“Achajo tä lefwayhthen olhamel”
1Iwuk, ifwalas tä pajche
wet matche tä letach'ote aka honhatna,
wet lhachaje letamsek häp Israel.
2Letäyhtej letes häp aka wichi
wet noj lech'isukyajay,
3wet imälhewek tä leleyej awäk.
4Dios tä olhamel Ofwayhthi,
achajo tä lefwayhthen olhamel
wet leyej tä letawäkwäy n'oyehen.
5¿Wok hä lepes ihichet'a p'iya
awäk tä leti n'oyejen?
6¿Hä nemla lew'en n'ohohen ow'atshancheyaj
yämthilek aka wichi akäjlhi amej?
7¡Iwuk, päyen n'oyehen ahumnhayaj tä nittäya
wet fwayhat n'ohen!
8Otch'ahuhiyela m'ak chik Lhawuk Dios yäme,
tsi ifwenhihola letamsek häp laka wichi,
häp lhamel tä matche tä t'ekhaye häp lham,
yämthilek nachajaho tä iwoye m'ak tä ni'isa.
9Matche, Dios tek atofwe
yämthilek ifwayhthen lhamel
tä ihumin häp lham wet iwoye lhämtes,
wet lham lewujyaj lhäy'e len'ohyaj
ihihila lhaka honhat.
10N'ohumnhayaj lhäy'e m'ak tä matche ihlawek,
wet n'otamsek lhäy'e m'ak tä is alhoho tatsufwenhilawek.
11M'ak tä matche tälhihola honhat,
wet m'ak tä is alhoho tä ipuleye iyahnhila honhatena.
12Lhawuk lhamlak ichen pelhay
yämthilek iche yachuyaj.
13Wet m'ak tä is alhoho
ichunlahlä häp lham,
yämthilek iwaklhat len'äyij.
