Salmo|Sal 39

₁Otichunhayaj yok, Oyämla is ochumyaj,

oyämla ischehen olhämtes.

Owohiyet'ala olhämtes tä ni'isachehen

tä oiyej wichi tä ni'isahen.

₂Olhayen ch'isuka wet tek otahuy

wok oyäme m'ak tä is.

Mat lhäy'epej lhip tä äytaj ot'isan,

₃wet wuj tä ilänn'o otichunhayaj,

hätet iwoyek itäj che in'ohi.

Wet ofwitsenej ochos tä oyok:

₄“¡Iwuk, fwel n'oho

häpkhilek ohanej m'ak tä okapesila

wet chihtefwas ifwalas che kamaj oläyhla!

¡Owatläk ohanej che nipitaja p'iya häp ow'atshancheyaj!”

₅Matche, lhämhit'a pitaj on'äyij,

w'et om'ayekfwaj t'at tä oihi tä letatache.

Hin'o lew'atshancheyaj hätet iwoye n'oyalh,

₆hätet iwoye hupel, tajyäme wet noj t'at.

Isiyejt'a lakäywet tä ihutwek,

wet ihanhiyejt'a elh tä lewukla.

₇Athana, Iwuk, ¿atsi tä otiyej onihayaj?

Am t'at tä oti amej.

₈Fwayhat n'oyej och'isukyajay,

häpkhilek niläkwalhin'o kachuhantses.

₉Olhayen ch'isuka wet n'am tahuy,

tsi am t'at tä oteläythayaj tälh ame.

₁₀So n'oyej owit'äyhyaj tä leti n'oyejna.

Tä akwey tajlhin'o, oy'il t'at.

₁₁Letasin hin'o tä lefwoneje

m'ak tä ni'isa tä iwoye,

wet lewo lemoka m'ak tä lham ihumin.

Hin'o hätet iwoye n'oyalh.

₁₂Iwuk, ch'ahuye ot'alhyaj,

ch'ahu n'oye tä ot'än hach'oye.

So n'oyej olhafwyhayaj häpkhilek ile n'oyej.

Lehanej tä ohäpe t'at hin'o tä w'enha lhamej,

pitajit'a tä oihonhatena,

mälhyej otetsel p'ante.

₁₃Leyej tä leyahinn'o,

häpkhilek otamsek ihi ayej

tä kamaj n'am leyej honhat

wet nemla oiche.