Neh 10

₁“Häp olhamel tä owo firmaya: olham Nehemías, Hacalías lhäs, tä ohäpe gobernador, lhäy'e Sedequías, ₂lhäy'e sacerdotes tä lheyis

“Nilhokej lhameltso häpehen sacerdotes.

₉“Wet Leví lhayis tä iwo firmaya häpehen

₁₀lhäy'e lhamel lepuhfwas tä lheyis

₁₄“Wet hin'ol tä wichi kaniyatey tä iwo firmaya häpehen

₂₈Wet iyhäj wichi, wok oyok, sacerdotes, Leví lhayis, hin'ol tä t'uye Dios Lew'et, iyhäj tä ichoywethä, lhäy'e hin'ol tä tach'ote lechumet tä ihi Dios Lew'et, lhäy'e nilhokej lhamel tä lhaitiyej kanhihlä wichi iyhäj tä ihi honhat yämthilek iwoye Dios lhämtes, lhäy'e atsinhay tä lech'efwas, lhäy'e leles tä lhethey nit'una yämthilek ihanej m'ak tä kalelhäj, ₂₉lhamel lhaip'ajtej laka niyatey wet lhamel yäm kalelhäj tä iwohiyela Dios lhämet p'ante lakawo Moisés hiw'enho lhamel lechätilis. Wet lhamel yok, “Olhamel olehiyejt'ala mat otujlhahichela tä owoye t'at nilhokej Lhawuk Dios lhämtes lhäy'e lechufwenyajay. ¡Is chik Lhawuk takäpfwayej n'oyehen owit'äyhyaj chik n'am näm matche olhämet tä owoyena!

₃₀“Tä mälhyejtso, olhamel tek owahnhiyeja oles tsinhay häp wichi tä lew'et honhatna yämthilek yen ch'efwasa. Häte oles tä hin'ol, tek owahnhiyeja chik t'uhläk yen ch'efwasa lhamel laka'tsinhay.

₃₁“Chik lhamel ihän n'oyehen yachuyaj lhay, wok m'ak at chik häpe tä ifwellhi, yämthilek olhamel ochäj häp ifwala tä n'ot'elak lew'et wok ifwala tä n'okäjyaj, ochäjit'ala. Häte chik siete nekchämispej nemla olhamel otutcheyhiche okäsw'etes, wet otäyhthihena letes häp iyhäj tä otujlhayehen.

₃₂“Häte nilhokej olhamel chik nekchämpej elh weihalhapej yenla n'otw'ayhata cuatro gramos plata häpkhilek och'otyeneje Dios Lew'et. ₃₃Ow'enhihola pan tä n'ot'amajchet, lhäy'e yachuyaj lhay tä õyen Dios t'awayhata nilhokej ifwalas, lhäy'e itshätäy tä õ'wunhomche ifwalapej tä õyen n'okhayajayej Dios, lhäy'e iyhäj itshätäy tä õ'länhenpej häp ifwala tä n'ot'elakw'et, lhäy'e tä iwel'a nech'ayek, lhäy'e nilhokej okäjyajay tä oyen okäjyajayej Lhawuk, lhäy'e t'awayhtes iyhäj chik häpe, häte itshätäy tä õ'länhenpe n'och'isukyajay yämthilek Dios itäyhthen olhamel otes tä ohäpe Israel lhayis, lhäy'e nilhokej m'ak at chik häpe chik och'otyeneje Dios lechumet tä ihi Lewukwe.

₃₄“Häte sacerdotes, lhäy'e Leví lhayis, lhäy'e nilhokej wichi iyhäj, olhamel okoyej suerte yämthilek kalelhäj iyhäjpej tä is chik ihäne Owuk Dios Lew'et häp hal'äy tä itäj huk nekchämpej, yämthilek õ'wunho itshätäy tä i'pe Dios laka altar, mälhyej tä Dios lhämet ne'tek õ'woye.

₃₅“Wet nekchämpej olhamel ohänhiyela Lhawuk Lew'et häp okäs lhay tä ichun, lhäy'e hal'ä lhay tä ichun. ₃₆Häte olhamel ohänhiyela oles tä ochunkatshay häp oka Dios Lew'et, lhäy'e oläy w'asetas leles, lhäy'e tson'atas leles, lhäy'e kayla lhayis leles tä lechunkatshay. Häpkhilek ow'enho häp sacerdotes tä tach'ote Dios lechumet, mälhyej tä Dios lhämet ne'tek õ'woye.

₃₇“Häte olhamel ohänhiyela oka Dios Lew'etch'ol tä õt'amajeji sacerdotes lhäk, häp harina tä ichun tä õyenlhi, lhäy'e hal'ä lhay tä ichun, lhäy'e oka hat'es tä ichun, lhäy'e aceite tä ichun.

“Wet ow'enhathiyeja diezmo tä tälho yachuyaj chik wak'alh, wet ow'enhihola Leví lhayis. Tsi lhamel tä lechumet tä tachumlä olhamel oka diezmo tä tälho olafwey. ₃₈Wet olhamel oyok, Chik Leví lhayis yikhen tä ihoyehen wichi yämthilek ihutwek diezmo, is chik sacerdote tä tälhe letes Aarón yikche lhamel. Wet is chik Leví lhayis hiw'enhat diezmo tä tälho häp diezmos tä wichi hiw'enho lhamel, wet is chik ihäne oka Dios Lew'etch'ol tä õt'amajeji m'ayhay. ₃₉Tsi Leví lhayis lhäy'e Israel lhayis iyhäj, ihäne t'at yachuyaj lhay, hat'es, lhäy'e aceite, häp lew'et tä õt'amajeji m'ayhay tä n'ot'amajchetes, häp lew'et tä sacerdotes ihi, lhäy'e hin'ol tä t'uye Dios Lew'et, lhäy'e iyhäj tä ichoywethä. Wet olhamel ot'uhiyela olhamel oka Dios Lew'et.”