1~Crón 2

₁Israel leles tä hin'ol lheyis Rubén, Simeón, Leví, Judá, Isacar, Zabulón, ₂Dan, José, Benjamín, Neftalí, Gad, lhäy'e Aser.

₃Judá leles tä hin'ol lheyis Er, Onán, wet Sela. Lhamel lako häpe Canaán lhayis elh tä lhey Súa tä lhäse. Er häpe Judá lhäs tä lechunkatsek, mat Lhawuk y'ulhanej m'ak tä ni'isa tä iwoyepej wet häp tä isoyej lew'atshancheyaj. ₄Wet iche täkwfwas Judá leles iyhäj tä ihihlä len'alaj Tamar, wet lheyis Fares lhäy'e Zera. Tä ilhokej Judá leles tä hin'ol, iche cinco.

₅Fares leles lheyis Hesrón lhäy'e Hamul. ₆Wet Zera leles häpehen Zimri, Etán, Hemán, Calcol, lhäy'e Darda. Tä ilhokej Zera leles, iche cinco. ₇Wet iche hin'o tä tälhe Zera leles tä lhey Carmi, wet lham häpe Acán lajcha. Acán häpe hin'o p'ante tumenej tä Israel lhayis lewit'äy ihi, tsi häp tä ichuma m'ayhay tä Lhawuk yachaje letäyhyaj.

₈Wet Etán lhäs häpe Azarías.

₉Häp Fares lhäs Hesrón leles hin'ol ihi tres, lheyis Jerameel, Ram, wet Caleb.

₁₀Ram häpe p'ante Aminadab lajcha, wet Aminadab häpe p'ante Nahasón lajcha. Nahasón häpe hin'o tä lhamya tä iyej wichi tä tälhe letes Judá. ₁₁Nahasón häpe p'ante Salmón lajcha, wet Salmón häpe p'ante Booz lajcha. ₁₂Booz häpe p'ante Obed lajcha, wet Obed häpe p'ante Isaí lajcha.

₁₃Isaí leles tä hin'ol ihi siete. Elh tä lechunkatsek lhey Eliab, wet lech'inhis lheyis Abinadab, Sima, ₁₄Natanael, Raday, ₁₅Osem, lhäy'e David. David häpe Isaí lhäs tä lepes. ₁₆Wet lhamel lech'inhälis ihi tä lheyis Sarvia lhäy'e Abigail. Wet Sarvia leles tä hin'ol häpehen Abisay, Joab, wet Asael, tres lhamel. ₁₇Wet Abigail iyej hin'o tä lhey Jeter tä häpe Ismael lhayis elh, wet lhamel lhäs iche tä lhey Amasa.

₁₈Hesrón lhäs Caleb iyej p'ante atsinha tä lhey Azuba. Tä iwo lhäsahlä, wet yen lheya Jeriot. Wet leles iyhäj lheyis Jeser, Sobab, wet Ardón. ₁₉Täjp'ante Azuba ileyej honhat, Caleb yen ch'efwaya atsinha tä lhey Efrata. Tä iwo lhäsa, wet yen lheya Hur. ₂₀Hur häpe p'ante Urí lajcha, wet Urí häpe p'ante Besalel lajcha.

₂₁Tä Hesrón hiw'en p'ante sesenta nekchämis, yen ch'efwaya Maquir lhäse, häp Galaad lech'inhä. Tä iwo lhäsahlä, wet yen lheya Segub. ₂₂Segub häpe p'ante Jaír lajcha, häp hin'o tä hiw'en veintitrés honhates tä hupuy ihiche tä ihi Galaad. ₂₃Mat Gesur lhäy'e Aram lhayen lewuhuya Jaír laka honhates, wet hip'ajtej Kenat lhäy'e wichi lew'etes tä iwhäye. Ilhokej wichitso tälhe t'at hin'o p'ante lhey Maquir, häp Galaad lajcha.

₂₄Tä tiyäme tä Hesrón ileyej honhat, wet lhäs Caleb iyej lajcha lech'efwa tä lhey Efrata. Tä iwo lhäsahlä, wet yen lheya Asur. Wet Asur häpe Tekoa lajcha.

₂₅Häp Hesrón lhäs tä lechunkatsek tä lhey Jerameel, leles tä hin'ol ihi p'ante cinco. Elh tä ichun lhey Ram, wet lech'inhis häpehen Buna, Orén, Osem, lhäy'e Ahías. _26-27Ram leles tä hin'ol ihi tres, lheyis Maas, Jamín wet Equer. Wet iche p'ante elh Jerameel lech'efwa tä lhey Atara. Tä iwo lhäsa, wet yen lheya Onán. ₂₈Wet Onán leles tä hin'ol häpehen p'ante Samay lhäy'e Jada.

