Nehemías itshupyene hin'ol iyhäj yämthilek t'uye Jerusalén
1Tä wak'alh n'olafwek tä Jerusalén lep'ot tä olhamel onech'aynhi, wet othathomche lepe p'otes. Wet äp õ'tshupyeneje iyhäj hin'ol yämthilek t'uye lepelis, wet iyhäj õ'tshupyene yämthilek häpehen wichi tä ichoywethä, wet iyhäj häpehen Leví lhayis. 2Wet one'tek och'inij Hanani lhäy'e Hananías lhayen lhetekayej Jerusalén. Hananías häpe hin'o tä t'uye hup tä takhajay tä sip'äl ihi. Wet lham matche tä ihumin Dios wet iwoye lhämtes, inu'pe iyhäj. 3Wet ofwenho lhamelna wet oyok:
–Yej fwoyenchehen lepelis tä kamaj ifwala ni'tofwache. Chik atojche ifwala, häp tä is chik lefwoyenchehen. Wet tä honaj p'ohiche tä kamaj ifwala n'uya tä kamaj nekahen lewos tä t'uye, wet p'alkateji. Wet tshupyene hin'ol tä lew'et Jerusalén yämthilek iyhäj ihiche lhipey tä t'uye hupuy wet iyhäj t'uyehen lhipey tä yiwithiche lewukwey.
4Jerusalén häpe hupuy tä wuj wet äp tsajo, mat wujit'a wichi tä ihi tsi kamaj tek õ'nech'aynhiche hupuy tä wasiche.
Häp täja lheyis häp Israel lhayis tä yikch'oye p'ante Babilonia
5Wet Dios iwo otichunhayaja yämthilek ohutwek hin'ol tä iyhäj kaniyatey, lhäy'e hin'ol tä kalelhäjiche, lhäy'e nilhokej wichi iyhäj, wet olesayen lheyis, lhäy'e leles. Wet ow'en wichi tä ichun p'ante tä yäpnho Jerusalén, elhpej lhäy'e leles tä õ'lesayen p'ante lheyis, häpehen tähesna:
6Häp Israel lhayis p'ante rey Nabucodonosor ihäne Babilonia tä yen kwenkaya, iche lhamel tä paj wet yikch'oye honhattso wet yäple Jerusalén lhäy'e lew'etes iyhäj tä ihi Judá. Iyhäjpej yäpnho t'at laka honhat, 7wet häp hin'ol tä yikchufwi lhamel häpehen Zorobabel, Josué, Nehemías, Azarías, Raamías, Nahamani, Mardoqueo, Bilsán, Misperet, Bigvay, Nehúm, lhäy'e Baana.
Häp täja lheyis häp lhamel tä yäpil:
8Wichi tä letes p'ante lhey Parós, iche dos mil ciento setenta y dos lhamel (2.172).
9Wichi tä letes p'ante lhey Sefatías, iche trescientos setenta y dos lhamel (372).
10Wichi tä letes p'ante lhey Ara, iche seiscientos cincuenta y dos lhamel (652).
11Wichi tä letes p'ante lhey Pahat-moab, häp lhamel tä tälhe hin'ol p'ante lheyis Josué lhäy'e Joab, iche dos mil ochocientos dieciocho lhamel (2.818).
12Wichi tä letes p'ante lhey Elam, iche mil doscientos cincuenta y cuatro lhamel (1.254).
13Wichi tä letes p'ante lhey Zatu, iche ochocientos cuarenta y cinco lhamel (845).
14Wichi tä letes p'ante lhey Zacay, iche setecientos sesenta lhamel (760).
15Wichi tä letes p'ante lhey Binuy, iche seiscientos cuarenta y ocho lhamel (648).
16Wichi tä letes p'ante lhey Bebay, iche seiscientos veintiocho lhamel (628).
17Wichi tä letes p'ante lhey Azgad, iche dos mil trescientos veintidós lhamel (2.322).
18Wichi tä letes p'ante lhey Adonicam, iche seiscientos sesenta y siete lhamel (667).
19Wichi tä letes p'ante lhey Bigvay, iche dos mil sesenta y siete lhamel (2.067).
