Jer 16

₁Lhawuk tahuy n'oyej wet yok:

₂–Yej wola hach'efwaya tsi tek owahin amej chik lewo alesahi honhatna. ₃Tsi häp tä olham tä Awukn'o ofwel amho m'ak wit'äyhyaj tä ihiyeja nä'tshas tä nichäthihchä honhatna, lhäy'e tä ihiyeja lajchalis lhäy'e lakolis. ₄Y'inhiyejena n'ot'inhayajay tä äytesiche, wet ihichet'ala elh chik y'äyenhen, lhäy'e tä nehichela iyhäj chik tajänchehlä lep'itseyhay. Tajlhama tä lhahila'pe honhat, tehlat iwoye y'amhuy tä õ'wom. Wet iyhäj häp tä n'oka'tshayaj lhäy'e nehläs tifwiyeja lhamel, wet afwenchey tä n'okotses lhäy'e itshätäy tä fwitses tufwihena lep'itseyhay.

₅Lhawuk hip'ajtej lhämet elh tä yok:

–Chik elh ileyej honhat, yej hoyela lew'et lheley. Yej tafwlhila wet yej lhena alhakliya n'op'itsek. Tsi olham osoyej okäpfwayaj tä is häp wichi, nemhit otiyej ohumnhayaj wet nemhit op'altsen lhamel. Olham tä Lewukn'o olhämet täjtso. ₆Wichi tä len'ohyajay ihiche lhäy'e iyhäj tä laj len'ohyaja, lhamel tan'isichelawek tä y'inhen tä ihi honhatna. Tek õtjänlahlä lhamel wet õy'äyenhit'ala. Ihichet'ala elh chik lhaisajlhi wok yähäs lhetek tä letetnekej tä yen lhakliya elh tä ileyej honhat. ₇Wet nemla wichi iwoye lakey tä ihoye iyhäj tä elh ileyej honhat yämlek tachufwiyejwek lhäk, tejlak lajcha wok lako tä ileyej honhat thayej.

₈“Yej hoyela wichi tä lhaihutejwek häp lhäk tä wuj. Tek owatläk letachufwiyej tä t'ekhen. ₉Tsi häp tä olham tä ohäpe Israel Lewuk Dios tä laj letumfwaya, olhämet yok, Owohla pesa tä wichi tä ihi honhatna itenhen letenkay tä lakäjyaj ihi, wet lhamel tä tawhayeyhen nemla õ'läte lepak tä akäswethä. Nämla lewhäytso wet wichi hiw'enla t'at m'ak tä ihichela.

₁₀“Wet chik lefwenho wichi olhämetna, wet lhamel tay'ätshanla ame tä yok, ¿Chipte tä lewoye ämet tä Lhawuk yok, Oyämla wuj lewit'äyhyaj tä ochätyenpe lhamel? ¿Atsi olhamel och'isukyaj tä owoye? ¿Atsi m'ak tä ni'isa tä olhamel owoye tä ottayejlä Lhawuk Dios?

₁₁“Am chulhola tä lhok, Lhawuk lhämet yok, M'ak tä tamenej häp tä achätilis ileyej Lewuk tä matche wet ihänlhi dios lhayis iyhäj wet yen lewuhuya wet n'okwiyej. Lhamel iwom Lewuk wet nemhit iwoye lhämtes. ₁₂Te amel m'ak tä lewoye inu'pe achätilis. Elh tefwajpeji hit'unhat lechowej wet iwoye m'ak tä ni'isa, wet lhäy'e tä nem tach'ahuye Lewuk. ₁₃Häp tä tamenej tä Dios ayokwesichephäla tä lhehi honhatna wet ithatla amehen honhat elh tä katäfwela'pe lhäy'e tä achätilis nitäfwela'pe. Chik amel lechäte lhiptso, letach'othiyela dios lhayis tä w'enha lhamejen ifwalapej honajchepej, tsi Lhawuk nemla aip'altsenhen.

₁₄“Mat nämla lewhäy chik wichi yachajiholak yenn'o Lewuka. Wet lhamel nemla yok, Lhawuk tä itonphä p'ante Israel lhayis tä itälhtho honhat tä Egipto. ₁₅Mat nech'e yohlak, Lhawuk tä itonphähte Israel lhayis tä itälhtho honhat tä tumej tafwojyhiye lhäy'e tä itälhthomche nilhokej honhatil tä lham pajche yokwese lhamel. Tsi matche, olham onachajihola lhamel häp laka honhatte ow'enho lechätilis. Olham tä Lewukn'o olhämet täjtso.

₁₆“Mat athana olham ochene wujpey wichi häpkhilek t'iwokoyej Israel lhayis, tehlat iwoye w'ahat kotses tä t'iwokoyej w'ahat. Wet äp ochenhiyela wujpey iyhäj wichi tä ichowalhiyela Israel lhayis wet itälhthihola tachenhas lhäy'e naksel tä ihiche. ₁₇Tsi ow'en nilhokej lhamel lechumtes, niwohit elh m'ak chik n'am w'enej, lhäy'e nilhokej lech'isukyajay tä iwoye. ₁₈One'tehlak lhamel iwo lahaya lakeyis tä ni'isachehen, wet one'tehlak y'isej lhip laha tä tiskanejpe lech'isukyajay. Tsi häp tä ikänchiyej honhat tä Olewuk wet yäm tapoyej lecheyälis tä laj leyalha tä hich'atej tä ni'isahen tä olham matche tä on'äyihomche.”

₂₁Wet Lhawuk nichulh n'oho wet yok: