1~Crón 7

₁Isacar leles ihi cuatro, lheyis Tola, Puva, Jasub, lhäy'e Simrón.

₂Häp Tola leles lheyis Uzi, Refaías, Jeriel, Jahmay, Ibsam, lhäy'e Samuel. Lhamel häpehen iyhäj kaniyatey wet t'otle t'unhen, wuj tä ihanej tä iwo laka'tshayaja. Täj ichäte lewhäy tä David ihi leniyatyaj, wet iche veintidós mil seiscientos (22.600) wichi tä tälhe letes Tola.

₃Uzi lhäs häpe Israhías, wet Israhías leles lheyis Micael, Abdías, Joel, lhäy'e Isías. Israhías lhäy'e lelesna häpehen iyhäj kaniyatey, cinco lhamel. ₄Wet tä wujpe lech'efwas lhäy'e leles, tä paj p'ante iche treinta y seis mil sip'älis tä tälhe lhamel.

₅Tä ilhokej Isacar kawichi tä lhalepuhfwas tä õ'toyen lheyis tä ihi lehi, iche ochenta y siete mil (87.000) hin'ol tä ihanej tä iwo laka'tshayaja.

₆Benjamín leles ihi tres, lheyis Bela, Bequer, lhäy'e Jediael.

₇Bela leles ihi cinco, lheyis Esbón, Uzi, Uziel, Jerimot, lhäy'e Iri. Lhamel häpehen iyhäj kaniyatey wet t'otle t'unhen, wuj tä ihanej tä iwo laka'tshayaja. Tä paj p'ante õ'toyen lheyis häp õka'tshayajwos tä tälhe lhamel, wet iche veintidós mil treinta y cuatro (22.034).

₈Häp Bequer leles lheyis Zemira, Joás, Eliezer, Elioenay, Omri, Jerimot, Abías, Anatot, lhäy'e Alemet. Ilhokej lhamel tä lajcha Bequer. ₉Wet tä paj õ'toyen lheyis häp wichi lhäy'e laka niyatey tä tälhe Bequer lelestso, wet iche veinte mil doscientos (20.200) hin'ol tä ihanej tä iwo laka'tshayaja.

₁₀Jediael lhäs lhey p'ante Bilján, wet Bilján leles lheyis Jeús, Benjamín, Ehud, Kenaana, Zetán, Tarsis, lhäy'e Ahisahar. ₁₁Ilhokej lhamel häpehen iyhäj kaniyatey wet wuj tä ihanej tä iwo laka'tshayaja. Wet wichi tä tälhehen lhamel, iche diecisiete mil doscientos (17.200) tä õka'tshayajwos.

₁₂Hin'o tä lhey Hir leles häpehen Sufam lhäy'e Hufam. Wet Aher lhäs häpe Husim.

₁₃Neftalí leles p'ante lheyis Jahseel, Guni, Jezer, lhäy'e Salum. Lhamel letela häpe Bilja, häpe atsinha tä Neftalí lajcha Jacob imäyejlhi.

₁₄Manasés imäyejlhi p'ante atsinha tä Aram lhayis ka'tsinha. Tä iwo lelesahlä, wet yen lheyisa Asriel, Maquir. Maquir häpe p'ante Galaad lajcha. ₁₅Maquir yen ch'efwaya Maaca tä tälhe Hufam lhäy'e Sufam laka wichi. Wet Maquir lhäs elh lhey Zelofehad, wet Zelofehad leles ts'ilak atsinhay. ₁₆Wet Maaca tä Maquir lech'efwa äp iwo lelesa wet yen lheyisa Peres, Seres. Wet Seres leles häpehen p'ante Ulam lhäy'e Rekem, ₁₇wet Ulam lhäs lhey Bedán. Ilhokej hin'oltso tä õ'wo lheyisa tälhe p'ante elh tä lhey Galaad, häp Maquir lhäs wet Manasés lecheyäs.

₁₈Tä Maquir lech'inhä Hamolequet iwo lelesa, wet yen lheyisa Isod, Abiezer, Mahla.

