1Co'ollaq souaigui da iuogoxo,
nache seỹaxanot Ñim Nataxala',
nache Ñimaye aỹem ỹasateguet.
2'Am Nataxala', aỹem 'eltaxaneguet qome na shepecaicpi
qataq nam tenataxanaxaiqa naua la'aqtaqa.
3'Am nachaxat maye 'am shepecaic,
¿negue't cam 'araueguec da 'auatenachet nam shiỹaxauapi?
4Qomye 'am qairolec qome aca ỹataqta shetteguet lchecna ca loquiaxaic,
maye 'eeta'am aca 'ettaigui lpoqo aca retama.
5Qaq choxoraicolec aỹem ye choche
sachegaqauec da sootaña na Mesec,
qataq da sootaigui na npe'lpi na Cedar.
6Qaq mashe qaỹoqteguelo naua na'axa'te
da sootaigui nam lquiỹaxat da nlagaxayec.
7Qaq naxa da sa'axat da nlagaxayec,
nache namayepi ỹa'axat da alaataxac.
Your browser does not support HTML5 audio.
