Na nachetaqtaxanaxatpi maye qoỹaneua'a so npe'l
1Qaq so Moisés co'ollaq ime da nauaxaỹaxaasheguem so npe'l, nache icorelec so ncoraxanaxat aceite da yaqto' ỹaneuo, lỹateuo naqa'en 'enauac so no'onataxanaxatpi, nataqa'en icorelec aso nca'atoxonaxalate. 2Nache so lataxala'pi na Israel le'ecpi maye nacheso so lataxala'pi na maiche nalamaxat nhuo' le'ecpi, maye ỹataqtac na maiche chegoxoguetpi som ỹo'ottac co'ollaxa aso ne'enaxat lmalate, somayepi ỹaneuo aso lachetaqtaxanaqte, 3nache ỹaueguereuo soua seis naigona maye nlaqchiguilo na le'ec da ỹanot Ñim Nataxala', qataq doce soua nauegaxanaxala'ate huaca. Nache soua dos lataxala'ate na maiche nhuo' le'ecpi, ỹaneuo aso 'oonole naigona, qaq ñi 'oonolec somayepi nache ỹaneuo so 'oonolec nauegaxanaxala' huaca. Qaq 'enauac se'eso ỹaneuo, qaỹachaña so saqaỹapeque so npe'l.
4Nache Ñim Nataxala' 'enapega so Moisés, 'eeta': 5«'Auaconeguet qome ana'ana naigonapi qataq na nauegaxanaxala'pi maye nachetaqtaxanaxatpi, nache 'aỹa'anem na leviitapi yaqto' do'onataxana da qanayeuapegue' na no'onatacpi da huaña ñi npe'l maye naỹonqa'.»
6Nache so Moisés, ỹaconeguet aso naigonapi qataq so nauegaxanaxala'pi huacapi, nache ỹanoigui so leviitapi. 7Nache so chegoxoguetpi so Guersón, ỹanema soua dos naigona qataq soua cuatro nauegaxanaxala'ate huaca, cha'aye nacheye ye lcata nam iuen da yaqto' ỹo'ot da lo'onataxanaxac somayepi. 8Qaq so chegoxoguetpi so Merari, nache ỹanema soua cuatro naigona qataq soua ocho nauegaxanaxala'ate huaca, cha'aye nacheye ye lcata nam iuen da yaqto' ỹo'ot da lo'onataxanaxac, maye ilotague' so Itamar, som llalec so ntaxaỹaxanaxanec Aarón. 9Qaq so chegoxoguetpi so Quehat qalaq qaca aca ỹanem naigona qataq nauegaxanaxala'pi, cha'aye somayepi nacheso so nallaguisheeta naxa da ỹache so nogoxoshetpi maye ỹataqta sa qaishetapec.
10Qaq co'ollaq ime, da qoỹaneuo aso nca'atoxonaxalate, nache so lataxala'pi na maiche nalamaxat nhuo' le'ecpi, ỹaneuo so lachetaqtaxanaxatpi, nache ỹachaña so sa qaỹapeque aso nca'atoxonaxalate. 11Nache Ñim Nataxala' 'enapega so Moisés, 'eeta': «Ye 'oonolec na'a'q, nache ñi 'oonolec ne'ena lataxala'pi na maiche nalamaxat nhuo' le'ecpi, ỹaneuo ca lachetaqtaxanaxat da ỹaneua'a añi nca'atoxonaxalate.»
12Nache so la'auaxanec na'a'q, ỹaneuo so lachetaqtaxanaxat so Nasón, som llalec so Aminadab maye chegoxoguet na lauo' le'ecpi so Judá. 13Nache somaye ỹaneuo so nquia'axaqui lta'araic lcat plata maye ivi' mil cuatrocientos treinta gramos, qataq aso 'oonole ỹomaxaqui late'erai maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite, qaq somaye nachetaqtaxanaxat maye chegaqaigui na ala so nañiguishec, 14qataq so 'oonolec nemaxanaxat oro, maye ivi' ciento diez gramos, qataq nlaqchigui so nchenaxanaxat, 15qataq so 'oonolec huaca llalec, 'oonolec peenaq, 'oonolec qagueta llalec maye ivi' ye 'oonolec vi'i, da yaqto' nachetaqtaxanaxat qaỹavigaxatta, 16qataq so 'oonolec quetaq, da nachetaqtaxanaxat sa imauaq da qaỹavigaxat, da yaqto' qaỹapalaxat ca nasouaxashet, 17qataq soua dos nauegaxanaxala'ate huaca, qataq soua cinco peenaq, qataq soua cinco quetaq, qataq soua cinco qagueta llalqa maye ivi' ye 'oonolec vi'i, da yaqto' nachetaqtaxanaxat qanhuaachigui. Qaq 'eso som lachetaqtaxanaxatpi so Nasón, maye llalec so Aminadab.
