Salmos 67

₁Ñim Nataxala', qomi' ichoxore'n qataq qomi' nqouagueeque

qataq no'on da lmeenaxanaxac da qomi' namata'alo,

₂yaqto' 'enauac na huetalec ana 'alhua ỹaỹaten da qonetapeguec,

qataq na ỹotta'a't shiỹaxauapi ỹaỹaten da 'arca'alaqtaxanaxac.

₃'Am Ñatamnaxala',

ỹataqta 'am ỹo'oxoren qome na ỹotta'a't shiỹaxauapi,

'enauac qome namayepi da 'am ỹo'oxoren.

₄'Enauac qome na ỹotta'a't shiỹaxauapi

ỹataqta nlamaxaren souaxat da ntonaxac,

cha'aye ỹaỹamaqchiguiñi da 'aro'onataxanaxac,

da 'aulo'ogue na ỹotta'a't nalamaxat nhuo' le'ecpi,

cha'aye 'am maye 'aulotague' na ỹotta'a't shiỹaxauapi maye netalec ana 'alhua.

₅¡'Am Ñatamnaxala', 'am ỹo'oxoren qome na ỹotta'a't shiỹaxauapi!

¡'Enauac na nhuo' le'ecpi 'am ỹo'oxoreetac qome!

₆Na 'alhua huo'o qome da alaỹaxac,

cha'aye Ñim Qanatamnaxala' huo'o da lqouagaxanaqtaic da shenaqta.

₇¡Ñim Lo'onatac 'Enauacna qomi' ỹanema qome ca lchoxonnataxanaxa,

qataq 'enauac na huetalec ana 'alhua da huo'o naq 'enec naqa'en Ñimaye!