Salmos 114

₁Qaq so Israel le'ecpi maye lauo' le'ecpi so Jacob,

co'ollaq ca'ai ye Egipto maye saishet da lalamaxat lma'.

₂Ye Judá ivira'a da naña so lanataqa' Ñim Nataxala',

qataq ivira'a da ilo'ogue ye na'alhua so Israel.

₃Aso auaxai co'ollaq ila'a de'era, nache datauec,

qaq so tala Jordán qalaq ỹe'eguelaq na 'etaxat.

₄Ana qasoxonaxapi qalaq parenaxaatagui 'eeta'am ca qagueta peenaqpi,

qataq ana lcomaraxalatepi parenaxaatagui 'eeta'am ca qagueta llalaqpi.

₅¿Negue't ca qouaigui 'am auaxai ye 'auatauec,

qataq ta'ainco' 'am tala Jordán ye 'avi'eguelaqot?

₆¿Qataq qami' qasoxonaxapi ta'ainco' ye

qaparenaxañeetagui qoñiita'am ca qagueta peenaqpi?

¿Qataq qami' lcomaraxalatepi ta'ainco'

da qaparenaxañeetagui qoñiita'am ca qagueta llalaqpi?

₇'Am 'alhua ñaq 'am cholaxan da qoueto'ot Ñim Nataxala',

ñaq 'am cholaxan da qoueto'ot Ñim Natamnaxala' so Jacob.

₈Cha'aye Ñimaye nañigui naqa'en da laỹe' na 'etaxat aca coma',

qataq nañigui naqa'en da mpaxaatasheguem na 'etaxat aca coma'.