Salmo|Sal 122

₁Wuj tä okäjyaj ihi

tä wichi t'än n'oye wet yok:

“¡Mäh n'ahoye Lhawuk Lew'et!”

₂Wet nech'e olhamel oihi t'at Jerusalén,

onchätho t'at lepelis.

₃Jerusalén häpe hupuy tä õyenlhi

yämthilek wichi lhaihuthiwek.

₄Lhawuk laka wichi nekhen tä ihoye

yämthilek iwunit häp lham,

mälhyej tä ne'tep'antek Israel iwoye.

₅Wet reyes tä tälhe letes David

ihiche leniyatyajay yämthilek

itiyej lakalelhthayaj wichi.

₆Alhyenaye Lhawuk häp Jerusalén, oyaykwe:

“Is chik letamsek ihi Jerusalén,

wet is chik letamsekis ihi

häp wichi tä ihumin.

₇Is chik wichi isej t'at n'olafwek

wet letamsekis ihi.

Is chik newache lewit'äy

häp lhamel tä ihi rey lewukwe.”

₈Wet tä ohumin opuhfwas lhäy'e okalay'is, oyok:

“Is chik letamsek ihi Jerusalén tä lheyayhi.”

₉Wet tä ohumin Lhawuk Dios Lew'et,

ot'alhe chik lham itiyej

lakäpfwayaj tä is häp Jerusalén.