Salmo|Sal 130

₁Tä lhäy'e lhip tä olhakli ihi,

tet iwoyek nemhit okalh lhamhi,

ot'än hach'oye, Iwuk.

₂Ch'ahu n'oye, Iwuk,

hach'ote thate ot'änyaj

tä olhaip'altsen ame.

₃Iwuk, Iwuk,

chik letetshanhi n'och'isukyaj,

ihichet'a elh chik tafway.

₄Mat letäyhat n'oyejen otes,

yämthilek oti amej ohumnhayaj

wet owoye ämtes.

₅Imälhewek ohusek

tä otiyej oniwhayaj häp Lhawuk,

wet ot'ekhaye lhämet.

₆Oniwhayaj tä otiyej Lhawuk

inu'pe hin'ol tä t'uye hupuy

tä lhamel iniwhitläk nech'e fwala.

Matche, inu'pe lhamel

tä iniwhitläk nech'e fwala.

₇Israel, ekhayaye Lhawuk,

tsi lehumnhayaj lepes ihichet'a,

wet wuj tä ihanej tä ifwayhthen wichi.

₈Ifwayhthiyeja nilhokej lech'isukyajay häp Israel.