Jonás 2

«Co'ollaq sootapoigui da ñeque'eenaxac,

nache 'am seỹaxanot 'Am Nataxala', nache aỹem 'auasateguet,

co'ollaq sootangui añi huachiqui, qaq 'am ñachoxonnot nache aỹem 'aua'axaỹa.

₃Aỹem 'auasaxaña na ỹataqta qaỹoqchiguiña na laiñi ana auaxai,

nache ana lle'eguelaxaso na 'etaxat aỹem coleesop,

qataq ana lapaxa na 'etaxat aỹem nlectapeguelec.

₄Nache tachigui iuel da mashe aỹem 'aualat,

qataq sepeta'a da saishet da she'eguelaxa da sootaigui

añi 'aralamaqte atamnaxaqui.

₅Na 'etaxat qalaq ỹataqta aỹem imoolec,

huaña ye ỹataqta qaỹoqchiguiña ana auaxai

nache na lpa'a' na qol ỹataqta lpachigui na iqaic.

₆Seviraña ye ỹataqta qaỹoqchiguiña loga't ana qasoxonaxapi,

ana 'alhua qalaq 'eeta'am da chochaq tatec da aỹem lcoñetegueshec.

Qalaxaye 'Am Nataxala' maye 'am Ñatamnaxala',

aỹem 'anca'alaxateeguesop da nleuaxa.

₇Qaq co'ollaq ñanomteguet da seleetapigui',

nache tachigui iuel da qoneta 'Am Nataxala',

nache da ñachoxonnaxac 'am iviro'ot,

co'ollaq qoneta'a añi qui'itta 'aralamaqte atamnaxaqui.

₈Qaq nam quetague' na saq 'en atamnaxala'pi,

qalaq ỹaxaañi da 'am ỹa'amaqteetac.

₉Qalaxaye aỹem, nache shecto'ot da 'am sho'oxoreetac,

qataq 'am saatacot qome aca ỹachetaqtaxanaqte,

qataq sepacchigui qome da so'ot na 'am sachaxanapeguempi.

¡Cha'aye nache 'amta 'Am Nataxala', da 'am chegoqo'ot da nca'alaxa!»