Lhawuk t'uye laka wichi
1¡Lewujyaj ihi Lhawuk!
Owujyenla Lhawuk imälhewek ohusek
chik oiyej wichi tä isen chik lhaihutwek.
2Lhawuk lechumtes lhäy'e lhip tä wus,
wet wichi tä ihumin lhaichufwenejen t'at.
3Lhawuk lechumet hin'älit
lewujyaj wet äp lesilatyaj,
wet tatäyhit'a m'ak tä is alhoho tä iwoye.
4Pajche yen at häpeya m'ak tä wichi nip'ethatahlä
häp m'ayhay tä wuj tä isen tä lham iwoye.
Is häp Lhawuk wet äp hap'altsentsaj.
5Wichi tä ihumin wet iwoye lhämtes,
lham hiw'enho t'at lhäk,
wet tek hip'ethatlä lhämet
tä hit'unhatche p'ante tä iwoye.
6Hin'ältej laka wichi
häp lham lakhajyhayaj
tä lham hiw'enho p'ante honhates
tä lewuhuy wichi iyhäj.
7Is alhoho m'ak tä iwoye wet äp matche t'at,
wet t'uhawetej chik wichi
t'ekhaye t'at häp lhämtes.
8Häpe t'at lhämtes tä nittäya
pajla'tha tiyäj'attsiy,
wet häpe t'at m'ak tä matche wet is alhoho.
9Lhawuk ifwayhthen p'ante laka wichi
wet hit'untejche lhämet tä nittäya tä iwoyeje.
Häpe Dios tä N'ot'amajchet wet len'ohyaj ihi.
10Is chik hin'o ihumin Lhawuk wet iwoye lhämtes,
tsi häp tä n'ohanyaj tälhe.
Elh tä iwoynejetso lehusek ihi.
¡Lewujyaj ihi Lhawuk pajla'tha tiyäj'attsiy!
