Núm 33

₁Israel lhayis yikch'oye p'ante honhat tä Egipto, iwo lew'ekyaja, wet honhatpej tä nichätho takasthi. Nifwotaj t'at lhamel, wet Moisés lhäy'e Aarón tä yikchufwi. ₂Moisés ilesayenpej lhey honhat at chik häpe tä yikpejch'oye, mälhyej tä Lhawuk ne'tek iwoye. Wet honhat at chik häpek takasthipej häp tähesna:

₃Tä iwo tesa nekchäm, häp iwel'a tä ichun, häp ifwala quince, Israel lhayis yikch'oye Ramsés tä ihi Egipto. Häpe t'at ifwala tä tajyäme tä lhamel yenlhi Pascua. Wet lakhajyhayaj ihi tä yikhen, wet Egipto lheley hiw'en t'at. ₄Wet ifwalatso Egipto lheley tajänchech'oye leles tä lechunkatshay lep'itseyhay tä Lhawuk ilänhen. Häp täjtso tä Lhawuk iwoye yämthilek lhamel hiw'en tä lajit lahaya lhamel laka dios lhayis tä t'ekhaye.

₅Israel lhayis yikch'oye p'ante Ramsés wet iwo lakasthawetahi Sukot.

₆Wet lhamel yikch'oye Sukot wet iwo lakasthawetahi Etam tä ihi ts'anis lhip.

₇Wet lhamel yikch'oye Etam wet tatsaye Pi-hahirot tä ihi Tafwojnhi Wuk lhip tä tumej hichä. Wet iwo lakasthawetawhäye Migdol.

₈Wet lhamel yikch'oye Pi-hahirot wet yistho Lewomekchät wet nichätho ts'anis. Wet tres ifwalas tä inukwe ts'anis tä Etam, wet iwo lakasthawetahi Mara.

₉Wet lhamel yikch'oye Mara wet nichäte Elim, häp honhat tä iche doce ts'ifwik lhayis lhäy'e setenta fwitsuk tä ihi. Wet häp tä iwo lakasthawetahi.

₁₀Wet lhamel yikch'oye Elim wet iwo lakasthawetawhäye Lewomekchät.

₁₁Wet lhamel yikch'oye Lewomekchät wet iwo lakasthawetahi ts'anis tä lhey Sin.

₁₂Wet lhamel yikch'oye ts'anis tä Sin wet iwo lakasthawetahi Dofka.

₁₃Wet lhamel yikch'oye Dofka wet iwo lakasthawetahi Alús.

₁₄Wet lhamel yikch'oye Alús wet iwo lakasthawetahi Refidim. Wet lhiptso ihichet'a inät yämthilek wichi iyäyej.

₁₅Wet lhamel yikch'oye Refidim wet iwo lakasthawetahi ts'anis tä Sinaí.

₁₆Wet lhamel yikch'oye p'ante ts'anis tä Sinaí wet iwo lakasthawetahi Kibrot-hataava.

₁₇Wet lhamel yikch'oye Kibrot-hataava wet iwo lakasthawetahi lhip tä lhey Alhotas.

₁₈Wet lhamel yikch'oye Alhotas wet iwo lakasthawetahi Ritma.

₁₉Wet lhamel yikch'oye Ritma wet iwo lakasthawetahi Rimón-peres.

₂₀Wet lhamel yikch'oye Rimón-peres wet iwo lakasthawetahi Pelaj.

₂₁Wet lhamel yikch'oye Pelaj wet iwo lakasthawetahi Risá.

₂₂Wet lhamel yikch'oye Risá wet iwo lakasthawetahi Kehelata.

₂₃Wet lhamel yikch'oye Kehelata wet iwo lakasthawetahi chenaj tä lhey Sefer.

₂₄Wet lhamel yikch'oye chenaj tä Sefer wet iwo lakasthawetahi Harada.

₂₅Wet lhamel yikch'oye Harada wet iwo lakasthawetahi lhip tä lhey Lhaihutwek.

₂₆Wet lhamel yikch'oye Lhaihutwek wet iwo lakasthawetahi Honhat Pitoj.

₂₇Wet lhamel yikch'oye Honhat Pitoj wet iwo lakasthawetahi Tara.

₂₈Wet lhamel yikch'oye Tara wet iwo lakasthawetahi Hak'onek.

₂₉Wet lhamel yikch'oye Hak'onek wet iwo lakasthawetahi Hasmona.

₃₀Wet lhamel yikch'oye Hasmona wet iwo lakasthawetahi N'otasnhayajay.

