So Nehemías ỹauo'o so ltauapi
1Qaq co'ollaq mashe ime da qano'oxoosheguem se'eso npaqtaxanaxat, qataq da qoỹanauo so lasompi, nache qoỹaneuo som ilo'ogue so lasompi, qataq so no'onaxanaxanecpi, qataq so leviitapi. 2Qaq so ỹaqaỹa Ananí, qalaq sanem da ilo'ogue ye Jerusalén, qaq so Jananías qalaq sanagui da lataxala' so ilotague' so nauanaxanaqa', cha'aye somaye ỹataqta huo'o naq 'enec naqa'en Ñim Lo'onatac 'Enauacna, qaq saq 'ena'am so laỹepi shiỹaxauapi. 3Qaq 'enauaque soomaye sheetegalo, sheeta': Ne'enaua laso'omi na Jerusalén naamaye qaỹauatrec qom mashe nnoxoosheguem añi nala', qataq qaỹapoguilo naamaye da mashe hueta'alo naua lauanaxanaqa'ate na lasom lo'opi. Nataqa'en shenapega so lma' ye Jerusalén da ỹauo'o ca nauaatalec na naloteuga na maiche lma'pi. 4Qaq so huaqta'a't nỹecpi ye Jerusalén ỹataqta qalochiguiñi, qalaxaye salamai' so shiỹaxauapi maye netaiguipi, cha'aye ñaq saxanaxa da ỹoqta imauec da qano'oxoosheguem so nỹecpi.
Ana lmalate so ñe'eguelaqpi
5Huaña nache Ñim Lo'onatac 'Enauacna aỹem ỹanem da iuennataxac da sataxana't 'enauac so ỹo'oxoraicpi, nataxala'pi, qataq so maiche nhuo' le'ecpi, da yaqto' so'ot aca lmalate so maiche nalamaxat ñalaqpi. Ime nache selalec aso naneraxalate maye nanettalec 'enauac so chegoxoguet so shiỹaxauapi maye hua'auchiguiñi co'ollaxa da ñe'eguelaq, qaq asa'aso nere nache huetalec se'eso ne'enaxatpi:
6Qaq 'ana ana le'enaxat lmalate so shiỹaxauapi maye lma' co'ollaxa ye Judá, som shiỹaxauapi maye ỹauec co'ollaxa so Nabucodonosor maye nta'a ye Babilonia, qalaxaye somayepi qoỹanem co'ollaxa da ñe'eguelaxa ye Jerusalén qataq ye Judá. Qaq ñi 'oonolec somayepi ỹe'eguelaxa so maiche lalamaxat huaqta'a't nỹecpi. 7Qaq se'eso ñe'eguelaqpi co'ollaxa nache lataxala' so Zorobabel, Josué, Nehemías, Azariás, Raamías, Najamaní, Mardoqueo, Bilsán, Misperet, Bigvay, Nejún qataq so Baná.
Qaq 'ana ana le'enaxat lmalate so Israel le'ecpi maye ñe'eguelaq co'ollaxa:
8Nache so chegoxoguetpi so Paros, ivi' dos mil ciento setenta y dos ye lcata.
9Qaq so chegoxoguetpi so Sefatías, ivi' trescientos setenta y dos ye lcata.
10Qaq so chegoxoguetpi so Araj, ivi' seiscientos cincuenta y dos ye lcata.
11Qaq so chegoxoguetpi so Pajat Moab, Josué qataq so Joab, ivi' dos mil ochocientos dieciocho ye lcata.
12Qaq so chegoxoguetpi so Elam, ivi' mil doscientos cincuenta y cuatro ye lcata.
13Qaq so chegoxoguetpi so Zatu, ivi' ochocientos cuarenta y cinco ye lcata.
14Qaq so chegoxoguetpi so Zacay, ivi' setecientos sesenta ye lcata.
15Qaq so chegoxoguetpi so Binuy, ivi' seiscientos cuarenta y ocho ye lcata.
16Qaq so chegoxoguetpi so Bebay, ivi' seiscientos veintiocho ye lcata.
17Qaq so chegoxoguetpi so Azgad, ivi' dos mil trescientos veintidós ye lcata.
18Qaq so chegoxoguetpi so Adonicán, ivi' seiscientos sesenta y siete ye lcata.