18Qaq so lỹa na'a'q, nache irouo so lachetaqtaxanaxat so Natanael, som llalec so Suar, maye lataxala' na maiche lauo' le'ecpi so Isacar, 19Qaq somaye ỹaneuo so nquia'axaqui lta'araic lcat plata maye ivi' mil cuatrocientos treinta gramos, qataq aso 'oonole ỹomaxaqui late'erai, maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite, qaq somaye nachetaqtaxanaxat chegaqaigui na ala so nañiguishec, 20qataq so 'oonolec nemaxanaxat oro, maye ivi' ciento diez gramos, qataq nlaqchigui so nchenaxanaxat, 21qataq so 'oonolec huaca llalec, 'oonolec peenaq, qataq so 'oonolec qagueta llalec, maye ivi' 'oonolec vi'i, da yaqto' nachetaqtaxanaxat qaỹavigaxatta, 22qataq 'oonolec quetaq lhuaraic da yaqto' qaỹapalaxat ca nasouaxashet. 23Qataq soua dos nauegaxanaxala'ate huaca, qataq cinco peenaq, qataq cinco quetaq qataq soua cinco qagueta llalqa maye ivi' ye 'oonolec vi'i, da nachetaqtaxanaxat qanhuaachigui. Qaq 'eso so lachetaqtaxanaxatpi so Natanael, som llalec so Zuar.
24Qaq so na'a'q tres, nache ỹaneuo so lachetaqtaxanaxat so Eliab, som llalec so Helón, maye lataxala' na maiche lauo' le'ecpi so Zabulón, 25qaq somaye ỹaneuo so nquia'axaqui lcat plata maye ivi', mil cuatrocientos treinta gramos, qataq aso 'oonole ỹomaxaqui late'erai maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite, da yaqto' nachetaqtaxanaxat, 26qataq so 'oonolec nemaxanaxat oro, maye ivi' ciento diez gramos qataq nlaqchigui so nchenaxanaxat, 27qataq 'oonolec huaca llalec, 'oonolec peenaq, qataq 'oonolec qagueta llalec maye ivi' 'oonolec vi'i, da yaqto' nachetaqtaxanaxat qaỹavigaxatta, 28qataq 'oonolec quetaq lhuaraic da yaqto' qaỹapalaxat ca nasouaxashet. 29Qataq soua dos nauegaxanaxala'ate huaca, cinco peenaq, cinco quetaq, qataq soua cinco qagueta llalqa maye ivi' 'oonolec vi'i, da yaqto' nachetaqtaxanaxat qanhuaachigui. Qaq 'eso so lachetaqtaxanaxatpi so Eliab, som llalec so Helón.
30Qaq so na'a'q cuatro nache ỹaneuo so lachetaqtaxanaxat so Elisur, som llalec so Sedeur, maye lataxala' na maiche lauo' le'ecpi so Rubén, 31qaq somaye ỹaneuo so nquia'axaqui lcat plata maye ivi' mil cuatrocientos treinta gramos, qataq aso 'oonole ỹomaxaqui late'erai maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite da yaqto' nachetaqtaxanaxat, 32qataq so 'oonolec nemaxanaxat oro, maye ivi' ciento diez gramos, qataq nlaqchigui so nchenaxanaxat, 33qataq 'oonolec huaca llalec, 'oonolec peenaq, qataq 'oonolec qagueta llalec maye ivi' ye 'oonolec vi'i da yaqto' lachetaqtaxanaxat qaỹavigaxatta, 34qataq 'oonolec quetaq lhuaraic da yaqto' qaỹapalaxat ca nasouaxashet. 35Qataq soua dos nauegaxanaxala'ate huaca, cinco peenaq, cinco quetaq, qataq cinco qagueta llalqa, maye ivi' ye 'oonolec vi'i, da yaqto' nachetaqtaxanaxat qanhuaachigui. Qaq 'eso so lachetaqtaxanaxatpi so Elisur, som llalec so Sedeur.
