Neh 12

₁Sacerdotes lhäy'e Leví lhayis, häp täja lheyis häp lhamel tä tapile Judá tä nekche Zorobabel, Salatiel lhäs, lhäy'e Josué, Sacerdote tä Lhamya. Sacerdotes häpehen:

Lhamel häpehen sacerdotes tä len'ohyajay ihiche häp ifwalas tä Josué häpe Sacerdote tä Lhamya, lhamel lhäy'e lepuhfwas.

₈Wet Leví lhayis häp täja lheyis: Josué, Binuy, Cadmiel, Serebías, Judá, lhäy'e Matanías. Lham lhäy'e lepuhfwas, häp lhamel tä lechumet n'otenkay, ₉wet lepuhfwas Bacbuquías lhäy'e Uni häte lhamel hich'otyeneje lechumtes.

₁₀Josué lhäs Joaquim, wet Joaquim lhäs Eliasib, wet Eliasib lhäs Joyada, ₁₁wet Joyada lhäs Jonatán, wet Jonatán lhäs Jadúa.

₁₂Häp ifwalas tä Joaquim häpe p'ante Sacerdote tä Lhamya, häp täja lheyis häp sacerdotes tä wichipej tä lhaiyhäj kaniyatey:

Häp Seraías lhayis elh tä iyhäj kaniyat häpe Meraías.

Häp Jeremías lhayis elh tä iyhäj kaniyat häpe Hananías.

₁₃Häp Esdras lhayis elh tä iyhäj kaniyat häpe Mesulam.

Häp Amarías lhayis elh tä iyhäj kaniyat häpe Johanán.

₁₄Häp Melicú lhayis elh tä iyhäj kaniyat häpe Jonatán.

Häp Sebanías lhayis elh tä iyhäj kaniyat häpe José.

₁₅Häp Harim lhayis elh tä iyhäj kaniyat häpe Adna.

Häp Merayot lhayis elh tä iyhäj kaniyat häpe Helcay.

₁₆Häp Ido lhayis elh tä iyhäj kaniyat häpe Zacarías.

Häp Ginetón lhayis elh tä iyhäj kaniyat häpe Mesulam.

₁₇Häp Abías lhayis elh tä iyhäj kaniyat häpe Zicri.

Häp Miniamín lhayis elh tä iyhäj kaniyat häpe...

Häp Moadías lhayis elh tä iyhäj kaniyat häpe Piltay.

₁₈Häp Bilga lhayis elh tä iyhäj kaniyat häpe Samúa.

Häp Semaías lhayis elh tä iyhäj kaniyat häpe Jonatán.

₁₉Häp Joyarib lhayis elh tä iyhäj kaniyat häpe Matenay.

Häp Jedaías lhayis elh tä iyhäj kaniyat häpe Uzi.

₂₀Häp Salay lhayis elh tä iyhäj kaniyat häpe Calay.

Häp Amoc lhayis elh tä iyhäj kaniyat häpe Heber.

₂₁Häp Hilcías lhayis elh tä iyhäj kaniyat häpe Hasabías.

Häp Jedaías lhayis elh tä iyhäj kaniyat häpe Natanael.

₂₂Wet ifwalas tä Eliasib lhäy'e Joyada, Johanán, lhäy'e Jadúa lhamel ihi, pajtha nichäte p'ante ifwalas tä Darío häpe Persa lhayis laka niyat, wet õ'lesayen lheyis häp Leví lhayis tä häpehen wichipej tä lhaiyhäj kaniyatey, lhäy'e sacerdotes. ₂₃Wet Leví lhayis tä wichipej tä lhaiyhäj kaniyatey, õ'lesayen lheyis tä ihi lehi pajtha nichäte ifwalas tä Johanán, Eliasib lhäs, ihi p'ante. ₂₄Wet Leví lhayis kaniyatey häpehen Hasabías, Serebías, Josué, Binuy, lhäy'e Cadmiel, lhäy'e lepuhfwas. Lhamelna lechumet t'at n'otenkay tä iten tä ichoywethä tä iwo graciasayej häp Dios tä lhamel nichätepej lewhäy tä laka turno, mälhyej tä Dios lakawo David ne'tep'antek lhamel iwoyepej. ₂₅Wet hin'ol tä t'uye Dios Lew'et häpehen Matanías, Bacbuquías, Abdías, Mesulam, Talmón, lhäy'e Acub. Lhamel takasitwhäye tä t'uye lew'etes tä n'olhäk ichechufwi tä iwhäye lepelis.

