Wichi tä tälhe p'ante letes Benjamín
1Benjamín leles p'ante ihi cinco. Elh tä ichun lhey Bela, wet lech'inhis häpehen Asbel, Ahara, 2Noha, lhäy'e Rafa. 3Bela leles häpehen p'ante Adar, Gera, Abihud, 4Abisúa, Naamán, Ahoa, 5Gera elh, Sefufán, lhäy'e Hiram.
6-7Iche p'ante Ehud leles tä iyhäj kaniyatey tä lew'et Geba. Lhamel lheyis Naamán, Ahías, wet Gera tä häpe Uza lhäy'e Ahihud lajcha. Mat tä paj õ'chen lhamel, õyokose Manahat, wet Gera häp tä ihäne lhamel.
8-11Häp hin'o tä lhey Saharaim iwo lelesahlä lech'efwa Husim, wet yen lheyisa Abitub, Elpaal. Mat tä paj iwom p'ante lech'efwatso, lhäy'e elh atsinha tä iyej tä lhey Baara, wet ihoye honhat tä Moab wet nech'e yen ch'efwaya atsinha tä lhey Hodes. Tä iwo lelesahlä, wet yen lheyisa Jobab, Sibia, Mesá, Malcam, Jeús, Saquías, Mirma. Häp tähistso Saharaim leles wet häpehen iyhäj kaniyatey. 12Wet lham lhäs Elpaal leles ihi p'ante, lheyis Heber, Misam, lhäy'e Semed tä häpe elh tä yenlhi hupuy tä Ono lhäy'e Lod, lhäy'e wichi lew'etes tä tott'ahomche. 13Wet iyhäj Elpaal leles häpehen Bería lhäy'e Sema tä häpehen iyhäj kaniyatey tä lew'et Ajalón. Lhamel yokoschephä wichi tä ihi p'ante Gat. 14Wet lhamel lech'inhis lheyis Sasac lhäy'e Jeroham.
Wichi tä tälhe letes Benjamín tä lhamel ihi p'ante Jerusalén lhäy'e Gabaón
15-16Bería leles häpehen Zebadías, Arad, Ader, Micael, Ispa, lhäy'e Joha.
17-18Elpaal leles häpehen Zebadías elh, Mesulam, Hizqui, Heber, Ismeray, Izlías, lhäy'e Jobab.
19-21Simey leles häpehen Jaquim, Zicri, Zabdi, Elienay, Siletay, Eliel, Adaías, Beraías, lhäy'e Simrat.
22-25Sasac leles häpehen Ispán, Heber, Eliel, Abdón, Zicri, Hanán, Hananías, Elam, Anatotías, Ifdaías, lhäy'e Peniel.
26-27Jeroham leles häpehen Samseray, Seharías, Atalías, Jaresías, Elías, lhäy'e Zicri.
28Ilhokej wichitso häpehen iyhäj kaniyatey, lhäy'e leles tä tälhe lhamel, wet lhamel yen lew'eta Jerusalén.
29Wet iche p'ante hin'o tä lew'et Gabaón tä lhey Jehiel, wet lech'efwa lhey Maaca. Lham häpe Gabaón lajcha, 30wet leles iyhäj häpehen Abdón tä häpe elh tä lechunkatsek, Zur, Cis, Ba'al, Ner, Nadab, 31Gedor, Ahío, Zequer, 32lhäy'e Miclot tä häpe Simea lajcha. Wet ilhokej lhameltso iwo lew'etawhäye lepuhfwas tä ihi Jerusalén.
Rey Saúl lhäy'e wichi tä tälhe
33Ner häpe p'ante Cis lajcha, wet Cis häpe p'ante Saúl lajcha, wet Saúl leles häpehen Jonatán, Malquisúa, Abinadab, lhäy'e Es-ba'al. 34Jonatán lhäs lhey Merib-ba'al, wet lham häpe p'ante Micaías lajcha. 35Micaías leles häpehen Pitón, Melec, Tarea, lhäy'e Acaz. 36Acaz häpe p'ante Joada lajcha, wet Joada leles häpehen Alemet, Azmavet, lhäy'e Zimri. Zimri häpe p'ante Mosa lajcha, 37wet Mosa häpe p'ante Bina lajcha, wet Bina häpe p'ante Rafa lajcha. Rafa häpe p'ante Elasa lajcha, wet Elasa häpe p'ante Asel lajcha.
38Asel leles p'ante ihi seis, lhamel lheyis Azricam, Bocrú, Ismael, Searías, Abdías, Hanán. Häp tähistso Asel leles. 39Wet lham lech'inij Esec leles häpehen Ulam tä häpe elh tä ichun, wet Jehús, wet elh tä lepes häpe Elifelet. 40Ulam leles häpehen p'ante sip'älis tä wuj tä khajayhen, matche tä ihanej tä tiyäjej lech'ähil. Wet wujpe lhamel leles lhäy'e lechetsos, ciento cincuenta lhamel.
Ilhokej wichitso tä õ'wo lheyisa tälhe t'at letes p'ante Benjamín.
