Jer 25

₁Tä nichäte cuatro nekchämis tä rey Joaquim tä Josías lhäs häpe niyat tä ihi Judá, Lhawuk tahuyej Jeremías tä isukunej lham lhämet tä ichene nilhokej wichi tä ihi Judá. Täjtso häpehte nekchäm tä ichun tä rey Nabucodonosor ihi leniyatyaj tä ihi Babilonia. ₂Wet profeta Jeremías iwo silätayej Judá lheley lhäy'e wichi tä lew'et Jerusalén häp Lhawuk lhämet tä yok:

₃–Veintitrés nekchämis tä Lhawuk yämpej n'oye, talhe nekchäm trece tä rey Josías tä Amón lhäs niyatej Judá pajtha nämena. Wet olham ofwelpej amhohen häp Lhawuk lhämtes, mat amel letach'ahuhiyet'a. ₄Tej tä lham ichenpej amehen lakawos profetas, mat tek letach'ahuyaye lhamel, lewohit'a lahaya. ₅Lhamel yopejkwe, “Leyache akeyis lhäy'e m'ak tä ni'isa tä lewoyaye, häpkhilek lajit lepesa tä lhewhi honhatna tä Lhawuk hiw'enho p'ante achätilis lhäy'e tä yen haw'eta pajla'tha tiyäj'attsiy. ₆Yej n'okwiyej dios lhayis iyhäj wet yej lhen awuhuya lhamel. Yej wäkwyhayen Awuk Dios tä len'okwiyej dios lhayis tä akwey lhenhay, häpkhilek lham nitiya amejen awit'äyhyaj.”

₇“Mat amel letach'ahuhiyet'a Awuk lhämtestso. Lewäkwyhayen häp lham tä len'okwiyej dios lhayis tä akwey lhenhay, wet häp tä amel t'at tä alewit'äynhen. ₈Tä mälhyejtso, Lhawuk tä laj letumfwaya yok, Tä amel katach'ahuyaye olhämtes, ₉ot'änhiyela nilhokej wichi tä ihiche honhatil tä tumej tafwojyhiye, wet äp ot'änhiyela häp Nabucodonosor, rey tä ihi Babilonia tä oyen okawoya, häpkhilek lhamel nämhen wet iwo laka'tshayajayej honhatna, lhäy'e wichi tä ihi, lhäy'e nilhokej wichi iyhäj tä laka honhatil iwhäye honhatna. Otäyhthila lhamel, oyämlat nofwej. Häpkhila m'ak tä tanhoch'ay wet õyenla n'oläkwika. ₁₀Wet owohla lepesa lakäjyajay lhäy'e tä itenhen letenkay, wet nemla õ'läte lhamel tä tawhayeyhen lepak tä iwo lakäjyaja. Nemla iche fwelhey lepakas, wet n'ochäkw nemla n'äle. ₁₁Wet nilhok honhatna tä wasihichela, wet wichi tä oyämetso oyenlat lewuka rey tä ihi Babilonia pajla'tha setenta nekchämis.

₁₂“Wet chik tajyäme lewhäytso, otasnhila'pe m'ak tä ni'isa tä Babilonia laka rey lhäy'e laka wichi iwoye. Wet owasthihila laka honhat wet tats'anihila'pe pajla'tha tiyäj'attsiy. Olham tä ohäpe Dios tä matche olhämet täjtso. ₁₃Othatlatpe lewit'äyhyaj honhattso, häp tä omatitche nilhokej olhämtes tä ihi lehina tä Jeremías yen lhämeta tä itiyej wichi tä i'pe honhat. ₁₄Tsi häp tä wichi tä ihiche honhatil, lhäy'e reyes tä lakhajyhayaj ihi, lhamel lhayenla Babilonio lhayis lewuhuya, häpkhilek olham owo lahayayej m'ak tä ni'isa tä iwoye.”

