Éxodo 22
(22.1-19 Dá'maq qohinta'gue quiyim qaỹa'ue ca la'maqa' ca se no'uen.)
Dá'maq llicyaxac cá'maq no'uen 'ueenataxac
20Chaqai qai'neeta 'naac ñi qota'olec:
—Ca qom no'm 'ue ca lachitaxanataxanaxat, ca ỹaanot canchaqaica nashiilec nqolac, qam sqai ỹaanot aỹim, ca ca'maxare qaỹalauat.
21'Neeto' sqa 'maxachiỹa'gue chaqai 'ñiỹari' ca ỹoqa'a ca chicqa'gue, ma' qamiri qai'neeta ỹoqa'a ca chigoxoỹa'gue na' ñiita'ñi yi Egipto.
22'Neeto' sqa 'maxachiỹa'gue na pa'ỹellipi chaqai na na'pelyipi, 23ma' no'm sqa 'maxachiỹa'gue, ca' nqouagaxainot aỹim yashiila quiyim sotauan, ca' ỹim sotauan. 24Ca ma'le, ca' ỹaatqajam so'o, ca' salauate' qamiri, sodoota'alo ca lecat. Ca' ma'le, ca cá'maq pa'ỹe chaqai ca na'peloq, ca chaqaicaua caua rouarii chaqai cauá'maq qachaalaxahi.
25Loqo'm no'm 'ue ca 'ualaxanaxañi' quená'maq ỹalamaxareteripi 'xoic ca le'xoric quená'maq neetauguilo qamiri, 'neeto' quiyim 'ñiisari' ca na'ualaxanaxala' quiyim ỹa'ue añi noquiicshiguim nqai'en caca na'uale lam. 26Chaqai no'm 'ue ca qom ỹa'ue ca louenec po'aano'ot qami' quiyim letanec cacá'maq la'uale, ca pilaxachitem ma' sham inoxonñi aca ra'aasa, 27ma' cajo looỹac qaicaata lquepaqataxanaxat quena no'oomaxa. No'me', ca ¿negue' quet cá'maq napo'ña'? Ma' no'm yashiila quiyim sotauan, ca' sotauan, ma' ỹim qouagaxanqachaqaic.
(22.28-31 Da naqataxac quecá'maq qohinta'gue quiyim qanqouagaxainot ñi qota'olec.)
Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.
