Ezequiel 15

₂«'Am shiỹaxaua ¿negue't cam 'onaxaic aca lamo aca uva lcheyec

da ishet da qanaloqneguet ca lỹa 'epaq maye qaỹachegoxotaigui

ana qo'oipaqpi maye naigui na aviaq?

₃Cha'aye aca'aca lamo acamaye qaica ca naigui,

¡qataq saishet da taiguet da choche nogoxot la'araxaqui!

₄Qaq acamaye taiguet da choche lalonaxat ca norec.

Qaq ca norec da ỹavigaxa't naua lsheeneqa, qaq na laiñi qalaq nda'a't poqo,

qaq ¿peta'a huo'o ca naigui?

₅Ye, co'ollaq ñaq neta'a't, nache qaica ca naigui,

qaq nagui da mashe ỹavic, nache ¿huo'o peta'a ca naigui?

₆Qaq ỹoqo'oye Aỹem Nataxala', shenapec:

Qaq de'era 'eetec aso lamo aso uva lcheyec,

da qaỹasaxangui ca norec da yaqto' ỹavic,

qaq nache 'eetec qome da sasaxangui ca norec na lma' ye Jerusalén.

₇Aỹem sataỹa'aguet qome namayepi.

Namayepi dataueeguesop qome ca norec

qalaxaye ca lỹa norec loxonec qome namayepi.

Qaq qom sataỹa'aguet namayepi,

nache ỹaỹaten da nachaỹem maye Aỹem Nataxala'.

₈Qaq souaxat na lasouaxashetpi namayepi,

nache she'eguelaxata qome

da toolec na na'alhua namayepi.

Qaq 'era da ỹa'aqtac, Aỹem Nataxala'.»