19Qaq so chegoxoguetpi so Bigvay, ivi' dos mil sesenta y seis ye lcata.
20Qaq so chegoxoguetpi so Adín, ivi' seiscientos cincuenta y cinco ye lcata.
21Qaq so chegoxoguetpi so Ater, som llalec so Ezequías, ivi' noventa y ocho ye lcata.
22Qaq so chegoxoguetpi so Jasún, ivi' trescientos veintiocho ye lcata.
23Qaq so chegoxoguetpi so Besay, ivi' trescientos veinticuatro ye lcata.
24Qaq so chegoxoguetpi so Jarif, ivi' ciento doce ye lcata.
25Qaq so chegoqchiguiña ye Gabaón, ivi' noventa y cinco ye lcata.
26Qaq som ỹalleppi maye lma' co'ollaxa ye Belén qataq ye Netofa, ivi' ciento ochenta y ocho ye lcata.
27Qaq som ỹalleppi maye lma' co'ollaxa ye Anatot, ivi' ciento veintiocho ye lcata.
28Qaq som ỹalleppi maye lma' co'ollaxa ye Bet Azmavet, ivi' cuarenta y dos ye lcata.
29Qaq som ỹalleppi maye lma' co'ollaxa ye Quiriat Yearin, Quefirá, qataq ye Berot, ivi' setecientos cuarenta y tres ye lcata.
30Qaq som ỹalleppi maye lma' co'ollaxa ye Ramá, qataq ye Geba, ivi' seiscientos veintiuno ye lcata.
31Qaq som ỹalleppi maye lma' co'ollaxa ye Micmas, ivi' ciento veintidós ye lcata.
32Qaq som ỹalleppi maye lma' co'ollaxa ye Betel, qataq ye Ai, ivi' ciento veintitrés ye lcata.
33Qaq som ỹalleppi maye lma' co'ollaxa ye Nebo, ivi' cincuenta y dos ye lcata.
34Qaq so chegoxoguetpi so lỹa Elam, ivi' mil doscientos cincuenta y cuatro ye lcata.
35Qaq so chegoxoguetpi so Jarín, ivi' trescientos veinte ye lcata.
36Qaq so chegoqchiguiña ye Jericó, ivi' trescientos cuarenta y cinco ye lcata.
37Qaq so chegoqchiguiña ye Lod, Jadid qataq Onó, ivi' setecientos veintiuno ye lcata.
38Qaq so chegoqchiguiña ye Sená, ivi' tres mil novecientos treinta ye lcata.
39Qaq so ntaxaỹaxanaxanecpi maye chegoxoguetpi so Jedaías, som nataqa'en llalaqpi so Josué, ivi' novecientos setenta y tres ye lcata.
40Qaq so chegoxoguetpi so Imer, ivi' mil cincuenta y dos ye lcata.
41Qaq so chegoxoguetpi so Pasjur, ivi' mil doscientos cuarenta y siete ye lcata.
42Qaq so chegoxoguetpi so Jarín, ivi' mil diecisiete ye lcata.
43Qaq so leviitapi maye chegoxoguetpi so Josué, qataq so Cadmiel, maye nataqa'en chegoxoguetpi so Hodavías, ivi' setenta y cuatro ye lcata.
44Qaq so chegoxoguetpi so Asaf, ivi' ciento cuarenta y ocho ye lcata.
45Qaq so lasom lo'opi maye chegoxoguetpi so Salún, Ater, Talmón, Acub, Hatitá qataq so lma' ye Sobay, ivi' ciento treinta y ocho ye lcata.
46Qaq so ilotague' aso atamnaxaqui, somayepi nacheso so chegoxoguetpi so Sijá, Jasufá, Tabaot, 47qataq so chegoxoguetpi so Queros, Sigá, Padón, 48Lebana, Jagabá, Salmay, 49Janán, Gidel, Gajar, 50Reaía, Resín, Necoda, 51Gazán, Uzá, Paseaj, 52Besay, Meunim, Nefusín, 53Bacbuc, Jacufá, Jarjur, 54Bazlut, Mejidá, Jarsá, 55Barcos, Sísara, Tema, 56Nesíah, qataq so chegoxoguetpi so Jatifá.