₁₅Lhawuk tä Israel laka Dios yäm n'oye tä yok:

–Chuma n'olhäthina tä hat'es tä häpe owäk tapoyej, wet yäynejen nilhokej häp wichi tä ihiche honhatil tä ochen ame. ₁₆Chik lhamel iyäyej, tan'ajiyejawethä, tehlat iwoyek lhaich'isukyenhen, tsi wuj tä otiyej lhamel oka'tshayaj.

₁₇Wet olham otchumlä n'olhäthi tä tälho Lhawuk takwey, wet oyäynejen nilhokej häp wichi tä ihiche honhatil tä lham ichen n'oye. ₁₈Oyäynejen Jerusalén lhäy'e hupuy tä ihi Judá, op'ajtej laka reyes lhäy'e leniyatfwas, häpkhilek hat'es tä häpe Lhawuk lewäk itäyhthen lhamel wet nem wo m'ak chik imälhhi, tajlhama tä tanhoch'ayphä honhat. Wet elh chik häpe chik t'uhläk lewit'äyhyaj iyej elh, yohlak, “Is chik atet iwoye Judá lheley tä matche tä lewit'äyhyaj ihi.” ₁₉Wet äp oyäynej hat'estso häp Egipto laka rey, lhäy'e leniyatfwas, lhäy'e lech'otfwas, lhäy'e nilhokej wichi tä ihi laka honhat, ₂₀wet lhäy'e iyhäj tä w'enhache lhamejen tä iyej. Äp oyäynej reyes tä ihi honhat tä lhey Us, lhäy'e reyes tä ihi Filisteo lhayis kahonhates tä Askalón, Gaza, Ekrón, lhäy'e Asdod lhip tä imälhhi. ₂₁Wet äp oyäynej wichi tä ihiche Edom, Moab wet Amón, ₂₂wet reyes tä ihi Tiro lhäy'e Sidón, wet reyes iyhäj tä laka honhatil iwhäye lewomekitaj Mediterráneo. ₂₃Wet äp oyäynej wichi tä lew'etes Dedán, Tema, wet Buz, lhäy'e wichi tä yähäs häp t'asi w'ole, ₂₄lhäy'e reyes tä ihi Arabia lhäy'e iyhäj tä niyatej wichi tä ichehen ts'anis. ₂₅Wet äp oyäynej reyes tä ihi Zimri, Elam, lhäy'e Media, ₂₆wet reyes tä niyatejen honhatil tä atott'ahomche lhäy'e tä atosehen tä tumej tafwojyhiye. Wet häp tä tetso, oyäynej nilhok niyatey lhäy'e wichi tä i'pe honhat. Tä lepese, häp Babilonia laka rey tä iyähiyeja.

₂₇Wet nech'e Lhawuk äp yäm n'oye wet yok:

–Fwenho lhamel tä olham tä ohäpe Israel lhayis Lewuk Dios tä laj letumfwaya one'tek lhamel iyähi n'olhäthi tä owäk tapoyej, pajla'tha w'oknhas wet tach'uyejwethä, wet nichätche katsi wet nemhit nechephä, tsi häp tä wuj tä otiyej oka'tshayaj lhamel. ₂₈Wet chik lhamel nit'uyahläk iyäyej n'olhäthi lhele, fwenhola lhamel olhämet tä oyok, Iwohiyet'ak kayäyayej. ₂₉Tsi tä ochunkatej Jerusalén, häp hupuy tä ot'amajchet, tä otiyej lewit'äyhyaj, wet häp tä amel tek letefwayhiyeja otasnhayaj. Otasnhila t'at amel, tsi häp tä ochene oka'tshayaj nilhokej wichi tä i'pe honhat. Olham tä ohäpe Dios tä laj letumfwaya olhämet täjtso.

₃₀“Wet am, Jeremías, fwenhomche lhamel nilhokej olhämtesna, ok,

₃₂Wet äp Lhawuk tä laj letumfwaya yok: