Dios lehumnhayaj tä nittäya tä itiyej Israel
1W'enho aka gracias häp Lhawuk,
tsi hap'altsentsaj wet lehumnhayaj nittäya.
2W'enho aka gracias häp lham
tä häpe Dios tä matche,
wet lehumnhayaj nittäya.
3W'enho aka gracias häp lham
tä häpe N'owuk tä matche,
wet lehumnhayaj nittäya.
4Ts'ilak lham tä yenlhi m'ayhay tä äyteschehen,
wet lehumnhayaj nittäya.
5Häp lham tä yenejlhi lehanyaj häp pule,
wet lehumnhayaj nittäya.
6Häp lham tä yenlhi honhat wet inät ichufwi,
wet lehumnhayaj nittäya.
7Häp lham tä yenlhi ifwala lhäy'e iwel'a,
wet lehumnhayaj nittäya.
8Wet ifwala häp tä ihutunpe honhat,
wet lehumnhayaj nittäya.
9Wet iwel'a lhäy'e katetsel
ihutunpe honhat tä honatsi,
wet lehumnhayaj nittäya.
10Häp lham tä ne'tek ángel
ilänhen p'ante Egipto lheley chunkatshay,
wet lehumnhayaj nittäya.
11Häp lham tä itonphä
Israel lhayis tä ihi Egipto,
wet lehumnhayaj nittäya.
12Häp lham tä ipiyentshi
takwey tä takhajay,
wet lehumnhayaj nittäya.
13Häp lham tä hich'esajche
lechowej Lewomekchät,
wet lehumnhayaj nittäya.
14Häp lham tä inuhatche
lewomek lechowej häp Israel,
wet lehumnhayaj nittäya.
15Häp lham tä hip'oyejpe Egipto kaniyat
lhäy'e laka nifwotaj häp Lewomekchät,
wet lehumnhayaj nittäya.
16Häp lham tä inuhatche ts'anis häp laka wichi,
wet lehumnhayaj nittäya.
17Häp lham tä ilänhen
häp reyes tä lhamenya,
wet lehumnhayaj nittäya.
18Häp lham tä isoyej lew'atshancheyaj
reyes tä takhajayhen,
wet lehumnhayaj nittäya.
19Ilän Amorreo lhayis laka rey Sehón,
wet lehumnhayaj nittäya.
20Wet äp ilän Og, rey tä lew'et Basán,
wet lehumnhayaj nittäya.
21Tachuma reyestso laka honhates,
wet lehumnhayaj nittäya.
22Wet hiw'enho lham laka wichi Israel
yämthilek lhayen lewuhuya,
wet lehumnhayaj nittäya.
23Häp lham tä hip'altsen n'amehen
tä lhawit'äy ihipej,
wet lehumnhayaj nittäya.
24Häp lham tä ifwayhatpej n'amejen lhatayhfwas,
wet lehumnhayaj nittäya.
25Häp lham tä hiw'enho lhäk
häp hin'ol lhäy'e itshätäy,
wet lehumnhayaj nittäya.
26W'enho aka gracias
häp Dios tä pule Lewuk,
tsi lehumnhayaj nittäya.