57Qaq so chegoxoguetpi so l-latacpi so Salomón, nacheso so chegoxoguetpi so Sotay, Soferet, Peruda, 58qataq so chegoxoguetpi so Jalá, qataq so Darcón Gidel, 59qataq so chegoxoguetpi so Sefatías, qataq so Jatil, Poquéret Hasebayin qataq so Amón.
60Qaq da ima'a't se'eso ilotague' aso atamnaxaqui, qataq so chegoxoguetpi so l-latacpi so Salomón, nache ivi' trescientos noventa y dos ye lcata.
61Qaq som chegaqa'a ye Tel Melaj, Tel Jarsá, Querub, Adón qataq ye Imer, somayepi saishet da qaỹaỹaten co'ollaxa da ỹoqta 'eesa da Israel le'ecpi, huo'otaq choche qana'acna'a.
62Qaq so chegoxoguetpi so Delaía, Tobías qataq so chegaqa'a ye Necoda, ivi' seiscientos cuarenta y dos ye lcata.
63Qataq so lauo' le'ecpi so ntaxaỹaxanaxanecpi, maye nataqa'en chegoxoguet so Jabaías, Coos, qataq so Barzilay som huaroneguet co'ollaxa aso llale so le'enaqteua Barzilay, maye Galaad le'ec, qaq ỹoqo'oye ỹacona somaye da le'enaxat so lacho'. 64Qaq somayepi nmittac co'ollaxa aso le'enaxat lmalate so hua'au lta'alpi, qalaxaye saishet da ilalec ca le'enaxa't, ỹoqo'oye somayepi qanqateguesop da ỹalectaigui so ntaxaỹaxanaxanecpi. 65Nataqa'en so nta'a sa ỹashenem da chec somayepi aso nachetaqtaxanaqte maye qui'itta, choche ivitta'a da huo'o ca ntaxaỹaxanaxanec da ichemaxata Ñim Nataxala', ỹachegoxotchiguilo soua coma'yolqa maye alletaxaqui' Urim qataq Tumin.
66Qaq da ima'a't se'eso shiỹaxauapi maye ñe'eguelaq co'ollaxa chegaqa'a ye Babilonia, ivi' cuarenta y dos mil trescientos sesenta ye lcata, 67qalaq saishet da qanaloqneuo so nlatacpi qataq aso nlatapi, maye ivi' siete mil trescientos treinta y siete ye lcata, qataq doscientos cuarenta y cinco so no'onaxanaxanecpi qataq aso no'onaxanaxanapi. 68Nataqa'en ivi' setecientos treinta y seis so lalopi caipi, qataq doscientos cuarenta y cinco aso lalo 'ashenapi. 69Qataq cuatrocientos treinta aso lalo nauanaxanaxapi, qataq seis mil setecientos veinte so 'ashenapi.
70Qaq huo'o so lataxala'pi so maiche nhuo' le'ecpi, da ỹauo'o so lachetaqtaxanaxat da yaqto' qaimat so qaỹo'ottac no'onatacpi. Qaq so nta'a nataqa'en ỹaneua'a aso laỹonaxaqui aso anom, so ocho kilos so no'on oro, qataq cincuenta aso ỹomaxaquipi qataq quinientos treinta so logoxot so ntaxaỹaxanaxanecpi. 71Qaq so lataxala'pi se'eso maiche nhuo' le'ecpi, nache ỹaneua'a so laỹootac aso anom plata, so ciento sesenta kilos so ỹoqta no'on oro, qataq so mil doscientos diez kilos so lcat plata. 72Qataq 'enauac so laỹepi so nhuo' le'ecpi, ỹaneuo so ciento sesenta kilos so ỹoqta no'on oro, qataq mil cien kilos so lcat plata, qataq sesenta y siete so logoxotpi so ntaxaỹaxanaxanecpi.
73Nache 'enauac so Israel le'ecpi qataq so ntaxaỹaxanaxanecpi, qataq so leviitapi, qataq so lasom lo'opi, qataq so no'onaxanaxanecpi, qataq so ilotague' aso atamnaxaqui maye lalamaqte Ñim Lo'onatac 'Enauacna, 'enauac somayepi da naña so maiche lma'pi.
So Esdras itaxaỹaxan aso lmalate so nqataxacpi
Qaq co'ollaq ivireuga so ca'agoxoic siete, nache so Israel le'ecpi mashe 'enauac da netalec so maiche lma'pi.
