Israel lhayis tä n'okwenkay lhafwyhayaj ihi tä iwhäye tewok lhayis tä ihi Babilonia
1Olhamel ottachephä tä oipejwhäye
tewok lhayis tä ihi Babilonia,
wet otafwchehchä tä ontichune Sión.
2Olhamel ofwuhatwethä oka arpas,
otihiche sichuyuk lhayis
tä ihi honhat tä olhamel oihi.
3Tsi wichi tä ichäj n'oyehen laka honhat,
lhamel yenn'o lakwenkaya.
Mat ne'tek olhamel okäjyaj ihi t'at, wet yok:
“¡Huwa, choywethä, tenay atenkay
tä lheyayhihte Sión!”
4Mat olhamel oyok,
“¿Chiwoyek oten otenkay tä owuntej Lhawuk
tä oihi laka honhat häp wichi tä w'enha lhamejen?”
5Jerusalén, chik op'ethat ahilä,
is chik tamchäy t'at otkwey tä ofwomkat.
6Wet chik n'am tichun ame,
wet chik n'am wo okäjyaja amej,
is chik ok'ajlhich'u hap'akho t'at ok'ajch'o.
7Iwuk, lhek tichunche
m'ak tä Edom lhayis iwoyehte
häp ifwala tä Jerusalén nichät katsi,
wet lhamel yok, “¡Wasthi,
wasthi häp lefwetes!”
8¡Am, Babilonia, amlak awasi!
¡N'okäpfwayaj tä is ihiyeja hin'o
tä iwoyej ame laha m'ak tä lewoyej n'oyehen!
9¡Hin'ohlak tachuma alesas
wet itasnejen chenhas,
n'okäpfwayaj tä is ihiyeja!
