Da atamnaxac da nte'etom
1'Am Nataxala', ñaq 'aua'axaỹalo naua ỹa'aqtaqa,
ña 'aulo'oguet da ñachoxoc.
2Ñaq 'aua'axaỹa da ñachoxonnaxac,
'am ita'a qataq Ñatamnaxala',
cha'aye 'am salamaxattot de'era ỹashelaxanaxac.
3'Am Nataxala', ye nte'etom qalaq 'aua'aqtega da ivilỹaxac,
ye nte'etom qalaq 'am sanot da ñachoxonnaxac,
ime nache seuattaique ca 'arasataxac.
4Cha'aye 'Am Atamnaxala',
saishet da 'auamaateguet ca qauem,
qataq saishet da huetaua'a na 'araỹe na qauemaicpi,
5qataq qaica ca lma' na na'amqaanaxaicpi
da nachattaua'a ca qoueta'a,
cha'aye saishet da 'auooneguet na 'etaxaloxoicpi,
6qataq sa 'ausheteguet na que'elaqtaxanaxaicpi,
qataq na laataxanaxaicpi, 'am 'anlaxaañi qome na shepecaicpi.
7Aỹem, qalaxaye souaxat da ỹataqta lta'araic 'arsoxoyec,
nache ishet da senoxoneua'a añi 'aralamaqte atamnaxaqui,
qataq ishet da 'am sa'aroto naua illecte,
da sootaigui añi qui'itta atamnaxaqui maye 'aralamaqte.
8Qaq 'Am Nataxala', souaxat ne'ena ñepa'aguenaxauapi
nache aỹem 'auauega qome da so'ot ca nalochiguiñi lataxac,
qataq aỹem 'auachaxanegue ca nalochiguiñi 'anqa'aic.
9Cha'aye namayepi saishet da 'eesora naua la'aqtaqa,
qataq naua lhuennataxaco qalaq nda'a't na qauem,
ana lqoichiqui qalaq 'eeta'am aca huachiqui nauattangui
ñi lachaxat qalaq ỹataqta shepecaic.
10'Am Ñatamnaxala', ñaq 'auauo'o ca nhuaxanaguec namayepi,
qataq saipaigui 'anqa'en nam qauemsat maye lapaqteguiñi,
qataq 'auamaqauec souaxat na qalota lasouaxashetpi,
cha'aye namayepi 'am dataỹa'aguet.
11Qalaxaye ỹataqta ỹa'amaqchiguiñi qome
'enauac na nmitta'a da 'am ỹe'eguenot,
qataq machiguiñi da do'onaxaatac
cha'aye 'ampaxattalec qataq machiguiñi qome
'enauac nam ỹauotec da 'are'enaxat,
12cha'aye 'Am Nataxala', 'auchoxoren ca no'on da lataxac,
da 'arqouagaxanaqtaic qalaq coleesop
'eeta'am aca npaqtaxanaqte.
