Salmos 43

₁'Am Atamnaxala', ñaq aỹem 'auo'otec ca nalochiguiñi lataxac.

¡Ñaq aỹem 'ampaxaalec souaxat ne'ena shiỹaxauapi qauemaicpi!

¡Ñaq aỹem 'anca'alaxateeguesop na shepecaicpi qataq na qaica ca iren,

₂cha'aye nache 'Am Ñatamnaxala' maye aỹem 'ampaxattalec!

¿Ta'ainco' da aỹem qaỹoqta 'anqa'en?

¿Ta'ainec taxa da saquicotac qataq da aỹem ipataxañi na ñepa'aguenaxauapi?

₃Ña 'anamaq ca 'arcoỹaraxanaxat qataq ca 'eesa lataxac,

yaqto' aỹem ỹauectegue ca nqa'aic maye taỹasheguema añi qui'itta 'anqasoxonaxa.

₄Yaqto' ishet da seviraua'a aca nca'atoxonaxalate

maye 'aralamaqte 'am maye Ñatamnaxala',

huaña nache sauota'a aca ivique arpa da 'am sho'oxoreetac,

cha'aye 'am Ñatamnaxala' maye 'anlaxatchigui

da ñachaalataxac da ñetonaxac.

₅Qaq ¿ta'ainco' taxa da seqalvi?

¿Ta'ainco' taxa da huo'o da iuogoxo?

Cha'aye da ñaquitaxac mashe sacheto'ot Ñim Lo'onatac 'Enauacna,

qaq Ñimaye ñaq shecto'ot da sho'oxoreetac.

Ñimaye maye Ñatamnaxala' qataq ica'alaxaqui.