36Qaq so na'a'q cinco, nache ỹaneuo so lachetaqtaxanaxat so Selumiel, som llalec so Surisaday, maye lataxala' na maiche lauo' le'ecpi so Simeón, 37qaq somaye ỹaneuo so nquia'axaqui lcat plata maye ivi' mil cuatrocientos treinta gramos, qataq aso 'oonole ỹomaxaqui late'erai maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite da nachetaqtaxanaxat, 38qataq so 'oonolec nemaxanaxat oro maye ivi' ciento diez gramos, qataq nlaqchigui so nchenaxanaxat, 39qataq 'oonolec huaca llalec, 'oonolec peenaq, qataq 'oonolec qagueta llalec maye ivi' ye 'oonolec vi'i da yaqto' lachetaqtaxanaxat qaỹavigaxatta, 40qataq 'oonolec quetaq lhuaraic da yaqto' qaỹapalaxat ca nasouaxashet. 41Qataq soua dos nauegaxanaxala'ate huaca, cinco peenaq, cinco quetaq lhuaraiqa, qataq cinco qagueta llalqa maye ivi' 'oonolec vi'i, da yaqto' nachetaqtaxanaxat qanhuaachigui. Qaq 'eso so lachetaqtaxanaxatpi so Selumiel, som llalec so Zurisadai.
42Qaq so na'a'q seis, nache ỹaneuo aso lachetaqtaxanaqte so Eliasaf, som llalec so Reuel, maye lataxala' na maiche lauo' le'ecpi so Gad, 43qaq somaye ỹaneuo so nquia'axaqui plata maye ivi' mil cuatrocientos treinta gramos, qataq aso 'oonole ỹomaxaqui late'erai maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite da yaqto' nachetaqtaxanaqte, 44qataq so 'oonolec nemaxanaxat oro, maye ivi' ciento diez gramos, qataq nlaqchigui so nchenaxanaxat, 45qataq 'oonolec huaca llalec, 'oonolec peenaq, qataq 'oonolec qagueta llalec maye ivi' 'oonolec vi'i, da yaqto' nachetaqtaxanaxat qaỹavigaxatta, 46qataq 'oonolec quetaq lhuaraic da yaqto' qaỹapalaxat ca nasouaxashet. 47Qataq soua dos nauegaxanaxala'ate huaca, cinco peenaq, cinco quetaq lhuaraiqa, qataq cinco qagueta llalqa maye ivi' 'oonolec vi'i, da yaqto' nachetaqtaxanaxat qanhuaachigui. Qaq 'eso so lachetaqtaxanaxatpi so Elisaf, som llalec so Reuel.
48Qaq so na'a'q siete, nache ỹaneuo so lachetaqtaxanaxat so Elisama, som llalec so Amiud, maye lataxala' na maiche lauo' le'ecpi so Efraín, 49qaq somaye ỹaneuo so nquia'axaqui lcat plata maye ivi' mil cuatrocientos treinta gramos, qataq aso 'oonole ỹomaxaqui late'erai maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite da yaqto' nachetaqtaxanaxat, 50qataq so 'oonolec nemaxanaxat oro, maye ivi' ciento diez gramos, qataq nlaqchigui so nchenaxanaxat, 51qataq 'oonolec huaca llalec, 'oonolec peenaq, qataq 'oonolec qagueta llalec, maye ivi' 'oonolec vi'i, da yaqto' nachetaqtaxanaxat qaỹavigaxatta, 52qataq 'oonolec quetaq lhuaraic, da yaqto' qaỹapalaxat ca nasouaxashet. 53Qataq dos nauegaxanaxala'ate huaca, cinco peenaq, cinco quetaq lhuaraiqa, qataq cinco qagueta llalqa maye ivi' 'oonolec vi'i, da yaqto' nachetaqtaxanaxat qanhuaachigui. Qaq 'eso so lachetaqtaxanaxatpi so Elisama, som llalec so Emihud.
