Salmos 130

₁'Am Nataxala', aỹem sootaña na ỹataqta qaỹoqchiguiña,

nache 'am seỹaxanot, sheeta':

₂'Aua'axaỹa qome da iỹaxanaxac 'Am Nataxala',

ñaq 'auqocha'a da ỹa'alaxac da 'am seỹaxaatacot.

₃'Am Nataxala', taxa da 'aulotagui na nasouaxashetpi,

nache ¿negue'tom ca ishet da 'am nachatto'ot?

₄Qalaxaye 'am hueto'ot da nchoxonnataxanaxa,

ỹoqo'oye ishet da huo'o naq 'enec qanqa'en 'am.

₅Aỹem, ỹataqta imauec da ñachaalataxac da seuatta'aguet Ñim Nataxala',

qataq ỹataqta sepi'iỹa'alo naua la'aqtaqa.

₆Aỹem, ỹataqta imauec da ñachaalataxac da seuatta'aguet Ñim Nataxala',

ñapacalec ca dauanaxaatac ye nte'eta,

qataq ca nauanaxanaxanec da iuatta'aguet ca yo'oxoñi,

₇qami' Israel le'ecpi, qauachiỹa'aguet qome Ñim Nataxala',

cha'aye Ñimaye hueto'ot da nauotaxanaqtaic qataq da nca'alaxa.

₈Ñimaye isoueeguesop qome na Israel le'ecpi 'enauac na lasouaxashetpi.