxoguetpi so Judá da ỹataqta qalota. ₂₈Qaq somayepi nache netalec co'ollaxa ye Berseba, Molada, Jasar Súaj, ₂₉Bilhá, Esén, Tolad, ₃₀Betuel, Jormá, Siclag, ₃₁Bet Marcabot, Jasar Susín, Bet Biray qataq ye Sagarayin. Qaq 'eso som huaqta'a't nỹecpi maye ỹotta'a't naua nañalo maye lalamaxatpi somayepi, choche ivitta'a co'ollaq do'onataxan da nta'a so David. ₃₂Qataq nataqa'en huo'oi soua cinco 'aleu' maye lalamaqa'ate somayepi. Etam, Ayin, Rimón, Toquén qataq ye Asán, ₃₃qataq 'enauac som lauoreuapi nma'piolec maye coleesop se'eso huaqta'a't nỹecpi maye ỹotta'a't naua nañalo, nache ivitta'a ye Baalat. Qaq nam le'enaxatpi som 'alhuapi maye netalec co'ollaxa somayepi, maye naneraqa' som lauo' le'ecpi somayepi. ₃₄Mesobab, Jamlec, Josías, som llalec so Amasías, ₃₅Joel, Jehú som llalec so Josibías, maye laual so Seraías, qataq laualsa so Asiel, ₃₆Elieonai, Jaacoba, Yesojaías, Asaías, Adiel, Jesimiel, Benaías, ₃₇Zizá, som llalec so Sifi, maye laual so Alón, qataq laualsa so Jedaías, qataq so Simerí, qataq so Semaías. ₃₈Qaq 'enauac se'eso qaỹa'axatpi, somayepi nache lataxala'pi co'ollaxa som lauo' le'ecpi. Qaq cha'aye som lauo' le'ecpi somayepi nquictauec co'ollaxa nache ivitta'a da ỹataqta qalota, ₃₉nache jec co'ollaxa, nache ivitta'a so ñegueuo ye Guerar, maye pa'aỹa'ague da nala' lliguisheguem so ca'amegue, da nmittaique so 'auaqpi da yaqto' aloq som na'atetpi, ₄₀qaq huaña yemaye nache ilalec so ỹataqta 'onaxaic qataq qalota 'auaqpi, qataq qalochiguiñi ye 'alhua, maye ỹe'emaqtac, qataq qaica cara. Qaq yemaye nache netalec co'ollaxa som chegoxoguetpi so Cam. ₄₁Qalaxaye huetoigui co'ollaxa da nta'a so Ezequías maye Judá le'ec, da nvi' som 'eso qaỹa'axatpi nache iloquiaxan, nache nlaxatchiguiñi so lpe'lpi qataq so lma'pi som chegoxoguetpi so Cam, som ilalecpi da netaña yemaye, qaq cha'aye yi'iye 'alhua qalota na 'auaqpi da yaqto' aloq na na'atetpi, ỹoqo'oye nache netalec yemaye, choche ivitta'a nagui. ₄₂Qataq som quinientos nalleppi somayepi, som chegoxoguetpi so Simeón, jec taỹa añi qasoxonaxa maye naña ye Seír, qaq soua lataxala'ate somayepi Pelatías, Nearías, Rafaías qataq so Uziel, maye llalqa so Isí, ₄₃qaq huaña nache nmatchiguiñi da ỹalauat som amalec le'ecpi maye no'onañi co'ollaxa. Ime, nache nalec yemaye choche ivitta'a nagui.