54Qaq so na'a'q ocho nache ỹaneuo so lachetaqtaxanaxat so Gamaliel, som llalec so Pedasur, maye lataxala' na maiche lauo' le'ecpi so Manasés, 55qaq somaye ỹaneuo so nquia'axaqui lcat plata maye ivi' mil cuatrocientos treinta gramos, qataq aso 'oonole ỹomaxaqui late'erai maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite da yaqto' nachetaqtaxanaxat, 56qataq so 'oonolec nemaxanaxat oro maye ivi' ciento diez gramos, qataq nlaqchigui so nchenaxanaxat, 57qataq 'oonolec huaca llalec, 'oonolec peenaq, qataq 'oonolec qagueta llalec, maye ivi' 'oonolec vi'i, da yaqto' nachetaqtaxanaxat qaỹavigaxatta, 58qataq 'oonolec quetaq lhuaraic, da yaqto' qaỹapalaxat ca nasouaxashet. 59Qataq soua dos nauegaxanaxala'ate huaca, cinco peenaq, cinco quetaq lhuaraiqa, qataq soua cinco qagueta llalqa, maye ivi' 'oonolec vi'i, da yaqto' nachetaqtaxanaxat qanhuaachigui. Qaq 'eso so lachetaqtaxanaxatpi so Gamaliel, som llalec so Pedasur.
60Qaq so na'a'q nueve nache ỹaneuo so lachetaqtaxanaxat so Abidán, som llalec so Guidoní, maye lataxala' na maiche lauo' le'ecpi so Benjamín, 61qaq somaye ỹaneuo so nquia'axaqui lcat plata maye ivi' mil cuatrocientos treinta gramos, qataq aso 'oonole ỹomaxaqui late'erai maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite da yaqto' nachetaqtaxanaxat, 62qataq so 'oonolec nemaxanaxat oro maye ivi' ciento diez gramos, nlaqchigui so nchenaxanaxat, 63qataq 'oonolec so huaca llalec, 'oonolec peenaq, qataq 'oonolec so qagueta llalec maye ivi' 'oonolec vi'i, da yaqto' nachetaqtaxanaxat qaỹavigaxatta, 64qataq 'oonolec quetaq lhuaraic, da yaqto' qaỹapalaxat ca nasouaxashet. 65Qataq soua dos nauegaxanaxala'ate huaca, cinco peenaq, cinco quetaq lhuaraiqa, qataq soua cinco qagueta llalqa maye ivi' 'oonolec vi'i, da yaqto' nachetaqtaxanaxat qanhuaachigui. Qaq 'eso so lachetaqtaxanaxatpi so Abidán, som llalec so Guidoní.
66Qaq so na'a'q diez nache ỹaneuo so lachetaqtaxanaxat so Ajiezer, som llalec so Amisaday, maye lataxala' na maiche lauo' le'ecpi so Dan, 67qaq somaye ỹaneuo so nquia'axaqui lcat plata maye ivi' mil cuatrocientos treinta gramos, qataq aso 'oonole ỹomaxaqui late'erai maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite da yaqto' nachetaqtaxanaxat, 68qataq so 'oonolec nemaxanaxat oro, maye ivi' ciento diez gramos, nlaqchigui so nchenaxanaxat, 69qataq 'oonolec so huaca llalec, 'oonolec peenaq, qataq 'oonolec qagueta llalec maye ivi' 'oonolec vi'i, da yaqto' nachetaqtaxanaxat qaỹavigaxatta, 70qataq so 'oonolec quetaq lhuaraic, da yaqto' qaỹapalaxat na nasouaxashet. 71Qataq soua dos nauegaxanaxala'ate huaca, cinco peenaq, cinco quetaq lhuaraiqa, qataq soua cinco qagueta llalqa maye ivi' 'oonolec vi'i, da yaqto' nachetaqtaxanaxat qanhuaachigui. Qaq 'eso so lachetaqtaxanaxatpi so Ajiezer, som llalec so Amisaday.
72Qaq so na'a'q once, nache ỹaneuo so lachetaqtaxanaxat so Pagiel, som llalec so Ocrán maye lataxala' na maiche lauo' le'ecpi so Aser, 73qaq somaye ỹaneuo so nquia'axaqui lcat plata maye ivi' mil cuatrocientos treinta gramos, qataq aso 'oonole ỹomaxaqui late'erai maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite da yaqto' nachetaqtaxanaxat, 74qataq so 'oonolec nemaxanaxat oro maye ivi' ciento diez gramos, nlaqchigui so nchenaxanaxat, 75qataq 'oonolec huaca llalec, 'oonolec peenaq, qataq 'oonolec qagueta llalec maye ivi' 'oonolec vi'i, da yaqto' nachetaqtaxanaxat qaỹavigaxatta, 76qataq 'oonolec quetaq lhuaraic da yaqto' qaỹapalaxat ca nasouaxashet. 77Qataq soua dos nauegaxanaxala'ate huaca, cinco peenaq, cinco quetaq lhuaraiqa, qataq soua cinco qagueta llalqa maye ivi' 'oonolec vi'i, da yaqto' nachetaqtaxanaxat qanhuaachigui. Qaq 'eso so lachetaqtaxanaxatpi so Pagiel, som llalec so Ocrán.
