1Qaq 'era da 'eetec da 'enauac so Israel le'ecpi, da qoỹettaua'a aso lere so nta'alpi ye Israel.
Som ñe'eguelaqpi co'ollaxa chegaqa'a ye Babilonia
Qaq so shiỹaxauapi maye Judá le'ecpi, qaỹauega co'ollaxa ye Babilonia, souaxat da lle'etaxaloxo.
2Qaq som hua'auñipi da ỹe'eguelaxa da nalec som maiche lalamaxat lma'pi, qataq da naigui som huaqta'a't nỹecpi, nacheso som Israel le'ecpi, ntaxaỹaxanaxanecpi, leviitapi qataq som huetague'pi naxa aso atamnaxaqui. 3Qaq som chegoxoguetpi so Judá, Benjamín, Efraín qataq so Manasés qalaq naña co'ollaxa ye Jerusalén.
4Qaq som chegoxoguetpi so Judá, le'enaxat Utay, som llalec so Amiud, maye llalec so Omri, maye llalec so Imri, maye llalec so Bani, maye chegoxoguet so Fares, som llalec so Judá. 5Qaq so siloniitapi: So Asaías, nacheso som la'auaxanec llalec. 6Qaq som chegoxoguetpi so Zeraj, le'enaxat Jeuel, qataq som lauo' le'ecpi somaye, qaq somayepi ivi' seiscientos noventa da ima'a't.
7Qaq som chegoxoguetpi so Benjamín, le'enaxat Salú, som llalec so Mesulán, maye llalec so Hodavías, maye llalec so Senúa, 8Ibneías, maye llalec so Jeroán, Elá, maye llalec so Uzi, maye llalec so Micri, Mesulán, maye llalec so Sefatías, maye llalec so Reuel, maye llalec so Ibnías. 9Qataq so lqaỹañecpi, nache ivi' novecientos cincuenta y seis da ima'a't somayepi, qaq 'enauac somayepi da lataxala'pi so maiche lauo' le'ecpi.
10Qaq so ntaxaỹaxanaxanecpi, le'enaxat Jedaías, Joyarib, Jaquín, 11Azarías, som llalec so Hilcías, maye llalec so Mesulán, som llalec so Sadoc, maye llalec so Merayot, som llalec so Ajitob, maye nataxala' aso atamnaxaqui maye lalamaqte Ñim Lo'onatac 'Enauacna, 12Qataq so Adaías, maye llalec so Jeroán, som llalec so Pasjur, maye llalec so Malquías, Masay, som llalec so Adiel, maye llalec so Yazera, som llalec so Mesulán, maye llalec so Mesilemit, som llalec so Imer, 13qataq so lqaỹañecpi, maye ivi' mil setecientos sesenta, maye lataxala'pi so maiche lauo' le'ecpi, qaq somayepi ỹataqta ỹaỹaten da ilo'ogue aso atamnaxaqui maye lalamaqte Ñim Lo'onatac 'Enauacna.
14Qaq so leviitapi: Semaías maye llalec so Jasub, som llalec so Azricán, maye llalec so Jasabías, maye chegoxoguet so lauo' le'ecpi so Merari, 15Bacbacar, Heres, Galal qataq so Matanías, maye llalec so Micaía, som llalec so Zicri, maye llalec so Asaf, 16qataq so Abdías, maye llalec so Semaías, som llalec so Galal, maye llalec so Jedutún, qataq so Berequías, maye llalec so Asá, som llalec so Elcana, maye netaña co'ollaxa yem nma'piolec maye lalamaxat som netofatiitapi.
17Qaq so lasom lo'opi, le'enaxat: Salún, Acub, Talmón, Ajimán. Qaq so Salún, maye lqaỹa't soomaye, nacheso som nataxala'. 18Qaq nache ivitta'a nagui da nauaatac yem llegueuo so nta'a, maye pa'aigue da yo'oxoñi, qaq 'eso som lasom lo'opi maye nauaatac som lanataqa'pi som leviitapi.
19Qaq so Salún, som llalec so Coré, maye llalec so Eliasaf, som llalec so Coré, qataq som lauo' le'ecpi coreiitapi, somayepi nacheso som ilotague' yem ñegueuo so npe'l maye naỹonqa', qaq nache 'eeta'am co'ollaxa som hua'au lta'alpi da ilotague' so ñegueuo som lanataqa' Ñim Nataxala'.
20Qaq co'ollaq saxanaxa de'era, nache so Finés, som llalec so Eleazar, nacheso so lataxala' somayepi. Qaq Ñim Nataxala', ỹataqta hueta'aguet naxa somaye.
21Qaq so Zacarías, maye llalec so Meselemías, somaye nacheso so ilotague' yem ñegueuo so npe'l maye lanataqa' Ñim Lo'onatac 'Enauacna.