Samay leles häpehen p'ante Nadab lhäy'e Abisur. ₂₉Abisur lech'efwa lhey Abihail. Tä iwo lelesahlä, wet yen lheyisa Ahbán, Molid. ₃₀Wet Nadab leles häpehen p'ante Seled lhäy'e Apaim. Seled y'il p'ante wet najit lelesa. ₃₁Apaim häpe p'ante Yisí lajcha, wet Yisí häpe p'ante Sesán lajcha, wet Sesán häpe p'ante Ahlay lajcha.

₃₂Häp Samay lech'inij Jada, leles häpehen p'ante Jeter lhäy'e Jonatán. Jeter y'il wet najit lelesa, ₃₃mat Jonatán leles iche, lheyis Pelet lhäy'e Zaza.

Ilhokej lhameltso tälhe p'ante hin'o tä lhey Jerameel.

₃₄Häp Sesán leles ts'ilak tä atsinhay. Wet hiw'en lakwenek tä lhey Jarha tä tälhe Egipto, ₃₅wet häp tä itiyej lhäse. Wet tä lhäs ihi, wet yen lheya Atay. ₃₆Atay häpe p'ante Natán lajcha, wet Natán häpe p'ante Zabad lajcha. ₃₇Zabad häpe p'ante Eflal lajcha, wet Eflal häpe p'ante Obed lajcha. ₃₈Obed häpe p'ante Jehú lajcha, wet Jehú häpe p'ante Azarías lajcha. ₃₉Azarías häpe p'ante Heles lajcha, wet Heles häpe p'ante Elasa lajcha. ₄₀Elasa häpe p'ante Sismay lajcha, wet Sismay häpe p'ante Salum lajcha. ₄₁Salum häpe p'ante Jecamías lajcha, wet Jecamías häpe p'ante Elisama lajcha.

₄₂Häp Jerameel lech'inij Caleb, lhäs tä lechunkatsek lhey Mesá. Mesá häpe p'ante Zif lajcha, wet Zif häpe p'ante Maresa lajcha, wet Maresa häpe p'ante Hebrón lajcha. ₄₃Hebrón leles tä hin'ol häpehen Coré, Tapúa, Rekem, lhäy'e Sema. ₄₄Sema häpe p'ante Raham lajcha, wet Raham häpe p'ante Jorcoam lajcha. Wet Rekem häpe p'ante Samay lajcha. ₄₅Wet Samay häpe p'ante Maón lajcha, wet Maón häpe p'ante Bet-sur lajcha.

₄₆Wet Caleb imäyejlhi p'ante elh atsinha tä lhey Efa. Tä iwo lelesahlä, wet yen lheyisa Harán, Mosa, Gazez. Wet Harán lhäs ihi, wet häte yen lheya Gazez.

₄₇Wet iche hin'o tä lhey Jahday, wet leles tä hin'ol lheyis Regem, Jotam, Gesam, Pelet, Efa, lhäy'e Saaf.

₄₈Wet Caleb äp imäyejlhi elh atsinha tä lhey Maaca. Tä iwo lelesahlä, wet yen lheyisa Seber, Tirhana. ₄₉Tä paj wet iwo leles iyhäja wet yen lheyisa Saaf lhäy'e Seva. Saaf häpe p'ante Madmana lajcha, wet Seva leles häpehen Macbena lhäy'e Gibea. Wet häte Caleb lhäse ihi p'ante tä lhey Acsa.

_50-51Ilhokej tähistso tälhe p'ante Caleb.

Hur häpe p'ante Caleb lhäs tä lechunkatsek tä ihihlä lech'efwa Efrata. Wet Hur leles lheyis Sobal, Salma, wet Haref. Sobal häpe p'ante Kiriat-jearim lajcha, wet Salma häpe p'ante Belén lajcha, wet Haref häpe p'ante Bet-gader lajcha. ₅₂Wet iyhäj wichi tä tälhe Sobal häpe Haroé, lhäy'e lechowej wichi tä lew'et Manahat, ₅₃lhäy'e wichi tä ihi Kiriat-jearim. Lhamelna häpehen wichi tä lew'et lhip tä lhey N'owujyaj, lhäy'e Fut lhayis, Sumat lhayis, Misra lhayis. Wichi tä lew'etes Sora lhäy'e Estaol tälhehen p'ante wichitso.

₅₄Wet wichi tä tälhe Hur lhäs elh tä lhey Salma häpehen hin'o tä lhey Belén, lhäy'e wichi tä yen lew'eta honhat lhip tä lhey Nichätchä, lhäy'e Atrot-bet-joab lheley, lhäy'e lechowej wichi tä lew'et Manahat, lhäy'e Sor lhayis, ₅₅lhäy'e hin'ol tä õlesaynekwos tä lew'et Jabés. Lhamelna häpehen Tirat lhayis, Simat lhayis, lhäy'e Sukat lhayis. Wichina häpehen Ken lhayis tä letes Hamat, häp hin'o tä Recab lhayis tälhe p'ante.