20Wichi tä letes p'ante lhey Adín, iche seiscientos cincuenta y cinco lhamel (655).
21Wichi tä letes p'ante lhey Ater, häp lhamel tä tälhe hin'o p'ante lhey Ezequías, iche noventa y ocho lhamel (98).
22Wichi tä letes p'ante lhey Hasum, iche trescientos veintiocho lhamel (328).
23Wichi tä letes p'ante lhey Besay, iche trescientos veinticuatro lhamel (324).
24Wichi tä letes p'ante lhey Harif, iche ciento doce lhamel (112).
25Wichi tä letes p'ante lhey Gabaón, iche noventa y cinco lhamel (95).
Nilhokej wichitso tälhe Babilonia wet yäple Judá.
26Wichi tä lew'etes p'ante Belén lhäy'e Nichätchä, iche ciento ochenta y ocho lhamel (188).
27Wichi tä lew'et p'ante Anatot, iche ciento veintiocho lhamel (128).
28Wichi tä lew'et p'ante Bet-azmavet, iche cuarenta y dos lhamel (42).
29Wichi tä lew'etes p'ante Kiriat-jearim, T'owalhaj, lhäy'e N'opekis, iche setecientos cuarenta y tres lhamel (743).
30Wichi tä lew'etes p'ante Ramá lhäy'e Geba, iche seiscientos veintiuno lhamel (621).
31Wichi tä lew'et p'ante Mikmas, iche ciento veintidós lhamel (122).
32Wichi tä lew'etes p'ante Betel lhäy'e N'owastsek, iche ciento veintitrés lhamel (123).
33Wichi tä lew'et p'ante Nebo, iche cincuenta y dos lhamel (52).
34Wichi tä lew'et p'ante Elam elh, iche mil doscientos cincuenta y cuatro lhamel (1.254).
35Wichi tä lew'et p'ante Harim, iche trescientos veinte lhamel (320).
36Wichi tä lew'et Jericó, iche trescientos cuarenta y cinco lhamel (345).
37Wichi tä lew'etes p'ante Lod, Hadid, lhäy'e Ono, iche setecientos veintiuno lhamel (721).
38Wichi tä lew'et p'ante Senaa, iche tres mil novecientos treinta lhamel (3.930).
Nilhokej wichitso tälhe Babilonia wet yäple Judá.
39Häp sacerdotes tä letes p'ante lhey Jedaías, häp lhamel tä tälhe hin'o p'ante lhey Josué, iche novecientos setenta y tres lhamel (973).
40Wet sacerdotes tä letes p'ante lhey Imer, iche mil cincuenta y dos lhamel (1.052).
41Wet sacerdotes tä letes p'ante lhey Pasur, iche mil doscientos cuarenta y siete lhamel (1.247).
42Wet sacerdotes tä letes p'ante lhey Harim, iche mil diecisiete lhamel (1.017).
Nilhokej sacerdotestso lhamel tälhe Babilonia wet yäple Judá.
43Häp Leví kawichi tä lechätilis p'ante lheyis Josué lhäy'e Cadmiel, lhamel tä tälhe hin'o p'ante lhey Hodavías, iche setenta y cuatro lhamel (74).
44Wet Leví kawichi tä häpehen iyhäj tä ichoywethä tä letes p'ante lhey Asaf, iche ciento cuarenta y ocho lhamel (148).
45Wet iyhäj Leví kawichi tä lechätilis häpehen lhamel tä t'uye p'ante Dios Lew'et, häp lhamel tä tälhe hin'ol p'ante lheyis Salum, Ater, Talmón, Acub, Hatita, lhäy'e Sobay, tä nilhokej iche ciento treinta y ocho lhamel (138).
Nilhokej Leví kawichitso lhamel tälhe Babilonia wet yäple Judá.
46Wet iyhäj tä tach'ote Dios Lew'et lechumet häpehen lhamel tä lechätilis p'ante lheyis Siha, Hasufa, Tabaot, 47Queros, Siaha, Padón, 48Lebana, Hagaba, Salmay, 49Hanán, Gidel, Gahar, 50Reaías, Resín, Necoda, 51Gazam, Uza, Paseah, 52Besay, Meunim, Nefusim, 53Bacbuc, Hacufa, Harhur, 54Baslut, Mehída, Harsa, 55Barcós, Sísara, Tema, 56Nesía, lhäy'e Hatifa.
