Salmos 125

₁Nam pe'etegapi Ñim Nataxala' 'eeta'am añi qasoxonaxa ye Sión,

maye chochaq tatec qataq saishet da deraỹapigui'.

₂'Eeta'am ye Jerusalén da coleesop ana qasoxonaxapi,

da 'eetec Ñim Nataxala' da coleesop

nam lalamaxat nhuo' le'ecpi, nagui qataq nache 'eetai'.

₃Qaq saishet da nache 'eetai' qome da ilotague' na qauemaicpi,

nam lalamaxatpi nam no'on da lataxac,

cha'aye na no'on da lataxac saiuena'a da ỹaconeuga da ỹo'ot na qauemsat.

₄'Am Nataxala', 'auo'otec qome da no'on nam soxoraicpi,

nam huesota da lquiyaqteỹaxac.

₅Qalaxaye nam quetague' so qauem nqa'aic,

ñaq 'auasaxauec qome 'Am Nataxala', caueegue' 'anqa'en nam qauemaicpi.

¡Ñaq huo'o qome da nlagaxayec na Israel!