₂₆Nilhokej lhamel tä lheyis tähestso ihi p'ante ifwalas tä Josué lhäs tä lhey Joaquim ihi, tä lham häpe Josadac lecheyäs, lhäy'e ifwalas tä gobernador Nehemías ihi p'ante, lhäy'e sacerdote Esdras tä häpe hin'o tä lhayen lewoyayej Lhawuk lhämtes p'ante tälhe Moisés.

₂₇Nichäte ifwala tä wichi yachaje Dios häp n'olafwek tä wak'alh yämthilek Lewuk t'at wet yen t'amajcheta. Wet häp tä lhamel t'ukwe Leví lhayis tä ihiche honhates tä lew'etes, wet ihäne Jerusalén yämthilek yen n'ot'amajcheta häp n'olafwektso, wet iwoye n'okäjyaj wet ichoywethä tä iten n'otenkay, wet ichäjwethä chinaj lhipey tä õy'ajwek, lhäy'e arpas. ₂₈Wet häp Leví lhayis tä ichoywethä lhamel tälho lew'etes tä iwhäye Jerusalén, wet äp tälho lhip tä lhey Nichätchä lhäy'e wichi lew'etes tä iwhäye, ₂₉lhäy'e wichi lew'etes tä ihi Gilgal, lhäy'e honhates tä iwhäye Geba lhäy'e Azmavet. Tsi lhamel tä ichoywethä yenwethä lew'etes tä Jerusalén ihi lechowej. ₃₀Wet sacerdotes lhäy'e Leví lhayis lhamel inay tä letetnek lhamejen tä lhayen t'amajchetesayej Dios. Häte iwo tetnekayej tä inayyenhen wichi, lhäy'e n'olafwek, lhäy'e lepelis.

₃₁Wet olham ofwenho niyatey tä ihi Judá, one'tek lhamel iho'pe n'olafwek. Wet ohutwek wujpe wichi tä ichoywethä, otihi dos tä ow'enhathen. Iyhäj one'tek inukwe n'olafwek lhip tä lefwomkat tä tataye lepe tä tiyäje basura lew'et. ₃₂Wet Osaías ihän len'äyij, lhäy'e lechowej niyatey tä ihi Judá, ₃₃wet hin'ol tä yikche häpehen Azarías, Esdras, Mesulam, ₃₄Judá, Benjamín, Semaías, lhäy'e Jeremías. ₃₅Wet iyhäj tä sacerdotes lhamel yafwutche lefwolis trompetas. Iche Zacarías, Jonatán lhäs, wet lechäti lhey Semaías. Lechätilis p'ante iche Matanías, Micaías, Zacur lhäy'e Asaf. ₃₆Wet Zacarías lepuhfwas Semaías, Azarel, Milalay, Gilalay, Maay, Natanael, Judá, lhäy'e Hanani, lhamel tachuma lefwolis tä música, mälhyej tä Dios lakawo David ichumyenlhi p'ante. Wet n'ochufwenyajwo Esdras ichunlä lhamel, häp hin'o tä lhayen lewoyayej Lhawuk lhämtes p'ante tälhe Moisés. ₃₇Tä lhamel nichäte lepe tä tumejlä ts'ifwik, inukwe n'olafwek tä atojphä wet inukwe n'ot'äsawetes tä tiyäje David laka Hupuy. Tä lhamel nichätpe David lewukwe p'ante, wet lhamel inukwehchä pajtha nichäte lepe tä tiyäje inät tä tumej hichä.

