Salmo|Sal 14

₁Wichi tä ch'isukwis

iti lhamhiche letichunhayaj wet yok:

“Dios ihichet'a.”

Lhamel lhaikänchiyejen m'ak tä ni'isachehen.

Ihichet'a elh che iwoye m'ak tä is.

₂Lhawuk tä ipuleye iyahin t'at wichi

yämthilek hiw'en che iche p'iya

elh tä ihan m'akej wet t'ukwe Dios.

₃Mat nilhokej ileche Dios len'äyij

wet lhaikänchiyejen m'ak tä ni'isa.

Nemhit iche elh che iwoye m'ak tä is,

ihichet'ak tefwajni.

₄“Wichi tä iwoye m'ak tä ni'isa

lehanyaj ihihit'a”, yokwe Lhawuk.

Lhamel tufwen oka wichi,

itech'aynej pan tä tuj,

wet yenhit'a lewuka Lhawuk.

₅Ichetthiyejchela lenowayhyaj,

tsi Dios iyej t'at wichi tä iwoye lhämet. ₆Õ'läkwethä wichi tä iwatlä häp Lhawuk,

mat lham t'amajej t'at lhamel.

₇¡Istajyak Israel lhayis lefwayhyaj

tälhe chenaj tä Sión!

Che Lhawuk tach'ote laka wichi Israel

wet yachaje letamsek,

nilhokej lhamel akäslawethä.