Salmos 70

₁'Am Ñatamnaxala', 'auanac qome da aỹem huesochiguiñi 'anqa'en,

'Am Nataxala', sa 'anaỹaloxon da 'auanac da aỹem 'autauan.

₂Ñaq 'auauo'o qome da la'aloxo

na nshetaique da aỹem ỹalauat,

qataq datauec souaxat da la'aloxo

na nshetaique da huo'o ca aỹem ỹo'otec saỹaỹamaxañi.

₃Qataq ỹe'eguelaq 'anqa'en da datauec,

souaxat da la'aloxo nam aỹem ỹe'eetac.

₄Qalaxaye 'enauac na 'am nmittaique ỹataqta machiguiñi,

qataq na nqopita da 'arca'alaqtaxanaxac, 'eeta':

«Ñim Lo'onatac 'Enauacna ỹataqta lta'araic da la'amaqchec.»

₅Qaq aỹem maye aỹem choxoraq

qataq huo'o da ñeque'eenaxac 'Am Ñatamnaxala',

sa 'anaỹaloxon qome da 'auanac da aỹem 'autauan

cha'aye nache 'am da aỹem 'autauaatac,

qataq aỹem huesochiguiñi 'anqa'en,

saishet qome da 'am qaỹaloqteguet 'Am Nataxala'.