Salmo|Sal 138

₁Iwuk, ow'en amho oka gracias mälhewek ohusek.

Oten otenkay tä oaiwujyen

tä lhehi tä tatache akawos tä pule lheley.

₂Otkhos achafwi,

oyahin Haw'et tä Amajchet,

wet owo graciasa amej

tä ahäpe ahumnhatsaj wet a'afwtintsaj,

tsi nilhokej m'ayhay tä letichufwi

han'ohyaj lhäy'e ämet.

₃Tä ot'ännaj hach'oye,

lechulh at n'oho

wet let'isej lhip okhajyhayaj.

₄Iwuk, nilhokej niyatey

tä i'pe honhat aiwujyenla

chik lhamel iläte ämtes tä lewoye.

₅Lhamel yenla leteneka

achumyajay tä isen,

tsi matche tä awujyaj ihi.

₆Tej tä lhe puleye,

mat let'uye t'at hin'o tä lhaknichäjalhi.

Wet elh tä lhaichäjlhi,

tej tä atofwe ahilä,

mat lew'en t'at.

₇Chik owit'äy in'oyej,

am lesohit'a n'oyej ow'atshancheyaj,

mat lepiyen n'oye akwey

wet lefwayhat n'oyej otayhfwas lefwitseyaj.

₈Lewohiyeja n'oye nilhokej m'ak tä oisej.

Iwuk, tatäyhit'a ahumnhayaj.

Is chik nittäya lhip m'ak tä lewoye.