Salmo|Sal 114

₁Israel lhayis,

wichi tä tälhe letes p'ante Jacob,

lhamel yikch'oye p'ante Egipto,

häp honhat tä wichi tä ihi

lhämtes w'enha lhamej.

₂Wet tälhe ifwalatso,

honhat tä Judá nech'e häpe Lhawuk t'amajchet,

wet Israel nech'e häpe Lhawuk leniyatyaj.

₃Tä lewomekitaj hiw'enlä Israel lhayis,

nowayhlä wet iwot len'äyija.

Wet tä äp tewok Jordán hiw'enlä,

takasit wet äp iwo len'äyija.

₄¡Wet chenhas tiyäjchephä,

tet iwoye tson'atas les tä tiyäjchephä!

₅Lewomekitaj, ¿atsi p'ante

m'ak tä tamenej tä lenoway?

Wet Jordán, ¿atsi p'ante

m'ak tä tamenej tä letakasit?

₆Wet chenhas, ¿atsi p'ante

m'ak tä tamenej tä letiyäjchephä,

atet iwoye tson'atas les tä tiyäjchephä?

₇Wet am, honhat, is tä aw'ahulhi

tä lhehi tä tatache häp Lhawuk, Jacob laka Dios.

₈Lham itälhtho inät häp chenaj tä tunte,

wet yen at inät lehiya.