22Qaq ye lcata so lasom lo'opi maye nca'aguishecpi, nache ivi' doscientos doce, maye qaỹachegoxotalec asom le'enaxat lmalatepi som chegoxoguetpi somayepi, maye so David qataq so Samuel maye huo'oi naua l-loxoco, lapaxañi co'ollaxa da lataxac da lo'onataxanaxac somayepi. 23Qaq somayepi qataq so llalaqpi, nacheso so lasom lo'opi, qataq nmeeta'a't da ilo'ogue som ñegueuo asom atamnaxaqui maye lalamaqte Ñim Nataxala'. 24Qaq nache 'enauaque naua laỹel asa'aso atamnaxaqui da ilotague' se'eso lasom lo'opi, som pa'aigue da nala' lliguisheguem, qataq da nala' lliguiñi, sheu' qataq da taguiñi 25Qaq som lqaỹañecpi maye hueta'alo naua lma'ate, naỹa naxa da nmeneguet da itauan somayepi, da iveldec soua siete na'axa'te. 26Qaq se'esoua cuatro lataxala'ate se'eso lasom lo'opi, maye chegoxoguet nam leviitapi, soomaye nache sa deraỹai'salo da ilotagueto som nanataqa'pi se'eso nỹec, qataq som no'on nogoxoshetpi maye huetaigui aso atamnaxaqui maye lalamaqte Ñim Lo'onatac 'Enauacna. 27Qaq ye pe, nache soomaye coleetra'asop da nauaatralec aso atamnaxaqui, qaq da yo'oxoñi nache ỹauatoigui som lasompi asomaye. 28Qaq soomaye, huo'oi soua pa'aỹa'agueta da ilotague' som nogoxoshetpi maye qaỹo'onataxana naxa da qaỹo'ot da ño'oxonnataxanaxac, qataq nachesoua soua naloqte'n naxa da qanqatec qataq da qaỹaỹamaxat. 29Qataq huo'oi soua pa'aira'aguet da ilo'ogue so laỹepi nogoxoshetpi maye saqaishetapec, nataqa'en nam 'ayiiña, lataxa, aceite, nchenaxanaxat, qataq so coraxatpi maye ama na laita. 30Qataq huo'o so ntaxaỹaxanaxanecpi maye pa'aỹa'aguet da ỹo'ottac som coraxatpi. 31Qaq huo'o so chegoxoguet na leviitapi le'enaxat Matatías, som ỹe llalec so Salún, maye coreiita, somaye nacheso so pa'aỹa'aguet da ỹo'ottac naxa ana nauole da yaqto' nachetaqtaxanaqte. 32Qataq huo'o som lauo' le'ecpi somaye, som quehatiitapi maye pa'aỹa'aguet naxa da ỹo'ot ana nauole maye saqaishetapec, qataq da naloqchiichiguiñi naxa da ỹachalec so lmala' asomayepi da ivita ye na'a'q mataxaqui. 33Qaq nataqa'en huo'o so 'onaxanaxaicpi, maye lataxala'pi se'eso nhuo' le'ecpi leviitapi, som hueta'a naxa se'eso nỹecpi asa'aso atamnaxaqui. Qaq somayepi nache saishet da ỹacootegueua'a nam laỹepi no'onatacpi, cha'aye ye na'a'q qataq ye pe, nache huetague' da maiche lo'onataxanaxac.
34Qaq se'eso nacheso som lataxala'pi co'ollaxa se'eso nhuo' le'ecpi, maye chegoxoguetpi so leviitapi, maye netaña co'ollaxa ye Jerusalén.
Som chegoxoguetpi so Saúl
35Qaq ye Gabaón, nache netaña co'ollaxa so Yejiel, maye lta'a so Gabaón. Qaq aso lhua somaye le'enaxat Macá. 36Qaq soua llalqa somaye le'enaxat Abdón som ỹe, Sur, Cis, Baal, Ner, Nadab, 37Gedor, Ajió, Zacarías qataq so Miclot, 38som lta'a so Simán. Qaq somayepi nataqa'en ỹalectaigui so lauo' le'ecpi maye netaña ye Jerusalén.
39Qaq so Ner, nacheso so lta'a so Cis, qaq so Cis, nacheso so lta'a so Saúl, qaq so Saúl, nacheso so lta'a so Jonatán, Malquisúa, Abinadab qataq so Esbaal. 40Qaq so llalec so Jonatán, le'enaxat Meribaal, som lta'a so Micaía. 41Qaq soua llalqa so Micaía, le'enaxa't: Pitón, Melec, Tarea qataq so Ajaz. 42Qaq so Ajaz, nacheso so lta'a so Jara, qaq so Jara, nacheso so lta'a so Alémet, Azmavet qataq so Zimri, qaq so Zimri, nacheso so lta'a so Mosá, 43Qaq so Mosá, nacheso so lta'a so Bina, som lta'a so Refaías, qaq so Refaías, nacheso so lta'a so Elasa, som lta'a so Azel.
44Qaq so Azel, seis soua llalqa maye le'enaxa't, Azricán, Bocru, Ismael, Searías, Abdías qataq so Janán. Qaq 'esoua soua llalqa so Azel.
