Gén 36

₁Häp tähesna leles häp Esaú, wok oyok, Edom: ₂Esaú yen ch'efwasa atsinhay tä lew'et honhat tä Canaán. Elh lhamel lhey Ada, häp Het lhayis elh tä lhey Elón lhäse. Wet elh lhey Oholibama tä Aná lhäse wet lechäti tä häpe Hiv lhayis elh lhey Sibón. ₃Wet elh lhey Basemat tä häpe Ismael lhäse, lechila lhey Nebayot. ₄Wet Esaú lhäs tä ihihlä Ada lhey Elifaz, wet lhäs elh tä ihihlä Basemat lhey Reuel. ₅Wet Oholibama leles lheyis Jeús, Jaalam, lhäy'e Coré. Häp tähestso Esaú leles tä nichäthihchä p'ante Canaán.

₆Esaú yikch'oye honhat tä Canaán, lhäy'e lech'efwas, lhäy'e leles, lhäy'e nilhokej wichi tä iyej, lhäy'e leläy, lhäy'e nilhokej m'ak tä ikalhi tä ihi Canaán, wet yik tä lhaitontehlä lech'inij Jacob. ₇Tsi tä wuj lakäywet, lhäy'e lech'inij, häp tä nemhit lew'et ihi lhamel tä hap'akwek, wet honhat tä ihi w'awulhiyejt'a leläy tä hiw'en. ₈Häp tä tamenej tä Esaú yik wet yen w'eta honhat tä chenhas tä lhey Seír.

₉Häp tähesna wichi tä tälhe p'ante Esaú, häp Edom lhayis letes, tä lhamel ihi p'ante lew'et häp honhat tä chenhas tä lhey Seír: ₁₀Iche lhäs tä ihihlä Ada tä lhey Elifaz, wet iche lhäs tä ihihlä Basemat tä lhey Reuel. ₁₁Wet Elifaz iwo lelesa wet lheyis Temán, Omar, Zefo, Gatam, lhäy'e Kenaz. ₁₂Wet Elifaz lech'efwa elh tä lhey Timna iwo lhäsa wet lhey Amalek. Häp tähestso Esaú leles tä ihihlä lech'efwa Ada. ₁₃Wet Esaú lhäs elh tä lhey Reuel iwo lelesa, wet lheyis Nahat, Zera, Sama, lhäy'e Miza. Häp tähestso leles häp Esaú tä ihihlä lech'efwa Basemat. ₁₄Wet Esaú leles tä ihihlä lech'efwa elh tä lhey Oholibama, lheyis Jeús, Jaalam, lhäy'e Coré. Oholibama häpe Aná tä lhäse, wet lechäti lhey Sibón.

₁₅Häp tähesna Esaú leles kaniyatey: Iche lhamel tä tälhe p'ante lhäs tä lechunkatsek tä lhey Elifaz, lhamel lheyis Temán, Omar, Zefo, Kenaz, ₁₆Coré, Gatam, lhäy'e Amalek. Häp tähestso Elifaz leles tä häpehen niyatey tä ihi p'ante honhat tä Edom. Lhamel häpehen Esaú lech'efwa Ada tä lechetsos. ₁₇Wet Esaú lhäs elh tä lhey Reuel leles kaniyatey lheyis Nahat, Zera, Sama, lhäy'e Miza. Häp tähestso Reuel leles tä häpehen niyatey tä ihi p'ante honhat tä Edom. Lhamel häpehen Esaú lech'efwa Basemat tä lechetsos. ₁₈Wet Esaú lech'efwa elh tä lhey Oholibama tä Aná lhäse, niyatey tä tälhe lham leles lheyis Jeús, Jaalam, lhäy'e Coré. ₁₉Nilhokej lhamel tä lheyis täjtso häpe Esaú, wok oyok, Edom leles t'at tä häpehen niyatey.

₂₀Häp wichi tä ichun p'ante tä ihi honhat tä Edom, lhamel lhey Hor lhayis wet letes p'ante häpe hin'o tä lhey Seír. Wet leles lheyis Lotán, Sobal, Sibón, Aná, ₂₁Disón, Eser, lhäy'e Disán. Häp p'ante tähestso Hor lhayis kaniyatey. ₂₂Wet Lotán leles lheyis Horí lhäy'e Hemam, wet Lotán lech'inhä lhey Timna. ₂₃Wet Sobal leles lheyis Alván, Manahat, Ebal, Sefo, lhäy'e Onán. ₂₄Wet Sibón leles lheyis Aja lhäy'e Aná. Wet Aná häp p'ante tä hiw'en inät lhayis tä ts'ifwik tä ihi ts'anis tä lham hit'ekyenwethä lajcha Sibón w'utey asnolis. ₂₅Aná lhäs lhey Disón, wet elh tä atsinha lhey Oholibama. ₂₆Wet Disón leles lheyis Hemdán, Esbán, Itrán, lhäy'e Kerán. ₂₇Wet Eser leles lheyis Bilján, Zaaván, lhäy'e Acán. ₂₈Wet Disán leles lheyis Us lhäy'e Arán.

₂₉Tä mälhyejtso, Hor lhayis kaniyatey häpehen p'ante Lotán, Sobal, Sibón, Aná, ₃₀Disón, Eser, lhäy'e Disán. Lhamel ihi p'ante honhat tä lhey Seír, wok oyok, Edom.

_31-39Häp tähesna honhat tä Edom laka niyatey tä häpe reyes tä elh icheyäjompej leniyatyaj tä kamaj newache p'ante Israel lhayis laka rey:

Häp reyesna, tä elh ileyej honhat wet elh tä ihän icheyäjo leniyatyaj.

₄₀Häp tähesna lheyis häp wichi tä tälhe letes Esaú. Iyhäjpej tä lhalepuhfwas lhaiw'enhat wet ihiche t'at laka honhates. Lheyis Timna, Alva, Jetet, ₄₁Oholibama, Ela, Pinón, ₄₂Kenaz, Temán, Mibsar, ₄₃Magdiel, lhäy'e Iram. Häp tähestso lheyis häp leles Esaú, wok oyok, Edom. Elh weihalhapej ihi t'at honhat tä laka honhat. Tä mälhyejtso, Esaú häpe t'at Edom lhayis letes.