Salmo|Sal 126

₁Tä Lhawuk ifwayhatte n'amejen

tä wichi n'ayen kwenkaya

wet y'atpinho Jerusalén,

hätet iwoyek lhafwilhek täjtso.

₂Wuj tä y'at'ischeyhen,

y'at'änhen tä lhakäjyaj ihi,

wet wichi tä ihiche honhates lhamel yok:

“¡Wuj tä isen m'ayhay

tä Dios iwoyeje wichina!”

₃Matche t'at, wuj tä isen

m'ayhay tä Lhawuk iwoyej n'amehen,

wet lhakäjyaj ihi.

₄Iwuk, achajo tä leti n'oyejen

akäpfwayaj tä is,

hätet iwoye honhat tä ts'anis

chik pelhay ihi, w'enha lhamej.

₅Häp wichi tä lhafwyhayaj ihi tä iwoye lechumet,

lakäjyaj ihiyeja chik ilanhi yachuyaj lhay.

₆Tej tä lhafwyhayaj ihi tä yik tä tutchey,

lakäjyaj ihiyeja chik yäple lew'et

tä tilhäj yachuyaj lhay.