Salmo|Sal 142

₁Ofwitsenej ochos tä ot'änch'oye Lhawuk.

Ofwitsenej opak tä olhaip'altsene.

_2-3Tä olät lhame tä nemhit otkhajay,

ofwenho Lhawuk olhakli

yämthilek ihanej tä ofwitajayaj ihi.

Iwuk, am lehanej t'at m'ak tä owoye.

Lhip at chik häpek onukwe,

otayhfwas itit n'ohlä t'akanyaj

tä t'uhläk isakan n'oyej.

₄Oyahin olhip tä ofwomkat,

nehichet elh chik tach'ot n'oye.

Ihichet'a elh chik olethane,

ihichet'a elh chik yen lhakliyan'o.

₅Iwuk, ot'än hach'oye wet oyok:

“Am tä ahäpe oletnhawet.

Nilhokej m'ak tä okäywet

tä oihi honhatna, ahäpe t'at.”

₆Ch'ahuye ot'änyaj,

tsi nemhit okhajyhayaj ihi.

Fwayhat n'oyej wichi tä inupej n'oye,

tsi wuj tä takhajayhen.

₇Tonphän'o tä õ'tsoklhin'o,

yämthilek oaiwujyen.

Wet chik hin'ol tä isen

hiw'en tä letach'ot n'oye,

lhamel lhaip'ajtitla n'oyej

tä oti amej awujyaj.