₁₉Wet Semida leles häpehen Ahián, Sikem, Likhi, Aniam.

₂₀Häp tähisna wichi tä tälhe letes Efraín. Iche p'ante häp Sutela, wet lhäs lhey Bered, wet Bered lhäs Tahat, wet Tahat lhäs Elada, wet Elada lhäs Tahat elh, ₂₁wet Tahat lhäs Zabad, wet Zabad lhäs Sutela elh. Wet Eser lhäy'e Elad, häp Efraín leles iyhäj, lhamel ihoye Gat tä fwitaj t'etanehen Gat lheley leläy tshätäy, mat Gat lheley ilänhen lhamel. ₂₂Wet lhamel lajcha Efraín pitaj lewhäy tä itichunche leles tä y'inhen. Wet iyhäj ihoye tä hich'ote, lhamel ikhajyen t'at. ₂₃Wet lham lhay'aje lech'efwa wet atsinha nech'e hich'otshan. Wet iwo lhäsa wet lajcha yen lheya Bería, tsi lelhakli ihi lew'et. (Häp õlhey Bería yiwitej õlhämet tä yok, Lelhakli ihi.)

₂₄Bería lhäse lhey p'ante Seera, wet lham tä yenlhi p'ante Bet-horón lhip tä tumchä lhäy'e lhip tä tumphä. Häte yenlhi Uzen-seera.

₂₅Wet Bería lhäs lhey Refa, wet Refa lhäs Resef, wet Resef lhäs Telah, wet Telah lhäs Tahán, ₂₆wet Tahán lhäs Ladán, wet Ladán lhäs Amihud, wet Amihud lhäs Elisama, ₂₇wet Elisama lhäs Nun, wet Nun lhäs Josué. ₂₈Wet lhamel yen laka honhatesa Betel, lhäy'e Naarán tä tumej tä ifwala tälhche, lhäy'e Gezer tä tumej tä ifwala y'uy, lhäy'e häp Sikem, wet yäk ichäte Ayah. Wet elh weihalhapej hupuytso õy'isej wichi lew'etes tä tott'ahomche.

₂₉Wichi tä tälhe p'ante letes Manasés lhamel lhayen lewuhuya Bet-seán, Taanak, Meguido, lhäy'e Dor, wet y'isej wichi lew'etes tä tott'ahomche. Wet häp tä Manasés kawichi yen p'ante lew'etesa, wok oyok, lhamel tä tälhe Manasés lajcha José tä häpe p'ante Israel lhäs.

₃₀Häp Aser leles p'ante lheyis Imna, Isúa, Isuy, Bería, wet lech'inhä lhey Sera.

₃₁Bería leles lheyis Heber lhäy'e Malquiel tä häpe Birzavit lajcha. ₃₂Wet Heber leles häpehen Jaflet, Somer, Hotam, wet lech'inhä lhey Súa.

₃₃Jaflet leles lheyis Pasac, Bimhal, lhäy'e Asvat. Häp tähistso Jaflet leles. ₃₄Wet lech'inij Somer leles häpehen Rohga, Jehuba, lhäy'e Aram. ₃₅Wet Somer lech'inij Hotam leles lheyis Sofah, Imna, Seles, lhäy'e Amal.

₃₆Sofah leles häpehen Súa, Harnefer, Súal, Beri, Imra, ₃₇Beser, Hod, Sama, Silsa, Itrán, lhäy'e Beera.

₃₈Häp hin'o tä lhey Jeter leles häpehen Jefone, Pispa, wet Ara. ₃₉Wet Ula leles lheyis Ara, Haniel, lhäy'e Risia.

₄₀Wet ilhokej hin'oltso tä õ'wo lheyisa häpe p'ante wichi tä tälhe letes Aser. Häpe iyhäj kaniyatey wet sip'älis tä lhäy'e lhip tä khajayhen wet wuj tä len'ohyajay ihi. Wet tä õ'toyen lheyis, ihi veintiséis mil (26.000) hin'ol, wak'alhen yämlek iwo laka'tshayaja.