Salmo|Sal 100

₁Tenay atenkay tä lewoyay akäjyajayej Lhawuk,

häp amel tä lhe'pe honhat.

₂Wo akäjyaja tä len'okwiyej Lhawuk.

¡Lhuyay hoyaye wet änhen tä a'käswethä!

₃Täfwelayej tä Lhawuk häpe t'at Dios,

tsi lham tä lhenek n'amel wet Lhawuk t'at.

N'ahäpehen laka wichi wet lham t'u n'amehen,

hätet iwoye tson'ataswo tä t'uye leläy.

₄Lhuyay hoyaye Lew'et lepelis wet hoyaychufwi.

Ten atenkay tä lewujyenej wet wo graciasa,

wo graciasayej wet wunit häp lham.

₅Tsi Lhawuk hap'altsentsaj

wet lehumnhayaj tek tatäy,

wet lepes ihichet'a tä iyej t'at laka wichi.