Salmos 150

₁¡Qaỹo'oxoren qome Ñim Nataxala'!

Qavio'oxoyiñi Ñim Lo'onatac 'Enauacna,

da qoviita'a ca npe'l maye lanataqa' Ñimaye,

qavio'oxoyiñi Ñimaye 'enauac qami' maye qoviito'ot na piguem.

₂Qavio'oxoyiñi Ñimaye souaxat na lta'araicpi ỹo'otpi,

qavio'oxoyiñi Ñimaye souaxat da qalochiguiñi la'amaqchec.

₃Qavio'oxoyiñi Ñimaye qauauoita'a aca nasheerepi,

qataq qauauoita'a aca nviquepi arpa qataq aca salterio.

₄Qavio'oxoyiñi Ñimaye qauasocheeta'ai' aca nasaquiaxanatapi,

qavio'oxoyiñi qauauoita'a aca nasheerepi

qataq aca nviquepi maye huo'o na lquetpi.

₅Qavio'oxoyiñi qauauoita'a ca natoviaxanatacpi,

qavio'oxoyiñi qauauoita'a ca ỹataqta alam natoviaxanatacpi.

₆Qaq 'enauac na huo'oi naua la'a'che ñaq ỹo'oxoren qome Ñim Nataxala'.

¡Qaỹo'oxoren qome Ñim Nataxala'!