78Qaq so na'a'q doce, nache ỹaneuo so lachetaqtaxanaxat so Ajirá, som llalec so Enán, maye lataxala' na maiche lauo' le'ecpi so Neftalí, 79qaq somaye ỹaneuo so nquia'axaqui lcat plata maye ivi' mil cuatrocientos treinta gramos, qataq aso 'oonole ỹomaxaqui late'erai maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite da yaqto' nachetaqtaxanaxat, 80qataq so 'oonolec nemaxanaxat oro maye ivi' ciento diez gramos, nlaqchigui so nchenaxanaxat, 81qataq 'oonolec huaca llalec, 'oonolec peenaq, qataq 'oonolec qagueta llalec maye ivi' 'oonolec vi'i, da yaqto' nachetaqtaxanaxat qaỹavigaxatta, 82qataq 'oonolec quetaq lhuaraic da yaqto' qaỹapalaxat ca nasouaxashet. 83Qataq soua dos nauegaxanaxala'ate huaca, cinco peenaq, cinco quetaq lhuaraiqa, qataq soua cinco qagueta llalqa maye ivi' 'oonolec vi'i, da yaqto' nachetaqtaxanaxat qanhuaachigui. Qaq 'eso so lachetaqtaxanaxatpi so Ajirá, som llalec so Enán.
84Qaq 'eso so lachetaqtaxanaxatpi so lataxala'pi so Israel le'ecpi co'ollaq ỹaneua'a aso nca'atoxonaxalate: Nache ivi' doce so nquia'axaquipi lta'araic plata, doce aso ỹomaxaquipi plata, qataq doce so nemaxanaxat oro. 85Qaq ñi 'oonolec se'eso nquia'axaquipi, nache ivi' cuatrocientos treinta gramos, qaq añi 'oonole aso ỹomaxaquipi nache ivi' setecientos setenta gramos. Nache da ima'a't so nogoxoshetpi plata, nache ivi' veintiséis mil cuatrocientos gramos, cha'aye nachañi añi lasheue na qoỹaneua'a so npe'l. 86Qataq so doce nemaxanaxatpi oro, maye ñi 'oonolec soomaye ivi' ciento diez gramos, qataq nlaqchigui so nchenaxanaxat, cha'aye nachañi añi lasheue na qoỹaneua'a so npe'l. Qaq da ima'a't da lsallaxa 'enauac se'eso oro, nache ivi' mil trescientos veinte gramos. 87Qataq da ima'a't 'enauac se'eso shiguiỹacpi, nache ivi' doce soua nauegaxanaxala'ate huaca, doce peenaq, doce qagueta llalqa maye mashe ivi' 'oonolec vi'i, qataq doce quetaq lhuaraiqa, maye qoỹaneuo da yaqto' qaỹapalaxat ca nasouaxashet, qataq aso nachetaqtaxanaqte ala ca nañiguishec 88Qaq da ima'a't so shiguiỹacpi maye nachetaqtaxanaxat qanhuaachigui, nache ivi' veinticuatro so nauegaxanaxala' huacapi, sesenta peenaqpi, sesenta quetaq lhuaraicpi, qataq sesenta qagueta llalaqpi maye mashe ivi' 'oonolec vi'i. Nache 'enauac se'eso nachetaqtaxanaxatpi qoỹaneuo co'ollaq ime, da qoỹaneuo aso nca'atoxonaxalate. 89Nache so Moisés co'ollaq taua'a so npe'l da yaqto' detaxaỹapegue' Ñim Nataxala', nache hua'aqtega co'ollaxa Ñim Nataxala' chemaqtapoiguilo soua ne'enaqtaqa shiỹaxau' maye netaleguete so lapo' aso laỹe' da aỹamaxataxac. Qaq 'era da 'eetec co'ollaq detaqtague' so Moisés Ñim Nataxala'.