₃₁Wet lhamel yikch'oye N'otasnhayajay wet iwo lakasthawetahi Jaakanlesw'et.

₃₂Wet lhamel yikch'oye Jaakanlesw'et wet iwo lakasthawetahi chenaj tä lhey Gidgad.

₃₃Wet lhamel yikch'oye chenaj tä Gidgad wet iwo lakasthawetahi Jotbata.

₃₄Wet lhamel yikch'oye Jotbata wet iwo lakasthawetahi Abrona.

₃₅Wet lhamel yikch'oye Abrona wet iwo lakasthawetahi Esión-geber.

₃₆Wet lhamel yikch'oye Esión-geber wet iwo lakasthawetahi ts'anis tä lhey Zin. Wok oyok, lhip tä lhey Kadés.

₃₇Israel lhayis yikch'oye Kadés wet iwo lakasthawetahi honhat tä chenaj tä lhey Hor ihi, häp honhat tä tatayhlä Edom. ₃₈Wet Lhawuk ne'tek sacerdote Aarón iho'pe chenaj. Tä nichätpe, y'il. Häpe ifwala tä ichun, häp iwel'a cinco tä nech'e cuarenta nekchämis tälhe ifwala tä lhamel Israel lhayis yikch'oye honhat tä Egipto. ₃₉Tä Aarón y'il tä i'pe chenaj Hor, hiw'en p'ante ciento veintitrés (123) nekchämis.

₄₀Wet häp rey tä Canaán lhayis elh tä lew'et hupuy tä lhey Arad tä ihi honhat tä ts'anis tä lhey Négueb, lham ihanch'oye tä Israel lhayis nämhen.

₄₁Wet lhamel yikch'oye chenaj tä lhey Hor wet iwo lakasthawetahi Chalaj.

₄₂Wet lhamel yikch'oye Chalaj wet iwo lakasthawetahi Punón.

₄₃Wet lhamel yikch'oye Punón wet iwo lakasthawetahi Obot.

₄₄Wet lhamel yikch'oye Obot wet iwo lakasthawetahi Iye-abarim tä ihi lhip häp honhat tä Moab.

₄₅Wet lhamel yikch'oye Iye-abarim wet iwo lakasthawetahi Dibón-gad.

₄₆Wet lhamel yikch'oye Dibón-gad wet iwo lakasthawetahi Almón-diblataim.

₄₇Wet lhamel yikch'oye Almón-diblataim wet iwo lakasthawetahi chenhas tä lhey Abarim, tä tatayhlä Nebo.

₄₈Wet lhamel yikch'oye chenhas tä Abarim wet iwo lakasthawetahi honhat tä Moab lhip tä w'awulhchä tä tumej tewok Jordán lhip tä tatayhlä hupuy tä Jericó. ₄₉Wet lhamel lakasthawet tä iwhäye tewok, wichi lhaipiyenche tälhe Bet-jesimot pajtha nichäte Abel-sitim tä ihi honhat tä Moab.

₅₀Lhawuk tahuyej Moisés tä ihi honhat tä Moab lhip tä w'awulhchä tä tumej tewok Jordán lhip tä tatayhlä Jericó. Wet Lhawuk yok:

₅₁–Fwenho Israel lhayis olhämetna, oyok, “Chik amel lhistho Jordán wet letiyäjayho honhat tä Canaán, ₅₂okweschephäla nilhokej wichi tä ihi, wet wasthichela nilhokej laka dios lhayis tä takwey lhenhay tä tuntey wok chinaj. Wet häte wasthichela nilhokej n'on'okhayajw'etes tä iche'pe chenhas. ₅₃Oyok, kalhayhi wet enayla haw'eta honhattso, tsi olham tä ow'en amhohen yämthilek lheyayhi. ₅₄Amel tä letälhehen atetsel tä ihi doce, wola sorteaya chik lew'en amhomche. Wet nech'e iyhäjpej iwohla sorteaya yämthilek hiw'enhomche laka wichi. Iyhäj tä wuj w'awlhatej honhat, wet iyhäj tä niwuja häte w'awlhatej t'at. Nilhokej wichi ikathiyeja m'ak chik suerte tajej.

₅₅“Mat chik amel ka'okwesa wichi tä ihi honhat, lhamel tä imälhehi ailhaklitla chik lefwetajay lhen haw'eta häp honhat. Lhamel tehlat iwoye hal'ä lhip chik ihi atelho, tehlat iwoye ch'uthanil chik ihi asan. ₅₆Wet chik mälhhiyejatso, m'ak tä ot'uhläk owoyeje lhamel amenlak owoyej amehen.”