57Wet iyhäj tä tälhe rey Salomón lakawos häpehen lhamel tä lechätilis p'ante lheyis Sotay, Soferet, Peruda, 58Ja'ala, Darcón, Gidel, 59Sefatías, Hatil, Poqueret-hasebaím, lhäy'e Amón.
60Nilhokej iyhäj tä tach'ote Dios Lew'et lechumet, lhäy'e lhamel tä lechätilis häpehen p'ante Salomón lakawos, iche trescientos noventa y dos lhamel (392) tä tälhe Babilonia wet yäple Judá.
61Wet wichi tä nämhen tä tälhe lhip tä lhey Tel-mela, lhäy'e iyhäj tä tälhe Tel-harsa, lhäy'e iyhäj tä tälhe Querub, lhäy'e iyhäj tä tälhe Adón, lhäy'e iyhäj tä tälhe Imer, lhamel kalelhäjit'a chik lechätilis p'ante häpehen Israel lhayis, wet häp tä ihanhiyejt'a chik lhamelna häpehen Israel leles. 62Häp lhamel häpehen wichi tä tälhe lechätilis Delaías, Tobías, lhäy'e Necoda. Nilhokej lhamel iche seiscientos cuarenta y dos (642).
63Wet iche iyhäj tä lechätilis häpehen sacerdotes p'ante tä lheyis Hobaías, Cos, lhäy'e Barzilay. Häp Barzilay häpe p'ante hin'o tä iyej Galaad lhele elh tä äp lhey Barzilay leles tsinhay elh. Wet häp tä äp yen lheya Barzilay. 64Wet tä lhamel fwetaj t'ukwe lheyis tä ihi lehi tä iyej Israel lhayis, mat nilhokhiyet'a. Wet tä lheyis newahi lehi, tek õ'wahnej chik häpehen sacerdotes. 65Häte niyat n'äyejo lhamel chik fwetaj tufw n'olhäk tä n'ot'amajchetes, mat chunkat sacerdote itetshan wet ichumyenlhi n'okalelhthayajchal tä lhey Urim lhäy'e Tumim, yämthilek ihanej m'ak tä Dios ne'tek õ'woyeje lhamel.
66Wet tä nilhok wichi, iche cuarenta y dos mil trescientos sesenta (42.360). 67Mat tek õhp'ajtej lakawos tä hin'ol lhäy'e tä atsinhay, tä häpe siete mil trescientos treinta y siete (7.337). Häte iche doscientos cuarenta y cinco (245) hin'ol lhäy'e atsinhay tä ihanej tä ichoywethä. 68Wet lhamel hiw'en setecientos treinta y seis (736) yel'atas, wet doscientos cuarenta y cinco (245) mola lhayis, 69wet cuatrocientos treinta y cinco (435) camellos, wet seis mil setecientos veinte (6.720) asno lhayis.
70Iche hin'ol tä thänhäy lhamel iwo t'awayhtesa tä hich'otyeneje Dios lechumet. Wet niyat hiw'enho ocho kilos oro, cincuenta n'olhäthis tä wus, wet quinientos treinta (530) sacerdotes lew'uyis. 71Häte hin'ol tä thänhäy hiw'enho ciento sesenta (160) kilos oro, wet mil doscientos diez (1.210) kilos plata. 72Wet wichi iyhäj hiw'enho ciento sesenta (160) kilos oro, wet mil cien (1.100) kilos plata, wet sesenta y siete (67) sacerdotes lew'uyis.
73Wet sacerdotes, lhäy'e Leví kawichi, lhäy'e hin'ol tä t'uye Dios Lew'et, lhäy'e hin'ol tä ichoywethä, lhäy'e wichi, lhäy'e hin'ol tä tach'ote Dios Lew'et lechumet, lhäy'e nilhokej Israel, lhamel ihiche t'at lew'etes.
Wichi tach'ahuye Dios lhämet tä õyahyen
Tä nichäte iwel'a siete, Israel lhayis pajche ihiche t'at lew'etes.