₃₈Wet iyhäj tumej lhip tä lets'amkat tä yikhen, wet olham omälheche len'äyij tä onukwe n'olafwek, lhäy'e wichi iyhäj. Wet olhamel otälhe hup tä atojphä tä ihi lhip tä n'onhonthis ihi, pajtha onchäte n'olafwek lhip tä tsajche. ₃₉Onu w'echehi lepe tä Efraín lepe, lhäy'e lepe tä lhey Jesana, lhäy'e lepe tä w'ahatwos len'äyhitaj, lhäy'e Hananel laka hup tä atojphä, lhäy'e hup elh tä atojphä tä lhey Cien, pajtha onchäte lepe tä õyokweschepej tson'atas. Wet tä olhamel onchäte lepe tä sip'äl tä t'uye hupuy ihi, otkasthen.

₄₀Wet tä olhamel oleyej täjtso, nech'e nilhokej wichi tä ichoywethä, nech'e ihiche t'at lew'etes tä ihi Dios Lew'et. Häte olham oiyej t'at, lhäy'e iyhäj niyatey tä iwo ot'unfwaya, ₄₁lhäy'e sacerdotes tä yafwutchehen lefwolis trompetas tä lheyis Eliaquim, Maaseías, Miniamín, Micaías, Elioenay, Zacarías, Hananías, ₄₂Maasías, Semaías, Eleazar, Uzi, Johanán, Malquías, Elam, lhäy'e Ezer, lhäy'e hin'ol tä Izrahías tach'ote tä ichoywethä.

₄₃Wet ifwalatso wujpey itshätäy tä õ'länhen tä õyen n'okhayajayej Dios, wet wichi akäswethä tsi Dios wuj tä hiw'enho lakäjyaj. Atsinhay, nä'tshas, häte lakäjyaj ihi, wet wichi tä lew'etes tott'ahomche Jerusalén iläte t'at wichi lepak.

₄₄Wet ifwalastso õ'tshupyeneje hin'ol yämthilek itetshan m'ayhay tä õt'amajej, häp n'otw'ayhtes, lhäy'e yachuyaj lhay tä ichun, lhäy'e diezmos. Wet one'tek lhamel ihutwek m'ayhay tä tälhomche wichi laka honhates lhäy'e lelafwey tä lhamel ichene sacerdotes lhäy'e Leví lhayis, mälhyej tä Dios lhämet ne'tek lhamel iwoye. Tsi Judá lhayis wuj tä akäjejlhi m'ak tä sacerdotes lhäy'e Leví lhayis iwoye. ₄₅Wet sacerdotes lhäy'e Leví lhayis lhamel iwoyepej lechumet tä tach'ote Dios, wet inaypej tä letetnek lhamejen tä lhayen t'amajchetesayej Dios, wet äp inayyenhenpej wichi yämthilek lhayen t'amajchetesayej Dios. Wet häte hin'ol tä ichoywethä lhäy'e iyhäj tä t'uye Dios Lew'et, lhamel iwoye lechumet, mälhyej täjp'ante rey David lhäy'e rey Salomón ne'tek õ'woye. ₄₆Tsi ifwalas tä pajche tä rey David lhäy'e Asaf ihi, iche t'at hin'ol tä itetshan lhamel tä ichoywethä. Wet tä iyhäj ichoypejwethä, wet iwujyen Dios wet iwopej graciasayej.

₄₇Tä mälhyejtso, ifwalas tä Zorobabel ihi lhäy'e Nehemías, nilhok Israel lhayis tä ifwalapej hiw'enho t'at lhäk häp hin'ol tä ichoywethä lhäy'e iyhäj tä t'uye Dios Lew'et. Häte hiw'enho iyhäj Leví lhayis häp m'ak tä õhw'enhatej, wet Leví lhayis hiw'enho sacerdotes häp lhip tä õhw'enhatej.