Salmo|Sal 92

₁Iwuk tä N'owujtaj,

matche tä is tä owo graciasa amej

wet oten otenek tä oaiwujyen.

₂Matche tä is tä oyen lhämeta,

tä nech'e fwala lhäy'e tä honatsi,

häp ahumnhayaj tä nittäya lhäy'e afwtihyaj,

₃tä otchuma arpa lhäy'e m'ayhay iyhäj tä lepak ihi.

₄Iwuk, lekänitlhi n'oyej

m'ayhay tä lewoyepej,

wet ot'ichoylhi t'at

tä oyen tichunhayaja achumtes.

₅Iwuk, niwohit m'ak che w'awulhi achumtes,

wet lajit lepesa atichunhayajay.

₆Wichi tä ch'isukwis wet laj lehuseya ihanhiyejt'a.

₇Wet tä lhaichihelit häp wichi tä ni'isahen,

tet iwoye hal'ä tälhes,

wet äp wuj lakäywet tä ikalhi,

mat nofwila wet nemla ichehen.

₈Mat am, Iwuk, lepes ihichet'a

tä ahäpe t'at N'owujtaj.

₉Iwuk, m'ak tä kalelhäj,

oyok, nofwila atayhfwas.

Ifwtsatla'pe honhat häp wichi

tä iwoye m'ak tä ni'isa.

₁₀Am let'isej lhip okhajyhayaj,

otet iwoye w'asetaj,

wet letsäype olhetek

m'ak tä lenij akäjche.

₁₁Ottey hiw'enla otayhfwas che tatäy,

wet oläthiyela lelhaklis

häp lhamel tä ni'isahenna.

₁₂Mat häp wichi tä isen

tehlat iwoye fwitsuk che tawoy,

wet tehlat iwoye pino

tä lhaichihelit tä ihi Líbano.

₁₃Õ'tshänhitchä lhamel häp Lhawuk Lew'et,

wet tä lhamel ihi lhaka Dios Lew'et laka alho,

wuj tä isis, tet iwoye m'ak che tawoy.

₁₄Tejlak hich'uthen, mat ihichela lhay,

wet lepes ihichet'a tä lhäy'e lhip tä takhajayhen t'at,

₁₅yämthilek yen lhämeta

tä Lhawuk tä t'u n'oye,

häpe t'at Dios tä is alhoho

wet ihichet'a m'ak che ni'isa che iwoye.